سهردێرهكان
- جینۆسایدی گهلی کورد و گهلی توتسی ………………………………….. سروە نوری ئەزیز
- ئایدیاو چەمکسازی لە نێوان داهێنانی فیکری و بەرپرسیارێتیی زانستیدا……………… هۆمەر محەمەد
- کوردە فەیلییەکانی عێراق.. پێکهاتەیەکی ناوازە، کە لەژیر توندوتیژیدا پلیشاونتەوە پڕۆفیسۆر دکتۆر سەیار جەمیل
- لە پێناوی شکۆی پاڵەیی یاخود فەیلیەکاندا هەڵوەستەیەک لە بڕیای (٤٧٤) هۆمەر محەمەد
- کۆمەڵێک بیرۆکەو پێشنیار بۆ دیدێکی نوێ بۆ یادکردنەوەی تاوانەکانی جێنۆساید …………………………هۆمەر محەمەد
ئێرە بەردەرگای ئەو ماڵەیە!!! ……………………..کەژاڵ حەمە
ئێرە بەردەرگای ئەو ماڵەیە!!!
کەژاڵ حەمە
ئەو شۆستەیە دەیان جار لە گەڵ شوكری هەڵماقۆم تیا كردووە ،شەوانی هاوینان بارەگای كۆبوونەوەی مناڵانی گەڕەك بوو بۆ چاوشاركێ،
ئەو گەڕەكەی ئەگەر چی تاڵاوی دونیای كرد بە قوڕگی یەك بە یەكی ئەوانەی ترمان كەماوین كەچی هێند شیرینە تامی نەبات ئەیات،ئاخر یادەوەرییەكانی هێندە زۆرن بەشی ساڵێك گێڕانەوە ئەكات.
ئەوماڵە دونیایەك یادەورییان لە زەینی مندا جێهێشتووە، ئەوە چاوم لێیە بەهارێكی تەڕ تەڕە،بارانو ڕەهێڵەیە گەڕەك دەریایەك ئاوی تێڕژاوەو ئاسمان وچانێك نادات ،لەو بەرەوە نەرمین بە شەرواڵێكی پیاوانەی لە بەرەو پارچە نایلۆنێكی وەك فەرەنجی لە بەردایەو كڵاوێكی قوچی لە هەمان نایلۆن لە سەردایە گورجو گۆڵو بێ پسانەوە بان ئەگێڕێت ، پێچكەی بانگردێن بێ ئۆقرە ئەسوڕێ تا ڕۆخی خواری خوارەوەی گوێسەوانە،من لەمبەرەوە دڵم لە مشتمایە خودایە ئەو قوڕە لیق و لوسە بانگردێن و كچ پێكەوە بە قسەی لوس فریو نەدا،كەچی نەرمین وێنەی وەستایەكی كارامەو لێزان بە هەموو هێزی خۆی بانگردێنو ڕووی خۆی بەرەواژ ئەكاتەوە ئاهێكیش وە بەر دڵی مندا دێتەوە،
ئیدی بەردەوام من ئێرەییم بە هێزو لێزانی ئەو دەكرد ،تەنانەت زۆر جار نیگای خۆم لەو دیمەنە ئەدزیەوە ئەترسام ببمە شایەتێكی زیندووی كێشمە كێشمی ئەو دووانە.
نەرمین مایەوە و هەمووان ئۆغریان كرد،ئەگەر بێتو ڕۆژێك بیبینمەوە پێی ئەڵێم ،
ئێستاش دوای ئەو هەموو ساڵە كە گوێم لە دەنگی ئەحمەد شەماڵ ئەبێت ماڵی ئێوە دێتەوە نێو چاوم ،چوون بەردەوام كە گوزەرم ئەكرد بە بەرماڵتانالە ڕیكۆردەرەكەوە نەوارەكەی ئەحمەد شەماڵ دەیووت:-
-ئەی خوا با گلەیی بێت لە لای تۆ…….
ئەو هەموو ساڵە ڕۆشتنو ئینجا لە مەغزای ئەو دێڕە گەیشتم ،ئەوە بۆ پێش سەفەریشتان هەر هاوارو گلەییتان بوو لای خودا لە كۆژێڵێك خێزان وبەری دوو ژن تەنها دووانتان مانەوە !!!!
ئێستاو كە دێمەوە هەموو جارێ سەری بۆ ئەو ماڵەبەرز ئەكەمەوە، نە نەرمین. بان ئەگێڕێ و نە گوێسوانە چوون جاران گوڵجاری گوڵە فەقێیەو نە شوكری لەوێیە تا دەستێ هەڵماقۆی پێ بدۆڕێنم، بە خۆمدا دێمەوە و ئەڵێم كیمیاباران هەموو هەر هەموو ئەوانەی ڕاماڵی!!!
لە دواییدا سەری ڕیزو حورمەتم بۆ یەك بە یەكی ئەو خانەوادەو هەموو شەهیدانی هەڵەبجە دائەنەوێنم .
