سهردێرهكان
- مفهوم الإبادة الجماعية بين النظرية الأكاديمية والتمييز قراءة نقدية لمنشورات الأمم المتحدة ………..هومر محمد
- مەترسی ئەنفالکردنەوەی ئەنفال دادگایکردنی عەجاج. …………..ئیبراهیم شێخ وەسانی
- تاوانی ئەنفال بۆ نەوەکانت بگێڕەوە! با گۆپتەپە دووبارە نەبێتەوە… سروە نوری ئەزیز
- عەجاج وەک ئایشمان ………………..سەیوان محەمەد
- لە سێدارەدانی عەجاج و لە گۆڕنانی دۆسێی جێنۆساید ……………………………هۆمەر محەمەد
جینۆسایدی هیندۆزەکان لە بەنگەلادیش د. ئیبراهیم سادق
جینۆسایدی هیندۆزەکان لە بەنگەلادیش
د. ئیبراهیم سادق
چەند ڕۆژێکە هیندۆزەکانی بەنگەلادیش کەوتوونەتەوە بەر هێرشی موسوڵمانە ڕادیکاڵەکانی بەنگەلادیش و پەلاماری ماڵ و پەرستگاکانی کەمینەی هیندۆزە ڕەسەنەکانی بەنگەڵادیش دەدەن و ترس و تۆقاندن لەناو ئەو کەیمینەیەدا گەیشتۆتە ئاستێكی قێزەون.
تا ئێستاکە بەسەدان هیندۆز کوژراون و سەریان بڕاوە و بەهەزاران برینداربوون. دەستدرێژییان کردۆتە سەر سەدان ژنی هیندۆزیی لەبەردەم هاوسەر و ئەندامانی خێزانەکانییانەوە. ماڵ و دوکان و بازرگانییەکانییان بەتەواوی تاڵانکراون. پۆلیس و هێزەکانی ئاسایشی بەنگەلادیش لەبەرامبەر ئەو تاوانەدا بێدەنگن و تەنها تەماشەڤانن.
ئەو دەستدرێژی و کوشت و بڕەی دژ بە هیندۆزەکانی بەنگەلادیش درێژدەبێتەوە بۆ 1947، ڕۆژی ڕاگەیاندنی سەربەخۆیی پاکستان، کە ئەوکاتە بەنگەلادیش ناوی نرا پاکستانی ڕۆژهەڵات. لەکاتی ڕاگەیادنی سەربەخۆییدا، هیندۆز و موسوڵمانەکان بەهەزارانییان لەیەکتری کوشت. بەدەیان هەزار موسوڵمانی هیندی پەنایان بردە بەر تازە دەوڵەتی پاکستان و بەهەزاران هیندی و سیخیش پەنایان بردە بەر هیند و لەسنووری پاکستان ڕایان کرد.
هەر ئەوکاتە، دوو ملیۆن هیندۆزیش لە بەنگەلادیش کەئەوکات ناوی (پاکستانی ڕۆژهەڵات) بوو کوژران و زیاتر لە یەك ملیۆنیش ئاوارەبوون و پەنایان بردە بەر هیندوستان.
لە 1950 جارێکی دیکە کەوتنەوە بەر پەلامار و ملیۆنێکی دیکەیا لێ کوژران و پێنج ملیۆنیش ئاوارەبوون بۆ هیندوستان.
هەروەها لەساڵي 1964 یش بەهەمان شێوە بەهەزارانییان لێکوژراون.
مێژووی هیندۆزەکانی بەنگەلادیش مێژووێکی پڕ لە چەوسانەوە و کوشتن و ماڵوێرانی و دەستدرێژیکردنە سەر ژنەکانییان بووە.
لێرەدا دەمەوێت بیرتان بێنمەوە، چۆن لەڕابردوو بۆبەرگری لە موسوڵمانەکانی بۆرما دوو جار پۆستم لەسەرییان کردووە و جارێکیش لەلەندەن بۆ پشتیوانی لێکردنییان لەگەڵ بۆرمییە موسوڵمانەکان کە بە بنەچە بەنگەلادیشین، ڕێپێوانمان کردووە، ئێستاش هیندۆزەکانی بەنگەلادیش ڕووبەڕووی هەمان چارەنوسی موسوڵمانەکانی بۆرما دەبنەوە.
نەخێر بۆ جینۆساید.
#Stop_Hindus_Genocide_in_Bangladesh See Less
