سهردێرهكان
- بۆ هۆمەر محەمەدی گەورە و منەوەر ڕەوا هەژار
- جینۆسایدی گهلی کورد و گهلی توتسی ………………………………….. سروە نوری ئەزیز
- ئایدیاو چەمکسازی لە نێوان داهێنانی فیکری و بەرپرسیارێتیی زانستیدا……………… هۆمەر محەمەد
- کوردە فەیلییەکانی عێراق.. پێکهاتەیەکی ناوازە، کە لەژیر توندوتیژیدا پلیشاونتەوە پڕۆفیسۆر دکتۆر سەیار جەمیل
- لە پێناوی شکۆی پاڵەیی یاخود فەیلیەکاندا هەڵوەستەیەک لە بڕیای (٤٧٤) هۆمەر محەمەد
گەشتەکانی ئەنفالستان بڵاودەبێتەوە
گەشتەکانی ئەنفالستان بڵاودەبێتەوە
ئەنفالستان : دوای سێ ساڵ کارکردنی بەردەوام (گەشتەکانی ئەنفالستان) بەڕێنووسی نوێی کوردی و بە کوالیتی باش و پێداچوونەوەو هەڵەبڕی بەستانداردی خۆیان و بەوردەکارییەکی بەرچاوەوە، دەزگای چاپ و پەخشی سەردەم گەشتەکانی ئەنفالستانی لە بۆکسێکدا چاپ کردووە.
بۆکسەکە بریتیە لە سێ بەرگ هەریەکەیان نزیکەی ٩٠٠ لاپەڕەیە، هەرسێک بەرگەکە کۆدیدارن لەنێوان من و ئەنفال دیدەکان و شایەتحاڵەکانی ئەنفال و کیمیابارانی کوردستان.
پێویستە خوێنەری بەریز ئەوەش بزانێت کەوا دیدارەکان تایبەت نین بەکەسوکاری ئەنفال، بەڵکو تایبەتن بەشایەتحاڵەکانی ئەنفال، تەنانەت تایبەت نین بەکورد بەڵکو خەڵکی وڵاتی ترو نەتەوەی تریان بەڵام زۆربەیان بەرکەوتوانی ڕاستەوخۆی ئەنفال وکیمیابارانن.
گرنگە بزانن کە دیدارەکان تەنها لەناوچەیەکەدا نەکراون، بەڵکو لە هەموو هەرێمی کوردستاندا کراون، هەر لە گوندەکانی بادینان و زاخۆوە هەتا پێدەشتەکانی گەرمیان و شاری خانەقی و خەڵکی بیانیش لەهۆڵنداو نەرویج و بەریتانیا دیداریان لەگەڵدا کراوە .
لەم گەشتانەدا هەر کەسوکاری ئەنفال دیداریان لەگەڵدا نەکراوە بەڵکو جاش و موستەشارەکانیش دیداریان لەگەڵدا کراوە، خاڵی سەرنج راکێش لەم دیدارانەدا ئەوەیە بەر جەلادو قوربانی دەکەوی، یاخود لەیەک کارەکتەردا جەلادو قوربانی دەدۆزیتەوە.
دەزگای چاپ وپەخشی سەردەم لەمەراسیمێکدا ئەم گەشتانەی ئەنفالستان بڵاودەکرێتەوە.
لەمەراسیمەکەدا د. مەنسوری تەیفوری خوێندنەوە بۆ کتێبەکان دەکات.
شوێن : سلێمانی – شەقامی سالم – هۆڵی سینەما سالم
کات : ٣ی پاش نیوەڕۆ
رۆژی پێنج شەممە : ١٧/٣/٢٠٢٢
