نوێنەرایەتی حکومەتی هەرێمی کوردستان و یادەوەریی وساڵیادەکانی گەلی کوردستان
یادەوەریی وساڵیادەکانی گەلی کوردستان
بەداخەوە هەتا ئێستا ڕۆژژمێرو خشتەیەکی ڕێک وپێکی حکومەتی هەرێمی کوردستان بۆ ئەم بۆنەو ساڵیادانە لە ئارادا نییە، ئەوەشی کراوە، عەیبدارە بە هەڵەی ناوو رێکەوتی تاوانەکان بۆیە هیچ کات ماڵپەڕی فەرمی حکومەت وپەرلەمان جێگەی متمانە نین بۆ راستی ودروستی ئەم رێکەوتانەو ناوی راستەقینەی شوێنەکان، لێرەدا ماڵپەری فەرمی نوێنەرایەتی حکومەتی هەرێمی کوردستان بەنمونە دەهێنینەوە کە هەڵەی زەق وعەیبداری لەخۆگرتووە، لەوەی هەم زانیاری هەڵەی بڵاوکردووەتەوەو هەم ناوی گوندو ناوچەکانی شێواندووەو ئەم هەڵانەش بەپێشچاوی بەناو شارەزایانی ئەنفال وئەو رۆژنامەنوس و موچەخۆرانەدا تێدەپەڕن بەڵام لەبەر بەرژەوەندی خۆیان ئامادەنین بەبەرپرسانیان بڵێن هەڵەتان کرد . من لەخوارەوە هەم هەڵەکان دەستنیشان دەکەم و هەم راستیان دەکەمەوە.
- ١٦ى ئازار ساڵى ١٩٨٨: ساڵیادى بۆمبارانکردنى شارى هەڵەبجە بەچەکى کیمیاوى .
- ١٤ى نیسان ساڵی ١٩٨٨: ساڵیادى یادکردنەوەى قوربانیانى تاوانی ئەنفال و جینۆسایدى کورد .
- ١٠ى تەمموزی ساڵی ١٩٦٢ –هەتا ساڵی ٢٠٠٣: ساڵیادى ڕاگوێزانى ٤٠,٠٠٠ چل هەزار نیشتەجێی کەرکوک و ناوچەکانى دەورووبەرى. بەداخەوە ماڵپەری ناوبراو بۆئەم زانیارییە نوسیوێتی سالی ١٩٦٢ .
- ٣١ى تەمموز ساڵی ١٩٨٣ : ساڵیادى بێ سەروشوێنکردنى بارزانیەکان.
- ١٨ى ئاب ساڵی ١٩٦٩: ساڵیادى کۆمەڵکوژیەکەى گوندى سۆریا بەداخەوە لەو ماڵپەڕەدا نوسراوە (سورەیا).
- ٤ى ئەیلول سالی ١٩٨٠ : ساڵیادى کۆمەڵکوژى کوردانى فەیلى .
ساڵیادى کیمیابارانى هەندێک گوندوشاروچکە، کە لە ساڵانى ١٩٨٤ و ١٩٨٧ و ١٩٨٨ کیمیاباران کراون:
- ٢٦ و ٢٨ى شوبات: کیمیابارانکردنى گوندەکانى سەرگەڵو و یاخسەمەرو گوێزیلێ و دۆڵى جافایاتى لەساڵى ١٩٨٨ لەراستیدا لەساڵی ١٩٨٧ ەوە ئەم ناوچەو گوندانە کەوتوونەتە بەرهەڵمەت و بۆمبارانی کیمیایی نەک ساڵی ١٩٨٨.
- ١٦ى ئازار: کیمیابارانکردنى شارى هەڵەبجە لەساڵى ١٩٨٨ .
- ١٦ى ئازار: کیمیابارانکردنى گوندى عەنەب و قەزاى هەڵەبجە لە ساڵى ١٩٨٨بەداخەوە .لەوماڵپەرەدا ناوی ئەم گوندەو رۆژی کیمیابارانکردنی بەهەڵە نوسراوە (گوندی عەبناب !) رۆژی ١٨ی ئازاریش ناراستە چونکە عەنەبیش هەر رۆژی ١٦ی ئازاربوو.
- ١٦ى نیسان: کیمیابارانکردنى گوندی بالیسان و شێخ وەسانان، بەداخەوە ئەمیش لەو ماڵپەرەدا بەهەڵە نوسراوە (کیمیابارانکردنى گوندەکانى شێخ وەسانان و ناوچەکانى دەورووبەرى لە ساڵى ١٩٨٧ بەلام راستیەکەی ئەو رۆژە تەنها ئەو دوو گوندە کیمیابارانکراون .
