سهردێرهكان
- مەترسی ئەنفالکردنەوەی ئەنفال دادگایکردنی عەجاج. …………..ئیبراهیم شێخ وەسانی
- تاوانی ئەنفال بۆ نەوەکانت بگێڕەوە! با گۆپتەپە دووبارە نەبێتەوە… سروە نوری ئەزیز
- عەجاج وەک ئایشمان ………………..سەیوان محەمەد
- لە سێدارەدانی عەجاج و لە گۆڕنانی دۆسێی جێنۆساید ……………………………هۆمەر محەمەد
- خراپەکاریی سادەکردنەوە: ستراتیژی سادەکردنەوەی تاوانەکانی جینۆساید لای دەستەبژێری سیاسی کورد. ……………….. ئیبراهیم سادق مەلازادە
دڵشکاوترین مرۆڤ کۆچی دوایی کرد
دڵشکاوترین مرۆڤ کۆچی دوایی کرد
ئەمرۆ ٧/٥/٢٠٢٢ عاسی مستەفا ئەحمەد ، مرۆڤە دڵشکاوەکەی ناو تەپ و تۆزی جەنگ وجێنۆساید لە سلێمانی کۆچی دوایی کرد.
عاسی مستەفا لە دایکبووی ساڵی ١٩٥٢خەڵکی گوندی زینانەی سەربەناحێی سەنگاو – قەزای چەمچەماڵە، لەدوای هەڵگیرسانی جەنگی عێراق ئێران- وەک سەربازێکی یەدەگ بانگکرایەوە بۆ ڕیزی سوپاو لەکۆتایی مانگی ئازاری ساڵی ١٩٨٢ لەبەرەی جەنگی شوش بەدیلگیراو ماوەی ٩ساڵ وەک دیلی جەنگ لە ئێران مایەوە، بەڵام دوای گەڕانەوەی بۆ نیشتمان لە رۆژی ٢٤ی ئابی ١٩٩٠ بەسەر هەواری خاڵیدا هاتەوە، نەگوندمابوو نە هاوژین و منداڵ، چونکە هەموویان لەلایەن سوپای عێراقەوە گیرابوون و ئەنفالکرابوون.
چیرۆکی ئەم پیاوە لەتەمەنی خۆی درێژترەو لەناو ئەنفالدا لەزۆربەیان تراژیدی ترە، بەڵام دەتوانم بڵێم لە هەموویان تایبەت ترە .
دوای ئەوەی سەری بەزۆر دەرگای دەوڵەتەوە نا بۆسۆراخی منداڵەکانی، بەئومێدی شادبوونەوە پێیان نامەیەكی سکاڵا ئامێزی لەبارەی چارەنوسی ژن و منداڵە ئەنفالكراوەكانیەوە بۆ سەدامی دکتاتۆر نارد، دوای چاوەڕوانییەکی زۆر تەنها بە دوو دێر وەڵامی لە سعدون عەلوانی سکرتیری دیوانی سەرۆک کۆمار وەرگرتەوە کە تیاید نوسرابوو:
بەرێز عاصی مصطفی احمد “ژن و منداڵەكەت لە پرۆسەکانی ئەنفالدا لەناوچەی باکور ون بوون”
بەداخەوە ئەو پیاوە بەهەموو ئازارو چاوەڕوانییەوە ئەمرۆ لە سلێمانی كۆچی دواییكرد.
عاسی هەر سەدام غەدری لێنەکرد، بەڵکو ژیان و کۆمەڵگاو تەنانەت دادگاو نوسەرانیش ستەمیان لێکرد. تەنیا سەبوری ئەم پیاوە بەشداری کردنی بوو لە دادگایی کردنی تاوانبارانی ئەنفال، لەدادگا کاتێک دادوەر لێی پرسی : دەتەوێت بەئاشکرا شایەتی بدەیت یان بەنهێنێ وتی : من خاوەن هەقم بەئاشکرا شایەتی دەدەم . بەڵام ئەفسوس لە کۆنوسی دادگاکەداو لەکتێبەکەی دادوەر محەمەد ئەلعورێبی و کتێبی تریشدا بەهەڵە زانیارییەکانی تۆمارکراون بە جۆرێک ناوی باپیری و ناوی گوندەکەی و ناوی کچێکی و تەنانەت رۆژی گرتن و ئازادبوونیشی بەهەڵە یاداشتکراون.
بەهیوام رۆژی مردنەکەشی بەهەڵە بۆتۆمار نەکەن
رۆحت شادبێت مرۆڤە تەزیوەکەی ناوتەپ وتۆزی جەنگ وجێنۆساید
لێرەوە بەشداری خەم و پرسەی هاوژین و کوڕەکانی دەکەم
خێزانە ئەنفالکراوەکەی عاسی مستەفابریتی بوون لە:
١-
عەزیمە عەلی ئەحمەد، لەدایكبووی ١٩٥٥
٢-
چرۆ عاسی، لەدایکبووی ١٩٧١
٣-
فەرەیدوون عاسی، لەدایکبووی ١٩٨١
٤-
ڕووخۆش
عاسی، لەدایکبووی ١٩٨٢
بۆزانیاری زیاتر دەربارەی چیرۆکی عاسی مستەفا بروانە : گەشتەکانی ئەنفالستان – دەزگای چاپ وپەخشی سەردەم – ٢٠٢١ – عومەر محەمەد
Top of Form
