سهردێرهكان
- مەترسی ئەنفالکردنەوەی ئەنفال دادگایکردنی عەجاج. …………..ئیبراهیم شێخ وەسانی
- تاوانی ئەنفال بۆ نەوەکانت بگێڕەوە! با گۆپتەپە دووبارە نەبێتەوە… سروە نوری ئەزیز
- عەجاج وەک ئایشمان ………………..سەیوان محەمەد
- لە سێدارەدانی عەجاج و لە گۆڕنانی دۆسێی جێنۆساید ……………………………هۆمەر محەمەد
- خراپەکاریی سادەکردنەوە: ستراتیژی سادەکردنەوەی تاوانەکانی جینۆساید لای دەستەبژێری سیاسی کورد. ……………….. ئیبراهیم سادق مەلازادە
شەماڵ وستار زیندون…………………………..هۆمەر محەمەد
شەماڵ وستار زیندون
هۆمەر محەمەد
پاکیزە مەحمود لەدوو دیداری جیاوازدا چیرۆکی خۆیان لەنوگرەسەلمان بۆ کەناڵی ڕوداو دەگێڕێتەوەو لەناو بەسەرهاتەکەیدا ئەم شایەتحاڵە، باسی دوو کوڕی هەڵەبجەیی دەکات، کە لەنوگرەسەلمان سەربازەکان لێیانداون و فەلاقەیان کردوون. ئەم روداوە ڕاستە، واتە لێدانەکەیان ڕاستە بەڵام پاکیزە هەم لەم چاوپێکەوتنەیدا لەگەڵ کەناڵی ڕوداو و هەم لە چاوپێکەوتنێکی تریدا لەگەڵ نوسەری بواری ئەنفال سمکۆ سابیر ئەم روداوە دەگێڕێتەوە. لە کەناڵی ڕوداو ناوی دوو گەنجەکە بە (غەریب و شەماڵ) ناو دەبات و لەلای سمکۆ سابیریش کەلەکتێبی نوگرەسەلمان قەڵای مەرگ و خۆڕاگری بەشەماڵ وستار، لەهەردوکیشیاندا، دەڵێت لێیاندان هەتا نەیان کوشتن وازیان لێیان نەهێنا.
ئەم ڕوداوەی پاکیزە دەیگێڕیتەوە، هەتا ئەوێ ڕاستە، کە ئەو دوو گەنجە هەڵەبجەییە لێیاندراوە و فەلاقە کراون هەتا لە هۆش خۆیان چوون، بەڵام ئەو دووگەنجە هیچیان نەمردون بەڵکو هەردوکیان لە ژیاندان. ستار لە سلێمانی دەژی و شەماڵیش لەهەولێر، شەماڵ هەورامییەو ستاریش هەڵەبجەیی.
لەسەفەرەکەماندا بۆ نوگرەسەلمان ستار لەگەڵماندا بوو، بەڵام شەماڵ نەهاتبوو. لێرەدا دەبێت خوێنەری بەریز ئەوە بزانێت، کە پاکیزە شایەتحاڵێکی ڕاستگۆیە، ئەوەی دەیڵێت لەخۆیەوە یاخود قسەی هەڵبەستراونییە، چونکە دیمەنەکە بەبەرچاوی ئەو خەڵکەوە تەواو تراژیدی بووە، نەک هەر ئەو ژنە بەڵکو زۆربەی گەرمیانیەکان وایانزانیوە کە ئەو دووگەنجە مردوون. ئیدی بۆ ژنێکی گەرمیانی رەزیلکراو لە نوگرەسەلمان ئاسانییە، هەمووشتێک بەوردی بگێڕیتەوە یان وەک خۆی بیری مابێت، دەبێت ئەوەش لەبەرچاوبگرین کەلەگەڵ هەڵەبجەییەکان خەڵکی هەورامانیشی زۆر تێدابوو. بەڵام ئەو بەشەی هەڵەبجەیی و هەورامییەکانی تێدابوون، هەر بەبەشی هەڵەبجەییەکان ناودەبرێت. ئەم رونکردنەوەیەشم هەر لەپێناوی ئەوەدایە کە مادام لەبەدواداچونمدا بۆم روون بووەتەوە کە شەماڵ وستار نەمردون مافی ئەوەیان هەیە چیرۆکەکەیان وەک خۆی تۆمار بکرێت دەنا فایزە مەحمود ئەوەی بینیوێتی ڕاستە.
سەرچاوەکان :
بۆ بینینی هەردوک روداوەکە بروانە :
١- کەناڵی روداو دیدار لەگەڵ فازیزە مەحمود – ١٤/٤/٢٠٢٠
٢- سمکۆسابیر- نوگرەسەلمان -قەڵای مەرگ وپاکتاوی نەژادی دیمانە لەگەڵ پاکیزە مەحمودی گوندی تەپەسپی – چاپی یەکەم -٢٠٢٣ ل٢٠٩