- ١٧ى نیسان: کیمیابارانکردنى گوندەکانى قزلەرو سنگەر و مێلاوکە لە ساڵى ١٩٨٧. بەداخەوە ناوی گوندەکان بەهەڵە لە ماڵپەڕی ناوبراود نوسراوە ( قزڵەر و سەنگەر و ماولەکە)
- ٣٠ی ئابی ١٩٨٨ کیمیابارانکردنی دۆڵی بالیسان و کونەسیخور بەداخەوە ئەمەش لەماڵپەری ناوبراودا بەهەڵە نوسراوە( ٢٠نیسان: کیمیابارانکردنى گوندەکانى دۆڵى بالیسان لە ساڵى ١٩٨٧ ) !
- ٢١ى نیسان: کیمیابارانکردنى قەزاى قەرەداغ لە ساڵى ١٩٨٧.
- ٣ى ئایار سالی ١٩٨٨ : کیمیابارانکردنى هەردوک گوندی گۆپتەپە وعەسکەر بەداخەوە لەماڵپەڕی ناوبراود ناوی هەموو گوندەکان بەهەڵە نوسراوە ( لەبری گۆپتەپە نوسراوە : گۆزتەپە لەبری عەسکەر نوسراوە : ئەکار و لەبری گوندی مەولان نوسراوە : مەیلان و لەبری سەرچەم نوسراوە : سەرچمە لەکاتێدا ئەوە ناوی گوند نییە بەڵکو مەبەستی سەر زێی بچوکە، لەبری گوندی شێخان نوسراوە : شێخانم لەبری گوندی کەڵەشێرە نوسراوە کەڵەشێر و لەبری چەمی رەزان نوسراوە : چەمى ڕێزان و لەبری گوندی قۆچەبڵاغ نوسراوە : قۆچڵاغ و لەبری زەرزی نوسراوە : زەرى) .
- ٢٣ى ئایاری سالی ١٩٨٨: کیمیابارانکردنى گوندەکانى مەلەکان، گۆڕەشێروکەندۆڵ و بەردۆک و بلەو بارزان وهیران و نازەنین و بالیسان . بەداخەوە لەماڵپەری ناوبراودا هەموو ناوەکان بەم شێوەیە بەهەڵە نوسراون ( لەبری مەلەکان نوسراوە : مەلەخ گۆڕەشێر و کەندۆڵ و بەردۆک و لەبری بلە نوسراوە : بلێ و لەبری هیران و نازەنین نوسراوە : تاهى و نازەنین و لەبری بالیسانیش نوسراوە : باڵیسان)
- ٢٦ى حوزەیرانی ساڵی ١٩٨٧ : کیمیابارانکردنى شارى سەردەشت لە ڕۆژهەڵاتى کوردستان- بەڵام ماڵپەرەکە نوسیوێتی ٢٨ی حوزەیران .
- ١ى تەمموز: کیمیابارانکردنى زۆربەى گوندەکانى قەزاى دهۆک لە ساڵى ١٩٨٧.
- ٢٥ى ئاب: کیمیابارانکردنى گوندەکانى قەزاکانى بادینان و ناوچەى گەلى بازى لە ساڵى ١٩٨٨. بەڵام ماڵپەرەکە نوسیوێتی لە ٩ی ئاب !
- بۆ بینینی هەڵەکان بروانە مالپەری نوێنەرایەتی حکومەتی هەرێمی کوردستان لە ئەمریکا لەم لینکەی خوارەوەدا: https://us.gov.krd/ku/%D8%A8%D8%A7%D8%A8%DB%95%D8%AA%DB%95%DA%A9%D8%A7%D9%86/%D9%87%DB%95%DA%B5%D9%85%DB%95%D8%AA%DB%95%DA%A9%D8%A7%D9%86%D9%89-%D8%A6%DB%95%D9%86%D9%81%D8%A7%D9%84-%D9%88-%D8%AC%DB%8C%D9%86%DB%86%D8%B3%D8%A7%DB%8C%D8%AF-%D8%A8%DB%95%D8%B1%D8%A7%D9%85%D8%A8%DB%95%D8%B1-%DA%AF%DB%95%D9%84%D9%89-%DA%A9%D9%88%D8%B1%D8%AF%D8%B3%D8%AA%D8%A7%D9%86/
