سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
گەنگەشەکرنا کومکوژیا (گوندێ کورێمێ) ل زانینگەها دهوکێ. د. حمید باڤێ
کومکوژیا (گوندێ کورێمێ) هاتە گەنگەشەکرن ل زانینگەها دهوکێ. ل سپێدەهيا روژا ئێكشه‌مبێ (٢٤/٢/201٩)- ب هه‌لكه‌فتا سالڤه‌گه‌را (٣١)ێ یا کریارێن ئەنفالێن رەش ل سەر دەستێ رژێما عیراقێ یا ژناڤچویى (٢٣/٢/١٩٨٨- ٦/٩/ ١٩٨٨) ئەنفاکرن وقڕکرن وجینوسایدکرن و كومكوژيا (گوندێ كورێمێ)- ل ٢٨/ ٨/ 1988- هاتە ساخڤەکرن وگەنگەشەکرن ل سەنتەرێ رەوشەنبیرى وجڤاکى یێ زانینگەها دهوکێ، ژ پێرابوون وسازکرنا: (سەنتەرێ ئەنفال ولێکولینێن جینوسایدێ) ب هەڤکارى د گەل (سەنتەرێ بێشکچى بو ڤەکولینێن مروڤایەتى)، ژێر دروشمێ: بیرەوەرى، بیردانک، ئازار)، ب ئامادەبوونا رێزدار (پ.د مصلح دهوکى- سەروکێ زانینگەها دهوکێ)، وژمارەیەکا ڤەکولەر ورەوشەنبیر وچالاکڤان وماموستا وقوتابیێن زانینگەها دهوکێ، وکەنالێن راگەهاندنێ… کە تێدا برێڤەبرنا ماموستایێ بەرێز: رمضان شعبان رێز ل خوینا پیروزا شەهیدان وئەنفالکریان هاتە گرتن، وکورتە پەیڤا رێزدار سەروکێ زانیگەهێ هاتە خواندن، پاشى پەنەلەک برێڤەچوو برێڤەبرنا بەرێز: د.سالم جاسم حاجى- رێڤەبەرێ سەنتەرێ لێکولینێن جینوسایدێ ل زانینگەها دهوکێ کە (٣) سمینار وڤەکولین هاتنە پێشکێشکرن ژ لایێ بەرێزان: １- ماموستایی مافپەروەر عقید عبد الله جعفر أحمد کوڤلى- ل دور (کومکوژیا گوندێ کورێمێ) ژ لایێ یاسایى ڤە وچاوانیا رویدانا وێ وراپورتێن بیانیا ل سەر نڤێسین. ２- ماموستا عمر محمد- سەروکێ گوڤارا ئەنفالستان.. ژ دور (کومکوژیا گوندێ کورێمێ) وبەراوردیا وێ د گەل چەند کومکوژیێن دى ل کوردستانێ. ３- ماموستا سمکو صابر- چالاکڤان ل گەرمیان.. ل دور لاوازیا رولێ میدیایێ دەربارا ئەنفالان وئەنفالکریان بگشتى ودەربارا کومکوژیا گوندێ کورێمێ بتایبەتى. هەروەسا روینشتنەک بو چەند کەسێن رزگاربووین وشاهد حالێن کومکوژیێ هاتە ئامادەکرن برێڤەبرنا ماموستا عبد الله کوڤلى کە تێدا بەرێزان: عبابکر کورێمەیى، وکەریم نایف کورێمەیى، وهاشم محمد رشید، وحجى شەریف چەلکى (بابێ ٣ ژ وان شەهیدان)، وبەرێز حوسنا (هەڤژینا شەهید محمود کورێمەیى) ئاخفتن ل دور دیتن وبیرهاتنێن خوە د ڤێ کومکوژیێ دا.. پاشى دەرگەهێ پسیاران هاتە ڤەکرن وچەند پسیار هاتنە کرن وبەرسڤ ل سەر هاتنە دان… وچاڤپێکەفتن د گەل ئامادەبویان هاتنە ئەنجامدان، وڤێ چالاکیێ پتر ژ (٢) دەمژمێران ڤەکێشا ..کە روینشتنەکا زور زور گرنگ بوو وتێدا لاوازیا دەستهەلاتێ دیار بوو دەربارا پویتەنەدانێ ب ئەنفال وئەنفالکریان بگشتى وب ئەنفالا بەهدینان بتایبەتى… وداخواز هاتە کرن ئەڤ سەنتەرە پتر بێتە کاراکرن دا پتر پویتە ب دوزا جینوسایدا ئەنفالێ وئەنفالکریان بێتەدانێ ومافێ وان نە مینیت یی بەرزەکرى. (هه‌ژى گوتنێ يه: به‌رى نێزیکى (٣١) سالان د ئه‌نفالێن ره‌ش دا 1988 له‌شكه‌رێ عيراقێ وخوفروشان كومكوژيه‌ك ل (گوندێ كورێمێ) ئه‌نجامدا دژى كه‌سێن سڤيل وبێ ده‌ستهه‌لات كه تێدا (33) زه‌لام – د ژيێن جودا جودا دا ناڤبەرا ژیێ (١٥- ٦٠) دا- گوله‌بارانكرن 2٢ ژ (گوندێ كورێمێ- ناحیا مانگێشکێ) و1١ ژ (گوندێ چه‌لكێ- ناحیا کانى ماسێ)، و(٦) ژ وان ب بريندارى مانه د بن ته‌رماڤه وپشتى هينگێ خوه قورتالكرن وهه‌تا نوكه (٥) ژ وانا د ساخن: (عبد القهار کورێمەیى، عبد الکریم کورێمەیى، عباکر کورێمەیى، هاشم محمد رشید، صدقى عبد القادر چەلکى، وبرایێ وى خودێ ژێ رازى: فتاح عبد القادر فتاح چەلکێ.. بەلێ د دیفرا دووبارە هاتە گرتن وشەهیدکرن!)، خودێ ژيێ وان درێژ بكه‌ت وبپارێزيت بكه‌س كار ڤه- و3 ژ وانا ئه‌ڤروكه ل چالاکیێ د ئاماده‌بوون.. ئه‌وين حازرى دادگه‌هكرنا (صدامى) بووين وشه‌هده‌كى ل سه‌ر دايى د ده‌مێ خوه دا…).
