سهردێرهكان
- مفهوم الإبادة الجماعية بين النظرية الأكاديمية والتمييز قراءة نقدية لمنشورات الأمم المتحدة ………..هومر محمد
- مەترسی ئەنفالکردنەوەی ئەنفال دادگایکردنی عەجاج. …………..ئیبراهیم شێخ وەسانی
- تاوانی ئەنفال بۆ نەوەکانت بگێڕەوە! با گۆپتەپە دووبارە نەبێتەوە… سروە نوری ئەزیز
- عەجاج وەک ئایشمان ………………..سەیوان محەمەد
- لە سێدارەدانی عەجاج و لە گۆڕنانی دۆسێی جێنۆساید ……………………………هۆمەر محەمەد
پێشنیارێک بۆ دۆکیۆمێنتکردنی تاوان و پاراستنی یادەوەری بەکۆمەڵ
پێشنیارێک بۆ دۆکیۆمێنتکردنی تاوان و پاراستنی یادەوەری بەکۆمەڵ
بۆ وەزارەتی کاروباری شەهیدان و ئەنفالکراوان
بۆ سەرجەم بەڕێوەبەرایەتییە گشتییەکانی سەر بە وەزارەت
بۆ مۆنۆمێنتەکانی ئەنفال و هەڵەبجە
بابەت: پێشنیاری نمایشکردنی ئەم بەڵگەنامەیە بۆ ڕیسواکردنی فاشیزم
لە چوارچێوەی هەوڵە بەردەوامەکان بۆ چەسپاندنی ناسنامەی نەتەوەیی و پاراستنی مێژووی پڕ لە ئازاری گەلەکەمان ئەم پێشنیارە دەخەمە ڕوو. جێگەی داخە کە ئەم داواکارییە چوار ساڵ پێش ئێستاش ئاراستەی لایەنە پەیوەندیدارەکان کراوە، بەڵام تا ئێستا هەنگاوی کردەیی بۆ جێبەجێکردنی نەنراوە.
بۆ ئەوەی نەوەکانی ئێستا و داهاتوو لە ڕەفتارو بیرکردنەوەی فاشیزم و ڕژێمی پێشوو و تێبگەن پێشنیار دەکەم سکاڵانامەکەی کۆچکردوو عاسی مستە فائەحمەد کە دوای ئازادبوونی لە ئێران بۆ سەدامی دیکتاتۆری نووسیوە لەگەڵ ئەو وەڵامە پڕ لە شەرمەزارییەی دیوانی سەرۆکایەتی کۆماری ئەوسا لە شوێنە گشتی و دیارەکاندا نمایش بکرێن.
ئەم نامەیەی عاسی مستەفاو وەڵامەکەی سەعدون عەلوان دەبنە بەڵگە و گەواهیدەرێکی زیندوو لەسەر جێنۆسایدکردنی کورد. پێویستە ئەم دوو نامەیە بە فۆنت و دیزاینێکی شایستە و بە قەبارەی مەترێک بە حەفتا سانتیمەتر یان گەورەتر چاپ بکرێن. شوێنی گونجاو بۆ هەڵواسینیان دەروازەی مۆنۆمێنتەکان و ناوەندی وەزارەت و بەڕێوەبەرایەتییەکانە تا هەر سەردانیکەرێک بە وردی بیخوێنێتەوە.
جگە لە دامەزراوە حکومییەکان پێویستە ئەم دۆکیۆمێنتانە لە ناوەندەکانی خوێندن و زانکۆکان و مزگەوتەکان و تەنانەت لە ناو ماڵەکانیشدا بوونیان هەبێت. ئەمە تەنها نمایشکردنی نووسین نییە بەڵکوو پرۆسەیەکی پەروەردەیی و سیاسییە بۆ ڕێگریکردن لە دووبارەبوونەوەی کارەساتەکان.
پێویستە هەمووان بزانن کە فەرامۆشکردنی مێژووی ئەنفال وەک بەرزڕاگرتنی بیری بەعسیزم وایە و دەبێتە هۆی ونبوونی ناسنامەی نەتەوەیی بۆ هەتاهەتایە. پاراستنی ئەم یادەوەریانە ئەرکێکی ئەخلاقی و نیشتمانییە.
هاوبەشکردنی ئەم پێشنیارە نیشانەی خەمخۆریتانە بۆ مێژوو و هەر تێبینی و ڕەخنەیەکیش لەم بارەیەوە جێگەی ڕێز و بایەخی ئێمەیە.
