ئاگاداری
ئاگاداری بۆ خوێنەرا
ن ونوسەران و هەر بەرێزێکی تر کە بابەت بۆساڵنامەو ماڵپەڕی ئەنفالستان دەنێرێت، تکایە ڕەچاوی ئەم خاڵانەی خوارەوە بکەن بەپێجەوانەوە دەرفەتی بڵاوکردنەوەی بابەتەکانتان کەم دەبێتەوە :
- نوسینەکانتان بەفۆنتی یونی کورد نوسرابێت و خاڵبەندو هەڵەبڕ کرابن، دوا تێکستی پاکنوسکراومان بۆ بنێرن .
- جگەلە بابەتی تایبەت (بەجینۆساید) ئەنفالستان بابەتی تربڵاوناکاتەوە.
- ئەگەر بابەتەکانتان پێشتر لە شوێنێکی تر بڵاوکرابووەوە لە ئەنفالستاندا بڵاوناکرێتەوە مەگەر بابەتێکی تایبەت بێت، لەوەها حاڵێکیشدا پێویستە بنوسرێت لەچ شوێنێکی تر بڵاوکراوەتەوە .
- ئەنفالستان هیچ بابەتێک بڵاو ناکاتەوە نابابەتی بێت و هێرشی بۆسەر کەسایەتی ترو ئەوانی دی تێدابێت و کەرامەت شکێن و ڕوشێنەربێت. چونکە پێمانوایە باشترین ڕێزگرتن لە قوربانیانی جینۆساید رێزگرتنە لەکەرامەت وبێرورای ئەوانی دی .
- هیچ کۆنە بەعسیەک مافی ئەوەی نیە بابەت لەئەنفالستاندا بڵاوبکاتەوە، هەرکەسێکی لەو شیوەیە هەتا ئەوکاتە بابەتەکەی پاریزراوە کە لەگوماندا ماوەتەوەو بەڵگەی سەلمێنەر لەبەردەستدانەبێ، دوای ساغ بوونەوەی بەعسی بوونی هەر کەسێک بابەتەکانی لە ئەنفالستان بلۆک دەکرێن .
- خوازیارین دەستەواژەی کارەسات بۆناسینەوەی تاوانەکان لە نوسینەکانتان لابەرن و خۆتانی لێ بپاریزن بەپێچەوانەوە لە ئەنفالستاندا لادەبرێن، لەبەرئەوەی بڕوامان وایە هەموو تاوانێک کارەسات دەخوڵقێنێ بەڵام مەرج نیە هەمووکارەساتێک تاوان بێت. بەواتایەکی تر هەموو کارەساتێک قوربانی هەیە، بەلام جەلادو تاوانباری نیە . بۆیە دەشێت هەر روداوێکی سروشتی بەکارەسات ناوبەرین وەک لافاوو بومەلەرەزەو ئاگرکەوتنەوە . بەڵام تاوان خەسڵەتەکانی جیاوازن فاکتەرو ئەنجامدەرانی شایانی لێپێچینەوەو سزادانن .
- ئەنفالستان پێشگری “پاشماوە” بۆ مرۆڤ بەتایبەتیش بۆ کەسوکاری ئەنفال بە نارەوا دەزانێت، خوازیارین نوسەران و چالاکوانانی مافی مرۆڤ خۆیان لەو زمانە هەژارە بپارێزن، بەپێچەوانەوە لە ئەنفالستاندا (پاشماوەی ئەنفال) لادەبرێت و لەبری وشەی شایستە دادەنێت ، بۆیە پێویستە نوسەرانی ئەنفالستان بەزمانێکی شایستە لەگەڵ کەسوکاری ئەنفالکراوان بنوسن و بدوێن .
- هەموو نوسەرێک بەرپرسیارێتی یاسایی بابەتەکەی لە ئەستۆ دەگرێت وئەنفالستان لێی بەرپرسیارنیە.
3 ساڵ ago