سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
جومعە كەریم: ئەوكاتەی چاڵەكانم بینی قسەی شێخی عەشیرەتەکەم بیركەوتەوە،كە ووتی: بەشەو لەلای گۆرەكان ئیش بكەن.
جومعە كەریم محمەد:
ئەوكاتەی چاڵەكانم بینی قسەی شێخی عەشیرەتەکەم بیركەوتەوە،كە ووتی: بەشەو لەلای گۆرەكان ئیش بكەن.
دیمانە: عومەر محەمەد
دیمانە لەگەلدا کراو جومعە كەریم محمد.
شوێن : کفری کۆمەڵەی روناکبیری .
کات : ١١ی شەو .
ڕێکەوتی ١٣ /١/٢٠١١
جومعە كەریم محمد دانیشتووی شاری دوزخورماتووە، ئێستا مامۆستای بەشی هونەری شێوەكارییە لە پەیمانگای هونەرەجوانەكانی شاری كفری، ئەوكاتەی تیمێك لە فیلمی (من بەکرێگیراوی سپیم) چووینە شاری كفری ئێوارەیەك بەرێكەوت مامۆستا جومعەم ناسی، دوای ئەوەی كەوتینە گفتوگۆ لەمەر تاوانەكانی ئەنفال ئەو وتی: من تۆ دەناسم‌و گۆڤاری ئەنفالستانیشم خوێندووەتەوە، لەناو قسەو باسەكەماندا سەرەداوی دۆسێیەکی زۆرگرنگی پیشاندام ئەو باسی لە دۆزینەوەی ئەو گۆڕە بەکۆمەڵەی زنجیرە چیای حەمرین كرد كە بۆ خۆی دۆزیوێتیەوە. ئەمە بۆمن گەوهەرێک بوو بەڵام ئەو زۆر بەسادەو ساکاری باسی کرد، چونکە دیارە ئەو پێشتر هەموو زانیارییەکی بەخشیبووە لایەنە پەیوەندیدارەکان گوێیان پێنەدابوو بۆیە ئەویش بێ ئومێد بوو لەهەموو هەوڵێک .
مامۆستا جومعە لە ساڵانی ١٩٩٤-١٩٩٥ دا خوێندكاری زانكۆی بەغدا بوو، بەڵام هاوینان بۆ پەیداكردنی بژێوی و دەستخستنی بڕێک پارە بۆ تەواوکردنی خوێندنەکەی پێویستی بەوە بوو كارێك بكات هەتا خەرجی خوێندنەكەی دەستەبەر بكات،لە پشووی هاوینی ئەوساڵانەدا بووەتە سایەقی دەراسە،لە كێڵگە كشتوكاڵیەكانی ناوچەی تكریت،لەبەر ئەوەی ماڵی مامی شەریكی كابرایەكی عەرەبوون و پێکەوە ماشێنێکی دروێنە(دراسە)یەکیان کڕی بوو، لە ناو کێڵگەیەکی گەنمدا لەکاتی درەوکردندا هەستی كردووە كە ئەو ناوچەیەی دروێنەی تێدا دەكات چاڵی نامۆ دەبینێت. لەکاتێکدا بیر لەم چاڵە نامۆیانە دەکاتەوە قسەیەکی کابرای عەرەبی بیردەکەوێتەوە کەدەڵێت شەو لای قەبرەکان دروبکەن، دوای بە دواداچون بۆی دەركەوتووە كە ئەو شوێنە گۆڕی بەكۆمەڵی تێدایە، جومەعەش كە وەك هەركەسێكی دوزخورماتوو كەسوكاری ئەنفالكراوەو هەتا ئەوكاتەش بێسەروشوێن بوون، دەكەوێتە پرسیاركردن هەتا دەگاتە دڵنیایی. بۆئەوەی چۆنێتی دۆزینەوەی ئەوگۆڕانە بزانین ئەم دیدارەم لەگەڵدا سازكرد.
MEDION Digital Camera
