ئـــــەنــــــفالچیەکان کێن بەختیار ڕەوف
ئـــــەنــــــفالچیەکان کێن
بەختیار ڕەوف
٢٢ی نیسانی ٢٠٢١ – گەرمیان
ئەنفال چیەکان کێن و بۆچی کردیان… خۆ ئەنفال یەکجار نەبوو بەردەوامە لای ھەموان ڕوونە کارەکتەری سەرەکی و پاڵەوانی ئەنفال و کیمـــــیابارن (سەدام حسێن) ی گۆڕ بەگۆڕ و ڕژێمەکەی و کەسە نزیک و کاربەدەستانی ئەو دەمەی ڕژێمی بەعس و حوکمەتی عێراق بوە دوا بە دوای ئەوانیش بەپلەی دووەم کۆمەڵێک کوردی خائین و خۆفرۆش بوون، کە ناونران جاش و موستەشار، ئەمانە بۆ بەرژەوەندی خۆیان ھاوکار و پاڵ پشتی ڕژێمی بەعس و سەرکردایەتی حوکمەتی ئەو کاتەی عێراق بوون، ھەڵبەتە چەند ھۆکارێکی ھەیە لەوانە:
پلەو پایەو مەنسەبی حزبی و پارەو پولێکی باش چی لەلایەن خودی حوکمەت و حزبی بەعسەوە یان ئەو کەلوپەل و ماڵ و موڵکەی کە لە ئەنفالکراوان جێدەماو دەگیران و بەتاڵان دەبران ئەوەش زیاتر ئەم جاشانە دەبوونە میراتگر و خاوەنیان هەروەها ترس و تەسلیم بوون بە ڕژێمی بەعس و حوکمەتی ئەوکاتی عێراق یاخود ناکۆکییان لەگەڵ میلەتی کوردو فەرماندەو پێشمەرگەکانی ئەوکاتی کوردستان واز لە ڕژێمی بەعس و حەکمەتەکەی بێنە بەئێستاشەوە کە دوژمنی کوردو کوردستانن و جاش و موستەشارەکانیش ھیچیان کەم نەبوو لەوان بەڵام داخو خەمێکی زیاتر ئەوەیە ئەوانەی خۆیان بەخاوەنی کوردو کوردستان دەزانن لەوان خراپترنین ؟ وەک ئەوان دوژمن بەخەڵک نین ؟
ئەو کار بەدەست و دەست ڕۆشتوانەی کوردستانی دوای ڕاپەڕینی بەھاری ساڵی 1991جەماوەر و خەڵکی بەش مەینەتی کوردستان کە ئەوان ئەیان توانی ئەنفال و کیمیاباران بکەنە چەکێکی بەھێزوو کاریگەر و گەورە نەک تەنھا بەرامبەر بە حوکمەتی عێراقی دوای ڕژێمی بەعسی گۆڕبەگۆڕ بەڵکوو بۆ ھەموو جیھان و لەخزمەتی خەڵکی بەش مەینەتی کوردستان و خاوەن قوربانی بەکاریان بھێنایە بەڵام بەداخەوە پێچەوانەکەیمان بینی و دوای ئازادی و ڕاپەڕینی ساڵی 1991 کوردستان و لەکار لابردنی حوکەمەتی بەعسی فاشیل دوای ساڵی 2003 کۆمەڵە نابەر پرس و تاڵانچی و چەند بنەماڵەیەک دەستیان گرت بەسەر سەروەت و سامانی ئەم میلەتە خێر لە خاك و خۆڵ نەدیوی کوردستان و بون بە خاوەن و میراتگری قوربانیانی ئەنفال و کیمـــــیابارن و بۆ خۆیان و نەوەکانیان بوون بە ملیار دێری زەمانە لەسایەی ئەنفال و کیمـــــیابارن و قوربانی دانی خەڵکی بەش مەینەتی کوردستان
. ھەڵبەتە بێدەنگ بوونی و خزمەت نەکردنی ناوچە زیان لێکەوتوان و کەسووکاری قوربانی دەران خۆی بۆ خۆی ئەمەش ئەنفالکردن و کیمـــــیابارنکردنێکی تری ئێمەیە و نابێو ناکرێ لێی بێدەنگ بین و کۆمەڵە بەر پرس و مناڵەکانیان و چەند بنەماڵەیەک دەستبگرن بەسەر ئەو سەروەری و دەستکەوت و سەرمایانەی کە بەقوربانی دانی ئێمەو خەڵکی فەقیر و ھەژار و بەش مەینەتی کوردستان ھاتوەتە بەرھەم ئەبینین دوای ئەو ھەموو ساڵەو زیاتر لە چارەکەسەدەیەک نەتوانراوە چارەسەرێکی باش و گونجاو بکرێت بۆ ئازیزانمان و قوربانیای کیمـــــیابارن و ئێستاش بەدەم ئێشوو ئازارەوە ئەناڵێنن کەچی مناڵی بەر پرسانمان وبەر پرسان خۆیان بۆ چارەسەری سەریەشەیەک یان پەتایەکی ئاسان یان بۆ بینینی یاریەکی ڕیاڵ مەدرید و بەرشەلۆنە یان بۆ گەشت و سەیران و کەیفو خۆشی خۆیان دەچنە دەروەو بۆ خۆشترین و باشترین و دورترین وڵاتانی ئەوروپا کە ھەر گەشتێکی یەک نەفەریان چارەسەری چەندین ئازیزمان لە قوربانیانی کیمـــــیابارن دەکرێت بەداخەوە ئەوان لێی بێخەمن و ئێمەش بێدەنگ!… ئەمەیە بەردەوام بوونی ئەوان و خراپتر بونی ژیانی ئێمە… ئەبینین مناڵی بەرپرسان لە تەمەنێکی نەگونجاودا سەرۆکی زانکۆ و خاوەن چەندین کۆمپانیاو کارگەو چەندین ئۆتۆمبیلی گران بەھا و پاسەوان بەدوایانەوەیەو نەوەکانی ئەنفال و کیمـــــیابارن تەمەنێک لەوان گەورەتر و شیاوتر و خاوەنی بڕوا نامەی ڕاستر و باوەڕ پێکراوترن کەچی لەماڵەوەن و تەنانەت دامەزراندنێکیشیان پێ ڕەوانابینن!…
چونکە خول ناخۆنەوە بەدەوری بەرپرس و حزبەکاندا!…
