سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
ئەمرۆ یادی کیمیابارانی بالیسان وشێخ وەسانە
ئەمرۆ یادی کیمیابارانی بالیسان وشێخ وەسانە
١٦/٤/١٩٨٧ ساڵێک پێش پەلامارە سەربازییە هەشت قۆناغییەکەی ئەنفال، لە ئێوارەیەکدا هەردو گوندی بالیسان وشێخ وەسانان، بە ٨ فرۆکەی عێراقی پەلاماردران. فرۆکەکان دوای ئەوەی دوجار بەئاسماندا سوڕانەوە بوون بە دوو پۆل : چواریان بۆسەر گوندی شێخ وەسان و چواریان بۆسەر گوندی بالیسان دوای ئەوەی دوجار خولانەوە هەریەکەیان چوار بۆمبیان بەسەر گونددا بەردایەوە سەرەتا گوندنشینە هەژارو سادەوساکارەکان هێندە گوێیان پێنەدا چونکە بۆمبەکان دەنگیان نزم بوو (چوزانین وامانزانی چروکیان کردووە- نەجیبە) و نەتەقیونەتەوە، بەڵام زۆری نەبرد ئەو دوکەڵەی لێیان بەرزدەبووە دابەزییەوە بۆناو گوندو خەڵک خۆیان لەناو تەمێکی زەردباوی خنکێنەردا بەشڵەژاوی بینییەوە.
“ئەوەی نەمردبوو کوێرببوو، هەیانبوو قاقا پێدەکەنی و وەک شێتی لێهاتبوو، هەبوو دەرشایەوەو لارەلار دەڕۆیشت”، هەرچۆنێک بوو خەڵکەکە ئەوەی مابوو توانای هەبوو بەبرینداری بەرەو چیا هەڵکشان بەڵام جارێکی تر کۆپتەرهاتەوە ئاسمانی ناوچەکەو بەکیمیایی لێیدانەوە، باشبوو باران باری دەنا تاقە بەشەرێکیان دەرنەدەچوو.
ئەوەی دەیخوێننەوە لەزاری ئەو بریندارانەوە بۆتان دەگوازمەوە کە لەساڵانی رابوردودا دیدارم لەگەڵدا سازکردوون. (فاتمە، نەجیبە، ئەحمەد، مام تەها) لە دوای کۆمەڵکوژی بارزانیەکان ئەمە گەورەترین تاوانبوو کە رژێمی بەعس دژی خەڵکی مەدەنی ئەنجامیدا بەڵام کۆمەڵگەی نێودەوڵەتی بێدەنگ وبێ ئەخلاق مایەوە .. دوای راپەڕینیش خۆمان لەوانە خراپتر .
سڵاو بۆ خەڵکی دۆڵی بالیسان و برینداران و دەربازبووەکانی، رۆحی قوربانیەکانی شاد.
وێنەکە باشترین گوزارشتی وەفاداری دەسەڵاتدارانی هەرێمە بەداخەوە ئەو دوو ئیسعافەشم چنگ نەکەوت کە بۆگواستنەوەی نەخۆشەکان قون بەقونی یەکەوە دەنێن .
ئەوەی ئیستا لەبەردەستە شەهیدانی هەردوو گوند بریتین لە :
١- شەهیدانی شیخ وەسانان ( ١٨٥) کەس
٢- شەهیدانی بالیسان (٤٦) کەس
نەفرەت بۆ فاشیزم وشۆڤینیزم .
سەرشۆڕی بۆ ئەودەنگانەش کە دوعای خێر بۆسەدام دەکەن و خۆینساردانە دەڵێن پیاوی چاک بوو جاهەرکەسێک بن و هەر پاساوێکیان هەبێت.
هەموو ئەوانەش کە بەستەمکاری قایلن جاهی هەردەنگ ورەنگ وئاین وئایدۆلۆژیایەک بن.
