سهردێرهكان
- بۆ هۆمەر محەمەدی گەورە و منەوەر ڕەوا هەژار
- جینۆسایدی گهلی کورد و گهلی توتسی ………………………………….. سروە نوری ئەزیز
- ئایدیاو چەمکسازی لە نێوان داهێنانی فیکری و بەرپرسیارێتیی زانستیدا……………… هۆمەر محەمەد
- کوردە فەیلییەکانی عێراق.. پێکهاتەیەکی ناوازە، کە لەژیر توندوتیژیدا پلیشاونتەوە پڕۆفیسۆر دکتۆر سەیار جەمیل
- لە پێناوی شکۆی پاڵەیی یاخود فەیلیەکاندا هەڵوەستەیەک لە بڕیای (٤٧٤) هۆمەر محەمەد
ئەمڕۆ یادی کیمیابارانی سێوسێنانە ……………… هۆمەر موحەمەد
ئەمڕۆ یادی کیمیابارانکردنی سێوسێنانە هۆمەر موحەمەد
ئەو ئێوارەی گوندنشینە ماندووەکان بەنیازی نانخواردن چوونە سەرخوان ، بەعسیەکان ژەهریان بەسەردا باراندن، هێشتا گرمەو ناڵەی ڕۆکێتەکان نەبڕابوونەوە کە سێوسێنان لە مەل ومرۆڤ بووە دۆزەخ و رۆژی حەشر !
٣٤ساڵ پێشتر وەک دەستپێکی پەلاماری ئەنفالی دووەم لە ئێوارەی رۆژی ٢٢ی ئازاری ١٩٨٨ سوپای عێراق بە کاتوێشای ژەهراوی بۆردومانی گوندی سێوسێنانی کرد، بەهۆیەوە ٦٩ هاوڵاتی شەهید و نزیکەی٣٠کەسیش بریندار بوون. لەناویاندا چەند خانەوادەیەک کەسیان دەرنەچوو یان تاقەکەسێکیان دەربازبووەو ئێستاش بەدڵشکاوی لەناوماندا دەژین .
بەداخەوە بەهۆی سەرقاڵێمەوە نەمتوانی لەنزیکەوە بەشداری یادەکەیان بکەم، بەڵام لەناخەوە هاوسۆزو هاوخەمیانم. ئەگەرچی لەرابوردوشدا زۆرجار سەردانی سێوێسنانم کردووەو هەرچیم لەدەستهاتبێ کەمتەرخەمیم نەنواندووە. هەر لەتۆمارکردنی ناوی بریندارەکانیان لەپرۆژەی فریاگوزاری خێرای رێکخراوی گرینکرۆزو وادی ئەڵمانیدا، هەتا بەدۆکێۆمێنتکردنی دیدارو چیرۆکی شایەتحاڵەکانیان دەگات. بەڵام بەڵێنیان پێدەدەمەوە کە هەروەفاداریان دەمێنمەوەو هەرچیم لەدەست بێت درێغی ناکەم گرنگ ئەوەیە درۆیان لەگەڵدا نەکەم .
هەرەوەک بەڵێنم پێدابوون ناهێڵم چیرۆکەکانیان لەیادبچنەوە خۆشبەختانە هەموو ئەوانەی دیداریان لەگەڵدا کراوە ئێستا لە گەشتەکانی ئەنفالستاندا دەزگای چاپ و پەخشی سەردەم لەبۆکسێکدا بەدیزاینی جوان و کوالیتی بەرز چاپ و بڵاوی کردونەتەوە. جێگەی ئاماژەیە جگەلە بەناحێکردنی گوندەکە جوانترین پرۆژە بەلامەوە باخچەی پەپولەکان بوو کە بەهاوکاری برای بەرێز سەردار ئەمین دروستکرابوو بەڵام بەداخەوە کاتێک چوومە سەردانیان هەموو کەلوپەل و یاریی منداڵان لەباخچەکەدا شکابوون، ئەمەش ئازاربەخش بوو چونکە نەرێز لەدەست ودیارییەکەی کاک سەردارگیرابوو، نەلە پێداویستی منداڵەکانیش بێگومان ئەوەی شەهیدەکان لێمان دەخوازن و ڕۆحیان ئاسودە دەکات تەنها ژیانێکی رێزدارانەی زیندووەکانە. تکایە سەرباری هەر قورسی وبارگرانییەکی ژیان و گەندەڵی بەرپرسان رێگە بۆ نائومێدی چۆڵ مەکەن چونکە ئەوەی دەتوانێت زەفەر بەڕۆحمان بەرێت نائومێدییە. دوبارە ڕێز بۆ زیندووەکانیان داوا دەکەم و رۆحی شەهیدەکانیان شادبێت.
