سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
ئەنفالکراوانی بیابانی زیقار چيان پێ وتم ؟ ………………………فائیزە فوئاد
ئەنفالکراوانی بیابانی زیقار چيان پێ وتم ؟
فائیزە فوئاد
ئەنجومەنى بالاى زەردەشتيانى كوردستان – پەورڤاتات
ئەمرۆ ٦/٣ يەكەم يادككردنەوەى هاتنى پاپاى ڤاتيكان بوو بۆ ئێراق وكوردستان و ئيتر لەبەر ئەوەى هاوكاتە لەگەل ڕۆژى پێكەوەژيان و لێبووردەيي جيهانى، عێراق بريارى داوە سالانە بە شێوازێكى تايبەت يادى ئەم ڕۆژه بكاتەوە.
كاتێ گەيشتمە بيابانەكەى شارى ناسريە، مچوركێك بە لەشمدا هات ، كە هەنگاوم ئەنا هەستم دەكرد دەنگى منداڵان بانگم دەكەن، دەنگیان دێتە بەرگوێم، دوو جار ئاوڕمدايەوە، چەند منداڵێكى بێ دايك و باوكم بينى، خەڵكى ئەوناوچەيە بوون، هەریەکەیان گولێكى سپي پێشکەشکردم و منیش ماچم کردن و سوپاسم کردن.
لە هەنگاو نانم تەپۆڵكەيەكم بينى و لێی نزيك بوومەوە، هەستێكى سەير بوو، مشتێک خۆڵى سەر گردەكەم گرتە دەست، خۆڵەكە هاوارێكى كردو ووتى: هاتووى بۆسەردانمان؟ شەرمەزار بووم ، ووتيان جلەكورديەكەت جوانە وەك ئەوانەى ئێمە نيە، ئەوانەی ئێمە هەمووی كۆن بوون و دڕاون و شوێنى گولەيان پێوەيە وخوێناوى بوون .
دەستم كرد بەگريان وەفدەكە پێشم كەوتن و دانيشتن، مەراسيمەكە دەستى پێكرد من هەرلە شوێنەدا مابووم، منداڵەكان ئەهاتنەوە بەرچاوم بە شەرواڵ و جلى كوردى كچانەوە. پرسیم:
- دايك و باوكتان باشە؟
- باوكمان ديارنيە هەر بۆيان ئەگەرێين بەڵام نایدۆزینەوە، دايكمان پيربوون، سەريان سپى بووە، هەموو بەهارێ چاوەڕوانى هاتنى پاصەكانن بۆ ئەوەى بگەرێينەوە كوردستان، ئاوى ئێرە زۆر سوێرە قورگمان گيراوە، يارى بەڕەگى خورما ئەكەين و ئەيكەين بەجۆلانێ و ديلانى ئەكەين، جار جار دڵۆپە بارانى كوردستان با ئەيهێنێت بۆنى نێرگس و رەيحانەكانى ماڵى پوورە خونچەى لێدێت هەموومان بۆنى ئەكەين و زمانمانى پێ تەڕئەكەين .
- ئێوە خەڵكى كوێن ؟
- – ،هەموويان پێکەوە : ئێمە خەڵكى كوردستانين. بەجلەکانتا دیارە تۆ لەوێوە هاتووى؟
- بەڵێ من هاتووم بۆ ئێرە خۆشبەختم گوێم لە دەنگتان بوو .حەز ئەكەم پێكەوە شتێك بلێن ولەگەڵ خۆمدا بيبەمەوە بۆ كوردستان.
- دەی باشە با هەموومان ( خوايە وەتەن ئاواكەى بلێينەوە) .
هەموومان سرودی (خوایە وەتەن ئاواکەی)مان وتووە منیش لە گەلياندا دەم ووتەوە، بەرە بەرە دەنگەكان دووركەوتنەوە،
- بانگم کردنەوە ووتم چيە بۆ ئەرۆن؟
- خۆت بشارەوە لە پشتەوە سوپاكە هات.
كە ئاورم بۆ داوە دايەوە بينم چەند كەسێك بەجلى سەربازییەوە بەرەو لاى من ئەهاتن، منالەكانيش هاواريان ئەكرد وەرە پشت ئەم گردە خۆت بشارەوە. ئەى هاوارگۆرستانى منداڵە ئەنفالکراوەكان بۆتە پەناو حەسارمان ئەى وەتەن، وەتەن فرۆشان بەرەو كوێ بردتيان.
پاشان بەرەو شارى نەجەف بەرێكەوتين، كە وەفدەكە چووە زيارەتى گۆرى خەليفەكانى ئسلام من لەگەڵیاندا نەچووم چونكە هەردوودەستم بەدەستى منداڵە ئەنفالەكانەوە بوو، ئەيانگووت : تکایە مەمان بە بۆ ئەوێ سەرمان ئەبڕن توخوا دادە گيان ……… نەكەى بمانبەی بۆئەوێ سەرمان دەبڕن .
