سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
خانەودەیەکی ئەنفال دەرکرا
خانەودەیەکی ئەنفال دەرکرا
وەرن با ئینسان بین .. هەریەکەمان دەتوانین هاوکاربین ئەوە جوانترین بەرپەرچدانەوەی نادادپەروەرییە .. فەرموون بابزانین چیمان پێدەکرێت ؟
لە پۆستێکیدا بیستون ژاڵەیی کردنەدەرەوەی ماڵی كه‌سوكاری ئه‌نفالکراوێكی کردووەته خەم کە له گه‌ڕه‌كێكی شاری كه‌لار به‌م گەرمایەی گەرمیان و چله‌ی ته‌موزه، به‌هۆی ئەوەی كرێی نه‌داوه‌ته خاوەنی خانووەکە ئەویش لەبەرانبەردا دەری کردوون و شڕوشیتاڵی فڕێ داوه‌ته ناوكۆڵان، خانەوادەی دەرکراو ژن وپیاوێکی هەژارو دوو منداڵن .
بیستوون نوسیوێتی من هه‌ر له سبه‌ینێوه پشت به‌خوا به‌هاوكاری خێرخوازان به دوای كه‌یسی ئه‌م پیاوه‌دا ده‌ڕۆم وكارێكی بۆ ده‌كه‌م، جارێ نازانین بیستوون چی پێدەکرێ و چی بۆ دەکات به‌ڵام هەرچۆنێک بێت هەنگاوێکی گرنگ و کردەییە، نەک قسەی بێکردار، بێگومان داخی ئه‌م تراژیدیا ئینسانیانه چەندە گرانن، داخی سەرۆک و حکومەت و حزب و ڕێکخراوەکان گرانترە، ئەم رەوشەی بەرهەمهێنەری دەیان چیرۆکی هاوشێوەیە هەر حکومەت وبەرپرسەکانی نەیان خوڵقاندووە بەڵکو ئەوانەش خوڵقێنەرن کە پشتیوانی ئەو جۆرە لە حوکمرانی دەکەن . ئێمە هێشتا نازانین کابرای خاوەن خانوو کێیەو چ کارەیە، نازانین کەسی دەرکراو کێیە، کەسوکاری ئەنفالکراوە یان خەڵکی گەرمیانی ئەنفاکراوە ئایا هەربەراستی توانای پێدانی کرێ خانووەکەی نیە، یان دەیەوێت بێ موچەیی بکاتە بەهانە ؟ پرسیار لێرەدا ئەوەیە ئایا کەسوکاری ئەنفالکراو ماوە لەگەرمیان خاوەنی خانوو زەوی نەبێت ؟ ئەی خاوەن خانوو ئەویش هەر قوربانیەکی ئەنفالەو هەژارە یان پولەکیەکی بێ هەست ؟! هەرچۆنێک بێت ئه‌مه‌حاڵی هاوڵاتیانە، به ده‌ست ده‌سه‌ڵاتێكه‌وه كه به‌رهه‌می خوێن و قوربانیدانی ئه‌وانه ، له‌لایه‌كی تریشه‌وه ئاماژه‌یە بۆ بێباکی و دڵڕه‌قی هاوڵاتی وهاوشاری و ئەوانەی دەیانەوێ لەسەر دۆسێی ئەنفال گەشت وگوزار بکەن . مرۆڤ دەناسم قسەی گەورە لەگۆڕانکاری دەکات بەڵام جگەلەباخەکەی سیتەکی هەر لەناوشاری سلێمانی سێ خانووی هەیە تەنها بۆ ژیانی تایبەتی خۆی، بێگومان لەکەلاریش هەیە، دەڵێن سەرۆک فرۆکەکەی بایی ١٩ ملیون دۆلارە ! دکتۆرێک لە کۆمێنتدا بۆ بیستوونی نوسیوە : لاحول ولا قوە الا بالله ، زۆر بەداخەوە
زۆربەیان جنێویان بە حکومەت داوە، زۆربەیان تەنها ئەوەندەیان نوسیوە: به‌داخه‌وه !
بەڵام هەندێک کۆمێنتی بەجێش نوسراون بۆنمونە یەکێک نوسیوێتی : ” دەوڵەمەندە حاجیە پارەپەرستەکان بۆ پارە هیچ ویژدانیان نییە …خاوەن خانوو لەوەیە حەجی کردبێ و دووسێ عەمرەشی کردبێ ،بەڕاستی شەرم لەمرۆڤ بونی خۆم ئەکەم یەکێکی تریش نوسیوێتی: باش وایە پرسیارێک لە ڕابردوی بکرێت نەوەک دەنگی بە نەوت دزەکان دابێت، جائەگەر لەوانەبیت کە دەنگی بەدزان داوە ئەوا خاوەن ماڵ سەدجار دەستی خۆش بیت !!ئەم دڵرەقییە شایانی رەتکردنەوەیە، گریمان باوک ودایک دەنگیان بە گەندەڵی داوەو ئێستا باجی ناهۆشیاری خۆیان دەدەن بەڵام منداڵەکانی گوناهیان چییە ؟ ئیدی کەس پشتیوانی لەبێستون ژاڵەیی ناکات وکەس نەینوسیوە سبەی منیش لەگەڵتدا دەبم بۆ چارەسەری کێشەی ئەو خانەوادەیە بەگشتی نوسیویانە : خواپایەدارت بکات، سەرکەوتو بیت و خوا پشت و پەنات بێت تەنانەت نەیان نوسیوە خواپشت وپەنای هەژاران بێت ؟!
وێنەکە خانەوادە دەرکراوەکەیەو دڵشاد نامیق چرکاندوویەتی
