سهردێرهكان
- بۆ هۆمەر محەمەدی گەورە و منەوەر ڕەوا هەژار
- جینۆسایدی گهلی کورد و گهلی توتسی ………………………………….. سروە نوری ئەزیز
- ئایدیاو چەمکسازی لە نێوان داهێنانی فیکری و بەرپرسیارێتیی زانستیدا……………… هۆمەر محەمەد
- کوردە فەیلییەکانی عێراق.. پێکهاتەیەکی ناوازە، کە لەژیر توندوتیژیدا پلیشاونتەوە پڕۆفیسۆر دکتۆر سەیار جەمیل
- لە پێناوی شکۆی پاڵەیی یاخود فەیلیەکاندا هەڵوەستەیەک لە بڕیای (٤٧٤) هۆمەر محەمەد
خەولەی تەمەن ٥ ساڵ لەبەڵگەنامە ترسناکەکەدا
خەولە ئەحمەد فەخرەدین
چیرۆکی ئەنفالکردنی چەند کورتە، هێندە کاریگەرو مایەی تێڕامانە !
خەولە ساڵی 1983 لە ناحێی نەوجول هاتووەتە دنیاوە، تەمەنی تەنها 5 ساڵ بوو كە
پەلاماری ئەنفال هەموو گەرمیانی لەگەڵ خۆیدا پێچایەوەو بە هەزاران منداڵی چاوگەش و خێر لەخۆ نەدیویشی بەرەو دۆزەخی ئەنفال لەگەڵ خۆیدا لولدا، خەولە كچی پیاوێكی گەرمیانی ئەنفالكراوە ئەحمەد فەخرەدینی باوكی مامۆستای شۆرش بووە.
چیرۆكی خەولە زۆركورتە بەڵام زۆر كاریگەرە، ئەو هەرخۆی ئەنفالنەکروە بە لکو باوک ودایکیشی ئەنفالکراون، ناوی دایكی پیرۆز ئەحمەدەو لەبنەرەتەوە خەلكی ناحێی نەوجەول بوون و پاش روخاندنی ناحێكەیان ئەوانیش چونە گوندی وارانی لە ناوچەی داودە . ئەم كچە پێنج ساڵە ناوی لەناو ئەو لستەدایە كەلە نوسراوی ژمارە 1601 ی ریكەوتی 10/12/1988 داناویانهاتووەو گوایا رەوانەی وڵاتی میسر كراون. بەڵام هەرگیز نە لێکۆڵیارو نە راگەیاندنکارو نە چالاکوان نەیان پرسی ئەوانەی ناویان لەو بەڵگەیەدایە تەمەنیان چەندە ؟ کچن یان ژن ؟ ئەگەر ژنن دایکی چەند منداڵن !؟ دایكی خەولە لە پێناسی باری شارستانیدا واتا بەتەسكەرە ناوی پیرۆە بەڵام خزم و کەسوکار هەر بە گولیلك بانگیان كردووە. جێگەی سەرسوڕمانە کەوا خەولەی پێنج سالان و دایكیشی (پیرۆز ئەحمەد) هەر بەنازناوە كەیەوە (گولیلک) ناویان لەناو ئەو نوسراوەی موخابەراتی کەرکوکدایە . ؟ لەوەش سەیرتر ناوی حەسیبە ئەمین هەمزەو کچەکانێتی لەکاتێکدا ئەو ژنە دایکی ٧ منداڵ بوو !
حسیبە ئەمین حمزەو نەجیبەو شلێر حسن ئەندامانی یەك خانەوادەنو حەسیبە دایكی شێلرو نەجیبەیە، بەڵام تەمەنی هیچ یەكێك لەو ئافرەتانە بە راستی نەنوسراوە، لە نوسراوەكەی موخابەراتدا تەمەنی حسیبە بە 29 ساڵو نەجیبەی كچی 18 ساڵو شلێریش بە 20 ساڵ نوسراوە، لەكاتێكدا حەسیبە لە دایكبووی رۆژی 1/7/ی سالی 1951.
جێگەی ئاماژەیە كە حەسیبە بێجگە لەم دوو كچەی كە ناویان لەبەڵگەنامەكەدا هەیە، ٣ کچ وکورێکی تریشی هەبوون بەناوەکانی ( تولان، نیعمەت، پەروین، غەریبە) وكورەکەشی ناوی بورهان بوو، كە بەیەك رۆژ لەسەرچەمی ئاوەسپی لە ناوچەی داودە سەرباز گرتوونیو ئەنفالكران، حسن عەلی مێردیشی هەمان رۆژ لەوبەری ئاوەسپی گیراو ئەنفالكراو دواتر ناوی لە بەڵگەنامەیەكی تری هەمان موخابەراتدا دۆزرایەوە كە لە پاریزگای موصل ئیعدام کراون، بورهانیش هێشتا بێ سەروشوێنە. ! ئیدی هەقە بپرسین ژنێکی تەمەن هەڵکشاوو منداڵێکی تەمەن ٥ ساڵ چ خێرێک بۆ نادییەکانی شەوانە دەدەنەوە ؟ بێگومان هیچ بەلام بۆ ماوەیەک خێری باشیان بۆ هەوالدزو هەواڵفرۆشەکان دایەوە .
