سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
سبەی چۆن یادی ئەنفال دەکەیتەوە ؟ سبەی دەتوانیت مرۆڤ بیت
سبەی چۆن یادی ئەنفال دەکەیتەوە ؟
سبەی دەتوانیت مرۆڤ بیت
عومەر محمەد ١٣/٤/٢٠١٥ سلێمانی
سبەینێ ١٤/٤/٢٠١٥ بیست و حەوتەمین ساڵیادی تاوانی ئەنفالە
دەشێت یادی ئەنفال کلیلی دەرگایەکی نوێی ژیانت بێت و بەواتای راستەقینەی خۆی ببیتە مرۆڤ، هەرچی توندرەفتاری و دڵڕەقی و بەدرەفتاریت هەیە توڕی بدەیت و ڕێگە نەدەیت جارێکی تر ئەو رەفتارە ناپەسەندانە ببنەوە بە بەشێک لە کەسایەتیت، بەپێجەوانەشەوە سبەی دەشێت تۆ هەر مرۆڤە گرگن و بێباک و خەمساردو شکستخواردووەکەی رۆژانی رابوردو یاخود ساڵانی رابوردوبێت وشکستەکانی خۆت بژمێریت.
چەند جوانە سبەی بۆیەک جار راستگۆبیت و ئازایەتی بنوێنی ، بۆ ڕێزگرتن لەو هەموو ئینسانە بێتاوانەی ئەنفالکران و لە بیابان کۆمەڵکوژکران و بەو پەڕی بێڕێزییەوە ژێر لم دران .؟
چەند جوانە سبەی بکەیتە دەستپێکی گۆڕانی خۆت و لە گۆڕنانی ڕەفتاری بەعسیزم وداعشیزم و هەر خراپەکارییەک کە لە کەسایەتیت داهەبوون . گرنگە لە یادی ئەنفالدا ببیتەوە بە ئینسان و لەمپەر بیت لەبەردەم ئەو ئەتوارانەی ژیان و مرۆڤایەتیان ناشرین کردووە و شکۆی ئینسانیان شکاندوە. نەکەی سبەی بەنیازە خراپەکانتەوە، لە یادی ئەنفالدا راوەستی و دوسبەی دەست بە بوختان و خراپەکاری بکەیتەوە. چەندە عەیبە تۆ بەعسیانە بژیت و شین بۆ ئەنفال بکەیت ؟ چ گەمژەییە مرۆڤ هێندە دودیو بێت شین بۆ گیانبەخت کردووەکان بکاو جنیو بەزیندووەکان بدات !
من لەیادی ئەنفالدا داوای لێبوردن لەهەر کەسێک دەکەم دڵیم شکاندبێ و لە هەموو ئەوکەسانەش دەبوورم خراپەیان لەگەڵ کردووم . بەعسیەکانی دوێنێ و داعشەکانی ئەمرۆ نەبێت .کە دەبێت ئەمرۆبێت یان سبەی دادگایی بکرێن و سزابدرێن .
