سهردێرهكان
- بۆ هۆمەر محەمەدی گەورە و منەوەر ڕەوا هەژار
- جینۆسایدی گهلی کورد و گهلی توتسی ………………………………….. سروە نوری ئەزیز
- ئایدیاو چەمکسازی لە نێوان داهێنانی فیکری و بەرپرسیارێتیی زانستیدا……………… هۆمەر محەمەد
- کوردە فەیلییەکانی عێراق.. پێکهاتەیەکی ناوازە، کە لەژیر توندوتیژیدا پلیشاونتەوە پڕۆفیسۆر دکتۆر سەیار جەمیل
- لە پێناوی شکۆی پاڵەیی یاخود فەیلیەکاندا هەڵوەستەیەک لە بڕیای (٤٧٤) هۆمەر محەمەد
هەردی برام وەك قوربانیەكی دوای پرۆسەی ئەنفال كازم جباری
هەردی برام وەك قوربانیەكی دوای پرۆسەی ئەنفال
كازم جباری
كاتێك قاتڵە سەربازییەكانی ڕژێمی بەعس بە سەركردایەتی ” لیوا”بارق حاجی حنتە ” لە چەمچەماڵەوە بە هێزێكی گەورەی پیادە و زرێپۆش و تەواوی كەرەستەی سەربازی دەستی كرد بە جێبەجێ كردنی پلانی ئەنفالی باكوری گەرمیان دەستپێكی پرۆسەكەی لە قۆڵی بانی مەقان – قادركەرەمەوە بەرەو بەرەو وێرانكردنی گوندەكانی ناوچەكە و ئەنفالكردنی دانیشتوانەكانیان دەستپێكرد. لە بەرواری 9 /4 / 1988ز پێشمەرگەكانی كەرتی چواری جباری (ی .ن . ك) و سۆسیالیست و حیزبی شوعی وەیستیان لە گوندی ” گۆڵەبان ” ی ناوچەی جەباری بەرگری بكەن . پاشان شەڕێكی دەستەو یەخە سەرئەنجام شكان و نەیان توانی بەر بە ئەو سوپاس بەهێز و پر چەككراوە بگرن. ئیدی ڕژێمی بەعیش هیچ گرفتێكی لەبەردەمدا نەما ، بەو پێیەیی گوندی كوڵە بان یەكەمین گوندە لە بەری باكوری ناوچەی جباری بۆیە لە گوندەكانی تر زوتر دەستی چەپەڵی بەعسیەكانی پێگەیشت . ئیدی ئەوەی گیرا شوێن بزر كرا و بووبە بەشێك لە پرۆسەی ئەنفال . ئەوە زوتر گوندەكەی بەجێ هێشت . ئەوا لە ڕێگەی هەردە و هەڵەتەتەكانەوە گەیشتە چەمچەماڵ و ناحیەی شۆڕش . ئەگەر چی ناحیەی شۆڕش ئۆردوگایەكی دروستكراوە بوو . بەعس دەروستی كردبوو بۆ ئەوەی كە پلانی ئەنفالی جێبەجێكرد خەڵكی گوندەكانی دەوروبەری چەمچەماڵ لەو ناحیە تازەیەدا نیشتە جێ بكات .چیرۆكی ئێمە لێرەو دەست پێدەكات ، كاتێك گوندەكەمانەوە بەبێ هیچ كەرەستە و كەل و پەلێك . دوای بڕینی چەندین هەوراز و نشێوە گەیشتنە ناحیەیی شۆڕش لە گەرەكی موفەرەییەكان گیرساینەوە . ژمارەی خێزانەكەمان جگە لە (ئەحمد سەردەین) ی باوكم كە بەر شاڵاوی ئەنفال كەوت (5) كەس بوو دایكم كە تەمەنی 40 بۆ 45 ساڵێك دەبوو . منی تەمەن 2 ساڵ، هاشمی تەمەن 4 ساڵ ، لیلای تەمەن 6 ساڵ ، هەردی تەمەن 8 مانگ ” لەو كاتەدا نەخۆشی سورێژە بڵاو بوە و من و هەردی برام بە تواندی توشی نەخۆشیەكە بووین بەهۆی نەبوونی چاودێری تەندەروستی و ترسان و گرتن و بێ سەرو شێنكردن. كۆرپەی ساوا و برابچوكم (هەردی ئەحمد) لە تەمەنی هەشت مانگیدا كۆچی دوایكرد، لە گۆرستانی مۆفەر كۆن بەبێ نازی باوك ، بەخاك سپێر درا . بوو بە قوربانی دوای پرۆسەی ئەنفال .
ئەوی مایەیی نیگەرانیە بەهۆی ئەوەی ڕەگەزنامان بۆ دەرنە كردبوو تەنانەت وێنەیەكیش لە دوای بەجێ نەما بۆ ئارامی دەرونمان . تا لە ئەلبومی یادەوریەكانماندا وەك بە شێك لە میراتی ئەنفال تۆمارە بكەین .
