سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
ئەنفال و ڕاپەڕینێکی پڕ شکۆ لە چەمچەماڵ.. .. مەلا رێباز بابان
ئەنفال و ڕاپەڕینێکی پڕ شکۆ لە چەمچەماڵ
ــــــــــــــــــــــــــــــــــــــ
مەلا رێباز بابان
بەڕێزان مامۆستا عەبدلڕەحمان سدیق و کاک عەبدوللا کەریم مەحمود لەڕێی فەیسبووکەوە کۆمەڵێک زانییاری جوانییان لە سەر ڕاپەڕینە پڕشکۆکەی 11\4\1988ی شاری چەمەچەماڵ نووسیبوو کە بەهۆی ئەو ڕاپەڕینەوە دەیان کەس لە ئەنفالکراوەکان ئازاد کران من وێڕای دەس خۆشی کردن لە هەردووکییان ئەو زانییارییانەی لە لای منن لەسەر ئەو ڕاپەڕینە لێرەدا ئەیخەمە ڕوو بەهیوام بەرچاو ڕوونییەک بێت بۆ هەموان .
ئەو کاتە من پێشمەرگەبووم لە ڕادوێی دەنگی گەلی کوردستان بووم بارەگامان لەدۆڵەکۆگەی بناری قەندیل بوو دووربووم لە ڕاپەڕینەکەوە بەلام هاوسۆزیم بۆ شارەکەم وای کرد سۆراخی وردی ئەو ڕاپەڕینە بکەم و چەند زانییارییەک لەسەر ئەو ڕاپڕینە کۆ بکەمەوە کەزانییارییەکان بەم شێوەیەی لای خوارەوەن ئەگەر هەر کەمو کوڕییەکیشی هەبێت داوای لێبووردن دەکەم .
لەڕۆژی 11\4\19888دا خەڵکی چەمچەماڵی خۆڕاگر بۆڕزگارکردنی ئەنفالەکان بەڕووی دەسەلات و دا م و دەزگاکانی بەعسدا ڕاپەڕین لە و ڕاپەڕینەشدا دەیان کەس لە ئەنفالەکان ئازادکران .بەشێک لەو ناوانەی بەردەست کەوتون کەڕۆڵی دییارو بەرچاوییان لە و ڕاپەڕین و ئازادکردنی ئەو دەیان کەسەدا هەبووە بەم شێووەیەی لای خوارەوەن :ـ
11ـــ ماڵی مام عادل یادگار کە چەند کەسێکییان لە ئەنفالاکان پەنادابوو نەیان هێشتبوو بکەونە دەست بەعسییەکان و ڕزگارییان ببوو .
22ــ کافییە عەبدولقادرشاسوار وەک شێرەژنێک ڕۆڵی جوامێرانەی هەبووە لەو ڕاپەڕینەدا بۆ ئازادکردنی ئەنفالەکان دواتر برینداربووە خۆیشی خێزانی پێشمەرگەیەکی شەهیدە بەلام بەداخەوە ناوی شەهیدەکە نازانم .
33ــ خوێندکارانی خوندنگەی باسەڕە (ناوی خوێندنگاکە بەو ناوەوەبووە ) ئەوانیش جوامێرانە لەو ڕاپەڕینەداو لە ئازادکردنی ئەو دەیان ئەنفالەدا بەشداربوون خوێندکارێکیشییان بەناوی حە مە قادر بریندارببوو .
44ــ حسێن کاکە حەمە خوێنکاری هەمان خوێندنگە ی باسەڕە ڕۆڵی پێشەنگی لەو هەڵمەتی ئازادکردنی ئەو دەیان ئەنفالەدا هەبووە .
55ــ براو هاوڕێی خۆشەویستم کاک لەتیف فاتیح فەرەج (لەتیف بیباک ) ی شاعیرونووسەری ناسراوی چەمچەماڵ ئەویش بەهەمان شێوەی بەشداربووەکانی تری هەڵمەتی ئازادکردنی ئەنفالەکان ڕۆڵێکی دییارو بەرچاوی بینیوەو تەنانەت زیندانیش کراوە .
6ـــ محەممەد ئەنوەر ئەمین لەو هەڵمەتەدا بەخەستی لەلایەن کۆپتەرەکانی ڕژێمەوە بریندار کراوە .
7ــفەهیمە فەتاح حەسەن لەو هەڵمەتەدا لەلایەن کۆپتەرەکانی ڕژێمەوە شەهید کراوە
8ــ محەممەد سەعید فلامۆرز بەشداربوویەکی تری ئەو هەڵمەتەبووە دواتر لەلایەن ڕژێمەوە دەسگیرکراوە .
9ــ عومەر عەلی حسین دوای دەسگیرکردنی لەو ڕاپەڕینەدا دواتر لەلایەن ڕژێمەوە لە سێدارە دراوە .
10ــ مامۆستا حەمەعەلی شەفیق ڕۆڵێکی دییاری هەبووە .
11ـ شەهید قالە شێت ڕۆڵی سەرکردایەتی خۆپیشاندانەکەی بینیوە دواتر بە مین شەهید بووە .
122ــ مامۆ ستا عەبدولڕەحمان سدیق ڕۆڵی ئەم زۆر تایبەت و دیاربووە دواتر لەلایەن ئەمنەوە بڕیاری گرتنی بۆ دەرچووە .
وەک سەرەتا وتم لە هەمان ڕۆژی 111ی چواردا ڕژێم بە چڕی بە کۆپتەر بۆردوومانی ناو شاری کردووە بە وەش ڕژێم نەیتوانی بوو ئەنفالە ئازادبووەکان دەسگیر بکاتەوە .
چۆنێتی ئەو ڕاپەڕینەش بەووردی لەلایەن ڕادوێی دەنگی گەلی کوردستانەوە لە بناری قەندیلەوە بەدەنگی کاک فەرهاد سەنگاوی خونرایەوە .
ئەوکاتە خۆم کادیری بەشی هونەری ئەو ڕادوێیە بووم .
