سهردێرهكان
- وانەیەک بۆ مێژوو……….. هۆمەر محەمەد
- سینەما وەک پارێزەری مێژوو کورد ڕزگاربوویەکی بەهێزە، نەک قوربانییەکی زەلیل. ………………..هۆمەر محەمەد
- چاوەڕوانی لە نێوان عەشق و غەنیمەتدا گفتوگۆی من و پورزا عارف ……………………هۆمەر محەمەد
- ئاماری ئەنفالکراوانی گوندەکانی داوێی گەرمیان ………..هۆمەر محەمەد
- دوای ٣٨ ساڵ دەپرسم بۆچی هەڵەبجە؟……………….نەجیبە قەرەداغی
گرێی خۆبەکەم زانی
گرێی خۆبەکەم زانی
توێژەرە ئەکادیمیەکە زیاد لە ١٠٠ سەرچاوەی ڕیزکردووە لەفارس وعەرەب وئینگلیز بۆناوی خوا هەندێک کوردیش هەن لەوانەی (دال) لەپێش ناویانە لەگەڵ هەندێک بێ دالی حزب . سوێندی زمانی فارسی ناخۆم، بەلام نە لەعەرەبی و نەلەئینگلیزی هەری لەبڕی ناکاتەوە.
نوکتەکە ئەمەیە: توێژەرەکە خۆی خەڵکی ناوچەی سورداشە، کەچی گوایە بۆ قۆناغی ئەنفالی یەکەم کە سورداش و دۆڵی جافایەتی چەقی روداون. پشتی بە زوهیر الجزائیری بەستووە! گوایە زانیارییەکانی جەزائیری متمانە پێکراون !! ئاخر ئەگەر نەگبەتی کورد نەبێت، دەبێت لەبارەی ئەنفالەوە فەرەنسی و جەزائیری زانیاری لەئێمە وەربگرن نەک ئێمە لەوان .
لەلاپەرە (٥٨)دا نەشارەزاییەکەی بەتەواوی دەرکەوتووە، بەبەڵگە سەلماندومە کە سەرچاوەی زانیارییەکانی گۆڤاری (ئەنفالستان)ە نەک کابرای جەزائیری . کەچی ئەو زاڵمە بەهیچ جۆرێک ناوی گۆڤاری ئەنفالستانی نەهێناوە !دەردەکە خۆبەکەم زانییەباشە گریمان زوهێر الجزائیری نوسیوێتی: لەسوسێوە هێرشکراوە بۆ گوندی بۆگد؟ ئەی مەگەر کاری توێژەر چییە؟ نابێت ڕای خۆی هەبێت ؟ ئایا ڕەوایە توێژەر خەڵکی ناوچەکەبێت و نەزانێت ئەمە نالۆژیکیەو لەروی جوگرافییەوە نەگونجاوە ؟ ئەی گەران و پشکنینی توێژەر واتای چییە ؟ بەڵام نا ئەم پیاوە لەوانەیە کە توری ئێرانی قرپۆکیش بێت تامی لەتوری کەلار خۆشترە. لای وایە ئەگەر سەرچاوەی کتێبەکەی زوهێرئەلجزائیری بێت کارەکەی ئەکادیمی ترە . نەک ئەنفالستان. دەنا خۆ زوهیر ئەلجەزائیری وەک من بەئۆپڵێکی ئۆمیگا گونداوگوند بەدوای ئەنفالدا نەگەڕاوە هەی سەلامەت بیت! مادام سەرچاوە ئەنفالستانە تۆ گەیشتوویتە جەزائیر
