سهردێرهكان
- تاوانی ئەنفال بۆ نەوەکانت بگێڕەوە! با گۆپتەپە دووبارە نەبێتەوە… سروە نوری ئەزیز
- عەجاج وەک ئایشمان ………………..سەیوان محەمەد
- لە سێدارەدانی عەجاج و لە گۆڕنانی دۆسێی جێنۆساید ……………………………هۆمەر محەمەد
- خراپەکاریی سادەکردنەوە: ستراتیژی سادەکردنەوەی تاوانەکانی جینۆساید لای دەستەبژێری سیاسی کورد. ……………….. ئیبراهیم سادق مەلازادە
- عجاج التكريتي بين عقوبة الدنيا وحساب الآخرة. د. سەربەست نادرعبدول
ئەنفالی بادینان کیمیاباران و کۆمەڵکوژی و ئەشکنجەدان لە قەڵای نزارکێ
ئەنفالی بادینان
کیمیاباران و کۆمەڵکوژی و ئەشکنجەدان لە قەڵای نزارکێ
عومەر محەمەد
٣٠ی ئابی ٢٠١٧ – سلێمانی
بەرایی
دەبوو ئەم بەدواداچوونەم لەرۆژی ٢٨ی ئابدا لەیادی ئەنفال وکۆمەڵکوژی کورێمیدا بڵاوببوایەتەوە، بەڵام بەهۆی میوانداری و ئەرکی کۆمەڵایەتیمەوە، کارەکەم دواکەوت بۆ رۆژی دواتر، کەچی بەداخەوە دیسان زۆری برانی کارەبا کە لەماوەی ٢ رۆژدا ١٨ جارکارەبام بەسەردا کوژایەوە، بەهۆیەوە منیش لەئەرکەکەم دواکەوتم بەهیوام کارێکم کردبێت جێگەی رەزامەندی ئێوەی خۆشەویست بێت .
هەر لەم سەرەتایەشەوە دەمەوێت سوپاسی هاورێ وهاوکارم خاتوو عەدالەت عومەر بکەم کە هەر ٦٠ لاپەرەی راپۆرتەکەی پێشەوای فەیلەقی پێنج لیوارکن یونس محەمەد زەربی بۆ ناردم، کە بۆ بەراورد لەگەڵ راوبۆچوونەکانی تیمەکەی مێدڵ ئێست ۆچ سودێکی زۆرم لێ بینی .
بەرەویادی ئەنفالی بادینان
٢٥ی ئاب یادی ئەنفالی بادینان و ٢٨ی ئاب یادی کۆمەلكوژی گوندی کورێمی یە، ئەنفالی ناوچەی بادینان کە لە ٢٤ی ئاب بە بۆردومانی کیمیایی دەستی پێکردو هەتا ڕۆژی ٦ی ئەیلولی ساڵی ١٩٨٨ ی خایاند و دواتر بەیانی کۆتایی بە ئەنفالی کۆتایی یاخود (خاتمة الانفال) دەرچوو، یەکێکە لە مەترسیدارتین قۆناغەکانی ئەنفال، بەیانی کۆتایی لەدوای پەلامارەکانی ئەم ناوچەیە دەرچوو، بەهۆیەوە ناونرا بەیانی کۆتایی و هەرئەو رۆژە لە دەزگاکانی ئەوسای دەوڵەتی عێراق و میدیاکانی حزبی بەعسدا بڵاوکرایەوە.
ئەگەرچی ئەنفالی بادینان لەچاو ناوچەکانی تر کەمترین بایەخی پێدراوەو هەتا ساڵی ٢٠١٢ تەنانەت خەڵکی ناوچەکەش یادیان نەدەکردەوە، تەنانەت وەزیری کاروباری شەهیدان و ئەنفالکراوان بە گومانەوە لێی پرسیم ئایا ئەوەی دەربارەی ئەنفالی بادینان دەینوسم و باسی دەکەم ڕاستە؟! ئایا ئەوەی باسی دەکەیت دەربارەی دەربازبووەکان دڵنیایت لەوەی راستە؟ تەنانەت گوتی نەمبیستووە بادینان کۆمەڵکوژی تێداکرابێ؟ لەوەڵامدا پێمگوت وەرە باپێکەوە بچینە شوێنی کۆمەڵکوژییەکەو لە نزیکەوە قوربانیەکان و شایەتحاڵەکان و گۆری ئەوانەش لە گوندی کورێمێ ببینە، ئەم دیدارەمان بەئامادەبوونی هاوڕێی بەرێزم خاتوو عەدالەت عومەر ساڵح بوو، بەهەرحاڵ دواتر لەگەڵ وەزیر ڕێککەوتین لەسەر ئەوەی سەردانێکی کورێمێ بکەین تەنانەت وەزیر گوتی زۆرباشە دەچین با عەدالەت خانیش لەگەڵمان بێت، خاتوو عەدالەتیش پێشنیاری ئەوەی کرد کەوا لە ٢٨ی ئابی ساڵی ٢٠١٢ پێکەوە بچین بۆ کورێمێ ئێمەش بە پێشنیارەکەی قایل بووین، کەچی وەزیر بۆخۆی بەکاروانێک ئۆتۆمبیلەوە لەو ڕۆژەدا خۆی کرد بەکورێمداو لەوێ وتارێکی دا، بێ ئاگالەوەی من لەوێم، کە چاوی پێمکەوت بەبزەیەکی ساردەوە گوتی: ئەوە تۆش لێرەی !
