سهردێرهكان
- مفهوم الإبادة الجماعية بين النظرية الأكاديمية والتمييز قراءة نقدية لمنشورات الأمم المتحدة ………..هومر محمد
- مەترسی ئەنفالکردنەوەی ئەنفال دادگایکردنی عەجاج. …………..ئیبراهیم شێخ وەسانی
- تاوانی ئەنفال بۆ نەوەکانت بگێڕەوە! با گۆپتەپە دووبارە نەبێتەوە… سروە نوری ئەزیز
- عەجاج وەک ئایشمان ………………..سەیوان محەمەد
- لە سێدارەدانی عەجاج و لە گۆڕنانی دۆسێی جێنۆساید ……………………………هۆمەر محەمەد
خەسڵەتەکانی دەبەنگی ………….عومەر محەمەد
خەسڵەتەکانی دەبەنگی ………….عومەر محەمەد
سەعاتێک لەگۆڕی بەکۆمەڵدا دەدۆزرێتەوە کەرنەڤاڵێ شین وشیعری بێ شاعیر سازدەکات، بەڵام دەمەقاڵێی دووبازرگانی نەوت ئەمیش کەروکوێر دەکاونەک سەعات ئەنفالیشی لە بیردەباتەوە. ئاخر یەکێک خەمی ئەنفالی بێت، دەبێت مرۆڤیشی لەکن بەنرخ بێت، شەڕی حزبەکان گەرم ناکات، کەچی کەم نین شینگێرن و شەڕی حزبەکانیش دەکەنە بەهانە بۆئەوەی یەکتری سوک وتڕۆبکەن !
سەیرە ! سەعات وتەسبیحی ناوگۆڕەبەکۆمەڵەکان دەبنە مایەی خرۆشان، بەڵام یادەوەری مرۆڤە بەکۆمەڵکوژراوەکان نابنە مایەی تێڕامان !؟
کەم نین ئەوانەی هەم شین بۆ مردووەکان دەکەن وهەم زیندووەکانیش سوک وتڕۆ دەکەن !
هەلبەت من لەگەڵ نرخدان بە سەعاتەکان و تەنانەت بە بچوکترین قۆپچەی کراسێک لەبەری قوربانییەکی ناو ئەو گۆڕانەدام .. بەڵام شین و شیعرو هەڵدانەوەی گٶڕ بۆچی باشن ئەگەر یادەوەری و دادپەروەری بەرهەمنەهێنن . هەربەراستی مرۆڤی بێ یادەوەری وکۆمەڵگەی بێ دادپەروەری چ بەهایەکیان لە ژیان وسروشتدا هەیە ؟
من چۆن باوەر بەشین گێڕێک بکەم هێشتا بەدوای کۆنەجاشێکی بەرپرسەوە پاسەوانە ؟
چ لە شاعیرێک بکەم هەم شیعر بۆ سوڵتانەکان دەهۆنێتەوەو هەم بۆ سەعاتەکانی سەماوەش!؟ هەم ئاگری شەڕی ناوخۆی خۆشکردووەو هەم زۆرنای ئاشتی ژەنیوە!
چ لەشین گێڕێکی ناوفەیسبوک بکەم تەرسی حوشترێکی عروبەی لە مۆنۆمێنتی ئەنفال لەکن بەقیمەتتربێت ؟ ئێزدی بەکافر بزانێ و ئیسلام بەتیرۆرست و کۆمۆنیست بە سەرلێشیواو ؟ چ لەشین گێڕێک بکەم .. مرۆڤی لەکن سوک بێت و مردوپەرستی زیندوکوژبێت ؟
