سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
چۆن لەئەنفال رزگاریان بوو ؟ دیمانە: عومەر محەمەد
ئەسمەرو بێستوون
بۆ ئەنفالستان دەدوێن،چۆن لەئەنفال رزگاریان بوو ؟
بێستوون حەسەن :
با پێناسێكی رێزلێنان بۆ كەسوكاری ئەنفال، بكەن بۆ ئەوەی لەدام‌و دەزگاكانی حكومەتدا بەرێزەوە مامەڵەمان لەگەڵ بكەن، ئەوسا قەسروقسورمان ناوێ.
ئەسمەر ئەحمەد پیرۆت :
گوتم: ئەیەڕۆ پیاوەکە ئەنفال چیە؟
ئەو گوتی : ئەنفال .. یەعنی دەفەوتێن.
عومەر محمەد
٢٨ی ئازاری ساڵی ٢٠٠٨
کاتژمێر: ٨ی شەو .
ئێوارەیەكی درەنگ وەخت گەیشتمە ناوئۆردوگای پیرەمەگروون، سەرەتا چوومە ماڵی غەفور حەسەن سێدەری کەئەوانیش خاوەنی چیرۆکی تراژیدی و تایبەتن، دوای ئەوەی دیدارم لەگەڵ ئەندامانی ئەو خانەوادەیە ” سێوەو تەیفورو غەفور”([1]) ئەنجامداو پاش نانخواردنی ئێوارە، بۆ ئەنجامدانی چاوپێكەوتنی خانەوادەیەکی دی، هەرلەو گەرەکە چوینە ماڵی “ئەسمەر ئەحمەدپیرۆت” ئەسمەر ژنێکی تەمەن مام ناوەندی بوو، لە دایک بووی ساڵی (١٩٦٥)ە. ئەو ژنە کەپێشتر لەگوندی قەرانگوێ هەڵسوکەتی کربوو، لەوێ گەورە ببووئێستا ئۆردوگا نشینە، لەسیمایدا خەمێکی قوڵ بەدیدەکرا، دوای ئەوەی ڕۆچوینە ناو خەمەکانیەوەو قسەی بۆکردین باسی کرد كە سێ كوڕی لە یەکەمین قۆناغی ئەنفالدا گیراون و بێسەرو شوێنكراون.
[1]– چیرۆکی ئەم خانەوادەیەی گوندی سێدەر بابەتێکی سەربەخۆی گۆڤاری ئەنفالستانە، هەریەک لە ئایشی وسێوەو تەیفور خۆیان زیندوون و پێناسەکانیان لەگۆڕێ بەکۆمەڵدا بوون، هۆکاری ئەمەش بۆئەوە دەگەرێتەوە کەوا دایکیان ئەنفالکراوەو لەگۆرێکی بەکۆمەڵدا تەرمەکەی دۆزراوەیەو پێناسەی هەموو منداڵەکانی لەگیرفانیدا بوون، لەناویاندا پێناسەی ئایشی وتەیفوروسێوەش هەبوون .
