سهردێرهكان
- مفهوم الإبادة الجماعية بين النظرية الأكاديمية والتمييز قراءة نقدية لمنشورات الأمم المتحدة ………..هومر محمد
- مەترسی ئەنفالکردنەوەی ئەنفال دادگایکردنی عەجاج. …………..ئیبراهیم شێخ وەسانی
- تاوانی ئەنفال بۆ نەوەکانت بگێڕەوە! با گۆپتەپە دووبارە نەبێتەوە… سروە نوری ئەزیز
- عەجاج وەک ئایشمان ………………..سەیوان محەمەد
- لە سێدارەدانی عەجاج و لە گۆڕنانی دۆسێی جێنۆساید ……………………………هۆمەر محەمەد
هەڵەبجە بکەنەوە بەشار …………………………هۆمەر موحەمەد
هەڵەبجە بکەنەوە بەشار …………………………هۆمەر موحەمەد
دەبێت هەموومان بەتایبەتی هەڵەبجەییەکان بیزانن، ئەوە هێزو هونەری مرۆڤ بوونمانە هەڵەبجە بەپێیوە دەهێڵتەوەو بەزیندویی رایدەگرێت، نەک فشو هوڕو دروشمبازی، ئەگەر مرۆڤ رۆحی مرد، یادەوەرییەکانیشی دەمرن، کەم نین بەڕیگادا دەڕۆن و دەخۆن و دەنوشن و مردون، زۆرن بەسەر زیندون و بەڕۆح مردوو ! کۆمەڵگەیەک نەتوانێت یادەوەری بکاتە هێزی مانەوەی، زۆر ناژی و دەمرێت، نابێت بەوە قایل بین بەزیندومانەوەش ناوبنێین ژیان، ئەفسوس کۆمەڵگە لەگیانەڵادایەو پێویستی بە حەکیمە، دەزانم هۆی ئەم پەتایەی کورد تەنها ڤایرۆسێک نییە، گەنەو ڤایرۆسەکان زۆرن، سیاسی و کلتوری و ئایدۆلۆژین. بانگەشەی درۆی دیموکراسی و مەکرو حیلەبازی ئیسلامی سیاسی کە بەجلی کوردییەوە خەریکی تەعریبن، میننگەمینگی عەلمانی پاسیف و بانگەشەی بێ گیانی کوردایەتی کە خەریکی فرۆشتنی کوردستان و بێ بەهاکردنی یادەوەریین، هەموو ئەوانە بوونە بەڵای ئەم کوردە مەینەتبارو بریندارە.باش بیرمە رۆژی ١٦ی سێی ساڵی ٢٠٠٥ هاوارم کرد:هەڵەبجە بکەنەوە بەشار بەشارکردنەوەی هەڵەبجە باشترین بەرپەرچدانەوەی ١٦ی سێ و کلتوری بەعسیزمە، کە دەڵێم (کلتوری بەعسیزم) هەموو ناشرینیەک دەگرێتەوە بەشەڕی ناوخۆی حزبەکانیشەوە، کەچی هەندێک، لەوانەی کە هەمیشە گا بەگونان دەناسنەوەو یادی هەڵەبجەیان بەسفرە رازاندنەوەو بەخەڵاتی ڕێزلێنانیان بەڕێکردووە، لێم ڕاستبوونەوەو بەمۆڕەوە گوتیان : بۆمەگەر هەڵەبجە شارنییە ؟ تۆ لە سلێمانییەوە هاتویت و پۆز بەسەرمانەوە لێدەدەی؟ ئاخ نەیانزانی کە چی دەڵێم و گوێشیان نەگرت لێک تێبگەین ! ئاخر ئازیزان، یاران ، دۆستان، شار هەرهۆتێل و دوکان و بازار نییە، شار کلتورو مەعریفەو شوێنی بیرکردنەوەیە، هەڵەبجە شاری شاعیران بوو، شاری گۆران و ئەحمەد موختار بوو. لەپێش گازبارانیش شاری موزیک وشانۆکاران بوو. هەر زۆر زوو لەبانگمدا و داوامکرد هەڵەبجە بکەنە شاری ئاشتی نەک بەبریارو بەتابلۆ بەڵکو بەکردەوە بیکەنە شوێنی ئاشتبوونەوەی هێزە نەیارەکان، بیکەنە شارێکی داماڵدراو لە چەک.نوسیم مەیکەن بە پارێزگا بیکەن بەشارێکی رەمزی و شکۆدار لەروی مەعنەوییەوە لە ئاستی پایتەختدابێت. لەروی کلتوریی و رەمزییەوە شاری زیندووان بێت نەک شاری مردوان .. لەبری ئەوەی ناوی (هەڵەبجەی شەهید)بێت ناوی هەڵەبجەی ژیان، لەشاری دڵشکاوەوە ببێتە شاری داهێنەرانی شکۆمەند، هەرهیچ نەبێت ناوی هەڵەبجەی شەهیدان بێت. نەک هەڵەبجەی شەهید !ئێستاش نەچووە بچێت دەتوانین هەموو شتێکی باش بکەین.. هەڵەبجەییەکان دەتوانن هەموو کارێکی باش بکەن بۆ نایکەن ؟ حکومەت نایکات ؟ ئێ خۆهەموو ماڵێک دەتوانێت ناوی شەهیدەکانی لەسەردیواری حەوشەکەیان و بەتەنیشت دەرگای دەرەوەی ماڵەکەیەوە هەڵوسێت ؟ خۆ دەتوانن رۆژی ١٦ی سێ وەک رۆژانی جەژن بەسەریەکەوە بگەڕێن و ئەوەی دڵی لێک ئێشاوە هەرهیچ نەبێت بۆ حورمەتی شەهیدەکان ئاشت ببنەوە. وەک بەعسیەکان شارەکەیان ڕوخاند مەهێڵن دەسەڵاتی کوردیش مرۆڤەکانی بڕوخێنێ.
