سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
ئەوەی لەبەرنامەکەی (کەناڵی پەیام)دا نەمتوانی بیگەیەنم
ئەوەی لەبەرنامەکەی (کەناڵی پەیام)دا نەمتوانی بیگەیەنم
کاتێک ویستم جیاوازییەک لەنیوان قوربانیانی جێنۆساید، لەگەڵ تاوانی ستەمکاری و تاوانەکانی تری زەبروزەنگدا بکەم . مەبەستم بوو بەم شێوەیە رونی بکەمەوە :
یەکەم: جێنۆساید لەسەر ئەم سێ رەگەزە دەوەستێ
١- دەستنیشانکردن (کێن ئەوانەی دەبێت بکوژرێن) لە ئەنفالدا گوندنشینی کورد.
٢- پەلاماردان و کۆکردنەوە .
٣- پۆلێنکردن و لەکۆڵکردنەوە (جیاکردنەوەو کوشتنیان).
جێنۆساید دەستنیشانکردنی گروپێکە بۆلە ناوبردن وسرینەوەی یەکجاری، بەڵام لە جەنگدا کێشەکە جۆرێکی ترە، رەنگە لە شەڕێکدا خەڵک ببنە قوربانی بەڵام ئامانج کوشتنی شەڕکەڕە نەک هەموو خەڵک، دیسانەوە هەر لە جەنگدا ئەو شەڕکەرەی خۆی رادەست دەکات، دەشێت بە پاراستنی یاساکانی جەنگ بۆنمونە “نەکوشتنی دیل” ئەگەری مانەوەی قوربانیەکە زیاترە لە کوشتنی، واتا لەدەرفەتێکدا کەسی بەدیلگیراو بۆی هەیە بگەرێتەوە ناو ژیان، بەڵام لە جێنۆسایددا ئەم دەرفەتە نییە.
هێلین فاین زانای بەناوبانگی ئەم بوارە دەڵێت : لە تاوانی جێنۆسایددا قوربانیەکان خۆیان رادەست بکەن یان بەرگری بکەن هەردەکوژرێن .
دووەم : هەڵەیەکم لە دەربڕینی ئەوکۆمپانیا ئەمریکیەدا کرد، کەموادی کیمیایی بەعێراق فرۆشتووە، کۆمپانیاکە ناوی (سۆرچ) نەک کۆلاج . بەڵام بەداخەوە لەپەلەپەلیدا گوتم (کۆلاچ).
خاڵێکی تر گرنگە : ئەویش ئەوەیە مەرج نیە جێنۆساید، هەرلەریگەی جەنگەوە بێت، هەندێکجار سیاسەتەکە بەبێ خوێن رشتن بەرێوە دەچێت وەک : گۆڕینی شوناس، لە عیراق ئەمە پیادەکرا بەناوی تصحیح القومي واتا گۆرینی نەتەوەی کورد بۆعەرەب. یاخود بەربەست لەبەردەم زاوزێ (دابرینی نێرومێ لەیەکتر، پێدانی دەرمانی زاوزێ، هەناردەکردنی خواردنی خراپ بۆ بازارەکان وەک ئەوەی ئێستا گومانلێکراوە بەم تاوانە بۆ هەرێمی کوردستان)
ئەگەرچی هەتا ئێستا پەیماننامە نێودەوڵەتیەکان بۆ مافی مرۆڤ و قەدەغەی جێنۆساید بەفریای کورد نەکەوتوون. بەڵام لەروی یاساییەوە تاوانی جێنۆساید تاوانی نێودەوڵەتییەو قەرەبووکردنەوەی قوربانیەکانی و دادگایی کردنی تاوانبارانیشی دەرفەتی ئەوەیان هەیە لە دادگای نێودەوڵەتی سزا بدرێن و گروپە جێنۆسایدکراوەکەش قەرەبوو بکرێتەوە، بەوەی کە پارێزبەندییەکی نێودەوڵەتیان بۆ دروستبکرێت بۆئەوەی بەر پەلاماری کۆکوژی نەکەونەوە .
