سه‌ردێره‌كان

بەڵگەیەكی سادە، بەڵام گرنگ

نیسان 09, 2015 به‌ڵگه‌نامه‌ لێدوان نووسین ناچالاککراوە لە بەڵگەیەكی سادە، بەڵام گرنگ

بەڵگەیەكی سادە بەڵام گرنگ
ئەم بەڵگە نامەیەی لە خوارەوە خراوەتە روو نوسراوی نهێنی‌و بەپەلە لەلایەن بەرێوەبەرایەتی ئەمنی هەولێرەوە ئاراستەی هەموو بەرێوەبەرایەتی بەشەكانی تری ئەمن كراوەو لە رێكەوتی 7/7/1988 دەرچووە‌و لە رێكەوتی 9/7/1988 عەمیدی ئاسایش (الامن) بەرێوەبەری گشتی ئاسایشی پارێزگای هەولێر واژۆی كردووە، باس لە بردنی (ڕۆن برێك) یان (رۆن ستۆپ) دەكات، بۆ ناوچە قەدەغەكراوەكان بە مەبەستی ئەوەی لەكاتی بەكارهێًنانی چەكی كیمیاویدا بەركەوتووەكان بۆ پارێزگاری كردنی جەستەیان بەكاری دەهێنن.
ئەوەی مایەی لەسەروەستانە راستی‌و دروستی بەكارهێنانی رۆن ستۆپ نیە لەلایەن بەركەوتووەكانەوە، بەڵكو وردەكاریەكانی پیاوانی ئەمن‌و موخابەراتە، كە چۆن دەیانەوێت رێگە لە هەر جۆرە هۆكارێكی چارەسەرو خۆپاراستن بگرن.
لایەنێكی تری ئەو نوسراوەی ئەمن بەڵگەیەكی گرنگە لە سەر راستی بەكارهێنانی چەكی كیمیاوی لەناوچە قەدەغە كراوەكانی كوردستان، ئەوە دەسەلمینێ‌ كە عێراق گازی كیمیاوی بەكار هێناوە، ئەوەش پشت راست دەكاتەوە كە بەكارهێنانی گازی كیمیاوی لەو ناوچانەدا كارێكی ئاسایی بەعس بووە.

ناوەرۆكی نوسراوەكە بەزمانی بەكوردی :
بروسكەی نهێنی‌و بەپەلە
بۆ هەموو بەرێوەبەرایەتی بەشەكان .
لە ئەمنی هەولێرەوە.
دانەر: ش.س. “ناخوێندرێتەوە”/ 10944 زانیاریمان بەمجۆرە(.) ە زانیاریەكی زۆر بەسود.
بە ئاو دیوكردن‌و بردنی بابەتی رۆن برێك (رۆن ئیستۆپ) بۆ گوندە قەدەغەكراوەكان لە باری ئەمنیەوە، بۆ لایەنە تێكدەرەكان بەمەبەستی بەكارهێنی لە كاتی بۆردومانی كیمیاویدا بە مەبەستی بەهێزكردنی لەشیان لە دوای بەركەوتنیان بەچەكی كیمیاوی .
لەگەڵ نەمانی ئەومادەیە لە بازاردا نرخەكەی بەرزبووەتەوە ، كە كارتۆنێك لەو رۆنە لە 30 دینارەوە بەرز بووەتەوە بۆ 120 دینار (.) بۆ راست‌ودروستی ئەم زانیاریە ئاگادارمان بكەنەوە لە زووترین كاتدا.

عەمیدی ئاسایشron brekt1
بەرێوەبەری ئەمنی پارێزگای هەولێر
9/7/1988

سه‌رنجه‌كان

ڤیدیۆكان

ئێمه‌ له‌ فه‌یسبوك

دیدار