سهردێرهكان
- تاوانی ئەنفال بۆ نەوەکانت بگێڕەوە! با گۆپتەپە دووبارە نەبێتەوە… سروە نوری ئەزیز
- عەجاج وەک ئایشمان ………………..سەیوان محەمەد
- لە سێدارەدانی عەجاج و لە گۆڕنانی دۆسێی جێنۆساید ……………………………هۆمەر محەمەد
- خراپەکاریی سادەکردنەوە: ستراتیژی سادەکردنەوەی تاوانەکانی جینۆساید لای دەستەبژێری سیاسی کورد. ……………….. ئیبراهیم سادق مەلازادە
- عجاج التكريتي بين عقوبة الدنيا وحساب الآخرة. د. سەربەست نادرعبدول
کتێبی تاقانەکانی جینۆساید چاپ وبلاوکرایەوە
کتێبی تاقانەکانی جینۆساید چاپ وبلاوکرایەوە
نووسەو ڕۆژنامەنووس (ئیسماعیل ھەنارەیی )کە ماوەی دوو ساڵە سەرقاڵی نووسینی کتێبێکی تاقانەکانی جینۆسایدە خۆشبەختانە کارەگرنگەکەی کەوتە بەردیدەی خوێنەران و کتێبەکە لەچاپ دەرچوو، بۆ ئەنجامدانی کارەکەی رۆژنامەنوس سەرانسەری کوردستان گەڕاوەو سەری بەماڵی هەموو تاقانەکاندا کردووەو دیمانەی لەگەڵداسازکردوون، چیرۆکی ژیانیانی نووسیوەو ئامارێکی گشتیشی بۆ کردوون ولە کتیبەکەیدا خراوەتەوە روو.
کتێبی (تاقانەگانی جینۆساید لە کوردستان ) بێکەم و کوڕی نیە، بەڵام لەرادەبەدەر گرنگە، گرنگیەکەش تەنها لەوەدانیە کەوا قەبارەی کتێبەکە (٧٠٠)لاپەڕەیەو تیایدا ئامارێکی تەواوی تاقانەکانی تاوانی جینۆسایدی کردووە ( ئەنفال ، کیمیابارانی ھەڵەبجە، جینۆسایدی بارزانیەکان). بەڵکو لەوەدایە نیازو خواستی تاقانەکان و ژمارەی کەسە لەدەست چووەکانیشی تیدا چاپ و بڵاوکراوەتەوە.
ئەگەرچی پێشتریش کاری باش لەبارەی تاقانەکانەوە کراوەو هیچ کام لەوکارانەی پێشتر لە سودبەدەرنین بەڵام گرنگی کتیبەکەی هەنارەیی لەوەدایە کەوا یەکەمین هەوڵی نوسراوە کە تاقانەکان لە ناوکتێبێکدا کۆبکرێنەوە.
کەم وکوری کتێبەکە لەکەمتەرخەمی نوسەرەکەیدا نیە، بەڵکو لەگەورەیی تاوانەکەدایە کە بەداخەوە کورد هێشتا پەی پێ نەبردووە، تەنانەت خودی تاقانەکانیش هەستیان بەگەورەیی و پێگەی خۆیان لە دوای ئەنفال نەکردووە، یەکێک لە خاڵە لاوازەکانی کتێبەکە ئەوەیە کە سەرجەم تاقانەکانی کوردستان کوردستان لە سەربنەمای، یاسای ژمارە ١٤ی ساڵی ٢٠١٥ی تایبەت بە تاقانەکان کە لە پەرلەمانی کوردستان دەرچووە، پۆلێنکراون چونکە خودی یاساکە کەموموری زۆری تیدایە، هەرگیز بەقەد هیچ یەکێک لەو کارانەی پێشترو نوسەری کتێبەکە بەدواداچونی لەلایەن پەرلەمانتارانەوە بۆ نەکراوە هەر بۆیە یاساکەش عەیبدارەو پرەلە کەلێن و کەموکوری کەواتە یاساکە لەکتێبەکە گرنگترو گەورەترنیە هەتا شایانی پشت پێ بەستن بێت .
بەراستی کارێکی گرنگ دەبوو، کەوا لەبری (دەزگای خێرخوازی بارزانی ) خودی تاقانەکان لە موچەی ئەنفالکراوەکانیان ئەم ئەرکەیان بگرتایەتە ئەستۆ. هەڵبەت دەزگای خێرخوازی بارزانی وهەردەزگایەکی تریش ئەرکیانەو لەچاپدانەکەشیان جیگەی دەستخۆشی و پێزانینە، بەڵام لەروی واتاو نەبەزینەوە هەم بۆکتێبەکەو هەم بۆ خودی تاقانەکانیش واجوانتر دەبوو.
ئەگەرچی کتێبەکە ئیستا لەبەردەستدایەو لەچاپ دەرچووە بەڵام بڵاوکردنەوەی دەکەوێتە یادی ١٦-٣ ی ساڵی ٢٠١٧ کە یادی کیمیابارانی ھەلەبجە یە، هەروەها لە رۆژی ١٤-٤ کە یادی تاوانی ئەنفالە کتێبەکە بە مەراسیمیک بۆڕێزلێنان لە قوربانی تاقانەکان دابەش دەکرێت .
بەپێی ئاماری ناوکتێبەکەی هەنارەیی لە هەرێمی كوردستان (169) تاقانەی جینۆسایدی ئەنفالو كیمیاباران هەن،بەداخەوە لەناویاندا پێنج كەسیان لە ژیاندا نەماون، ١٦٥ کەسیان موسوڵمان و سێ كەسیشیان مەسیحین. خۆشبەختانە ئێستا زۆرینەی تاقانە دەربازبووەکان هاوسەرگیریان کردووەو دایک وباوکن و لەتەنیایی وبێکەسی رزگاریان بووە. ئەوەی جێگەی رەخنەیە لەحکومەت وکۆمەڵگاو تاقانەکانیش زۆربەیان پێشمەرگەن کەدەبوو ئەوانە هەرگیز لەچەک و چەکداری نزیک نەبوونایە.
ماڵپەرو پەیجی ئەنفالستان
١١/١٠/٢٠١٧ – سلیمانی
