ئەرێ خەڵک گەوجاندن بەس نیە؟
ئەرێ خەڵک گەوجاندن بەس نیە؟
دانا هەڵەبجەیی
لاهای 30/08/2016
ئەگەر ئاوڕێک لە میژووی سیاسی دوور و نزیکی کورد بدەینەوە، سەدان پاڵەوانی ناکورد و کوردی نەزانمان بەرچاو ئەکەوێت کە بوونەتە پاڵەوان و کورددۆست ودلسۆزی نەتەوەی کورد. لە کاتێکدا جگە لە زوڵم و زۆرداری و خەڵەفاندن، هیچی دەیکەیان بۆ کورد بە دیاری نەهێناوە،،.
جگە لە بێگانان، دەیان کوردی کوردزمانیش هەبوون کە خزمەتی سیاسیەتی ناکورد و دین و فەرهەنگی ناکوردییان کردووە، کەچی ئەمانیش بە پاڵەوان و سەرکردەی کورد ژمارد کراون کە تۆزقاڵێک سوودیان بۆ نەتەوەی کورد نەبووە،،،. ئەگینا ئەگەر ئەم بەدرۆبردنەی مێژوو نەبووایە، خۆ ئێستا ئەبوایە، هیچ نەبوایە دەوڵەتێکمان هەبووایە،،.
نمونەیەکی بەرچاو کە دەیان ساڵە بە نووسین و لە تۆڕە کۆمەڵایەتییەکان دەبنیرێت، ئەم سەرهەنگە تورکمانەی سوپای عێراقە (ئایدن مستەفا حەمید) کە فرۆکەوانێکی هێزی فرۆکەوانی عێراق بوو، کە وەک پاڵەوانێک بە کوردیان ناساندبوو کە گوایە ئەم کابرایە فەرمانی بۆردومانی کیمیایی هەڵەبجە پەرچ داوەتەوە و بەرهەڵستی کردووە کە هەستێت بە بۆردومانی هەڵەبجە، وە پاشان سەددام حسێن یەکسەر فەرمانی لە سێدارەدانی بۆ دەرکردووە.
ئەم چیرۆکە زۆر بە پلان لە تۆڕە کۆمەڵایتیەکاند ا و بە وێنەی خۆیەوە بڵاو کرایەوە و تەنانەت خەڵک وەک قارەمانێک و شەهیدێکی کورد تەنانەت هەڵەبجەش ئەژماریان دەکرد.( ئیتر بۆ ئەوە وایان کردبوو کە خانەنشینییەکی کوردیشی بۆ مسۆگەر بکەن )، ئەوەیان خۆیان دەزانن.
من و هەندێک برادەر قەد ئەمەمان نەئەچووە عەقڵەوە کە کەسێک لە ڕێچکەی فرۆکەوانی مەدەنی و سەربازی عێراق کار بکات و پلەی عەقیدی هەبێت، ئەگەر بە دەیان فیلتەری بەعس و موخابەراتی سەددامدا دەرنەچووبێت،، وە پاشان ئەم تورکمان بوو، ئەوە دووجار لە عەربێکی سوونە زیاترخراوەتە ژێر میکرۆسکۆپی دەزگا سیخوڕییە سەربازییەکانەوە. ئەوسا ئەوەندە دڵسۆزی بەعس بووە، هەر بۆیە توانیویەتی لەو بوارەدا کاربکات. کەواتە بۆیە ئەم چیرۆکەمان لا شایانی پەسەندکردن نەبوو ،،.
بەهەر حاڵ کورد هەر وا بووە و هەر واش ئەمێنێتەوە بە دڵسافی و خۆشباوەڕی،،هەر وەک ئێستا کە ئەیبینین کە چەندە بێگانەمان لا گرنگە تا خۆمان.
لە پەیچی سوپای کۆنی عێراق، کە سەدان دۆکومێنتی تێدایە و بەعسییەکان بەڕێوەی ئەبەن، وێنە و چیرۆکی کوشتنی عەقید(ئایدن مستەفا حەمید) دەکات وەک شەهیدێکی ڕێبازی سەرۆک سەددام ناوزەندی دەکەن. وە باسی ئەوش کراوە لە ناوچەی سلێمانی لە فەرمانێکی سوپایی خۆیدا، فرۆکە کەیان بە دەستی دوژمنان خراوەتە خوارە.
هەر بۆیە تکایە چی دی با ئەوەندە بێگانە پەرست و خۆبەکەم زان و خۆشباوەڕ نەبین، ئەگەر سیاسییەکان و بازرگانانی کوردواڵە فرۆش، لەبەر بەرژەوەندی خۆیان، هەمیشە لە چەمینەوەدان، بەڵام خۆ لاوان و پاکان و ڕۆشنبیرە پاقژەکان، ئەتوانن ڕاستییەەکان بخەنە ڕوو،. بۆ ئەوەی چی دی مێژوو نەدرۆت و نەدۆڕێت،، پێوستە سەر لەنوێ چاو بە و هەموو ناهەقییە بخشێنرێت کە بەسەر مێژووی دوور و نزیکی نەتەوەکەماندا کراوە،،،.
ئەوەی خوارەوە لیینکی ئەو پەیچانەیە کە باسی شەهید ئایدن مستەفا حەمید دەکەن:
رقمي التقاعدي هو : 1131455010
https://www.facebook.com/Armyofiraq/photos/a.649611295106774.1073741846.503899163011322/1032557453478821/?type=3&theater
https://www.facebook.com/Armyofiraq/
http://www.alkhaledoon.com/showthread.php?t=39155
http://www.tanisturkmen.nl/index.php?
sub=news&oi=15865&lang=ar&page=1
هەموو کەس و دەزگایەک ئازادن لە بڵاوکردنەوەی ئەم بابەتە.
