سهردێرهكان
- مفهوم الإبادة الجماعية بين النظرية الأكاديمية والتمييز قراءة نقدية لمنشورات الأمم المتحدة ………..هومر محمد
- مەترسی ئەنفالکردنەوەی ئەنفال دادگایکردنی عەجاج. …………..ئیبراهیم شێخ وەسانی
- تاوانی ئەنفال بۆ نەوەکانت بگێڕەوە! با گۆپتەپە دووبارە نەبێتەوە… سروە نوری ئەزیز
- عەجاج وەک ئایشمان ………………..سەیوان محەمەد
- لە سێدارەدانی عەجاج و لە گۆڕنانی دۆسێی جێنۆساید ……………………………هۆمەر محەمەد
بەهائەدین محەمەد عەزیز : قەت ئەو شەرمەزاریەم لە بیرناچێتەوە, كە دەچوومە مالانو وەك لێقەوماێك خۆم دەبینیەوە.
بەهائەدین محەمەد عەزیز – گوندی كلێسە :
قەت ئەوشەرمەزاریەم لە بیرناچێتەوە كە دەچوومە مالانو وەك لێقەوماێك خۆم دەبینیەوە. بۆیە پێویستمان بەرێزە تا ئەو كاتەی دەمرین با بەحورمەتەوە بژین.
شوێن : پیرەمەگرون – قەزای دوکان
رێکەوتی : 4/10/2012
كاتژمێر 11ی پێشنیوەڕۆ .
بەهادین لەبنەرەتەوە خەڵکی گوندی كلێسەیە ڕیکەوتی ٤/١٠/٢٠١٢ لە ماڵەکەی خۆی لە پیرەمەگرون دیدارم لەگەڵدا سازکرد، بەداخەوە دوای ٨ساڵ لەدیدارەکەمان لەهاوینی ساڵی ٢٠٢٠ کۆچی دوایی کرد.
گوندی کڵێسە کە لە روی ئیدارییەوە سەربەناحێی ئاشتی قەزای كۆیەیە، لە روی جوگرافیەوە نزیكە لە قەزای دوكانەوەو چیای كەڵكەسماق دەکەوێتە نێوانیانەوە، ئاوی زیی بچوك بەبەردەمیدا تێدەپەرێ، بەرامبەر گوندی بۆڵقامیشو دراوسیی گوندی بۆگدی دێرینە، ناوی گوندەكە لەوەهاتووە كە لەمێژودا كلێسەی مەسیحیانی لێبووە، بەڵام بەبیری بەهادین و خەلكی گوند هەمیشە موسولڵمانی تێدا ژیاوە، بەرلەوەی ئەنفال بكرێ، 125 خانەوادەی تێدا نیشتەجێبووە، لەپەلاماری ئەنفالدا زەرەری گیانیو ماڵی زۆریان بەركەوتووە، بەشێوەیەكی گشتی خەڵکەکەی گیراون و ئەنفالكران، كەمینەیەكی زۆر كەمیان لەپیرەمێردو پیرەژن نەبێ كەسیان نەگەرانەوە، ئێستاش بەپێی ئەو ئامارەی لە مۆنۆمینتی ئەنفالكراوانی ئەو گوندەدا هەیە، تەنها لەكڵیسە (136 ) كەس بوونە قوربانی لەوژمارەیە یەك تاكە كەسیان بە چەكی كیمیاوی شەهید بوو، دەنا 135 كەسەكەی تریان ڕۆیشتن و نەبینرانەوە، هەر بەهۆی ئەو تاوانەشەوە ئەوانەی دەربازبوون خۆیانو خانەوادەكانیان پەرتەوازە بوون بە ئۆردوگازۆرەملێكاندا، هەندێكیان لە پیرەمەگرون و هەندێكیان لەبنەسلاوەو هەندێكیان لە كۆیەو لەسەرەتاوە نزیكەی ٣٠ ماڵێكیشی لە كڵێسە نیشتەجێ بوونەتەوەو ئێستا بەهەمووی 50 ماڵیك پێك دەهێنن . بەهادین ئێستا لە کۆمەڵگەی پیرەمەگرون نیشتەجێە رۆژی 4/10/2012 چومە ئۆردوگای زۆرەملێی پیرەمەگرون لە ماڵەكەی خۆیدا لە كەشێكی هێمنو بێدەنگدا دیدارم لەگەڵدا سازكرد مالێكی كشومات جاربەجار کچێکی دەدوازدساڵ دەهاتە ژورەوەو چا یاخود ئاوی دەهێنایە ژورەوەو بەبێدەنگی دەچووە دەرەوە .
