سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
چیرۆکی گوندی گرێ پان – عەزیز شەریف
چیرۆکی گوندی گرێ پان
عەزیز شەریف
گرێ پان گوندێک کە چیرۆکی تاڵی ئەنفال و تعریب و تەبعیس دەگێڕێتەوە. گوندی گرێ پان گوندی ئێزیدیانە لە ناوچەی فایدە لەسنوی پارێزگەی موسڵ. لە ساڵی 1978 لەگەڵ 6 گوندی دی بەر شاڵاوی ڕاگواستن،کەوت. خەڵکی گوندەکان بۆدەوروبەری شاری موسڵ ڕادەگوێزرێن.لە جێگەی گوندی گرێ پان کۆمەڵگە(مجمع)ی آبوفراس حمدانی لێ دروست دەکرێت . کۆمەڵگەیەک بە هەموو پێداویستیەکانی سەردەمەوە .لەدوای تەوابوونی کۆمەڵگەکە، خانوەکان بەسەر 3000 خێزانی عەرەب زماندا دەبەش دەکرێن. تاڕۆژی ڕاپەرینی بەهاری 1991 لەلایەن خەڵکی ڕاپەڕیوی ئێزیدیانەوە دەست بەسەر کۆمەڵگەکەدا دەگیرێت و عەرەب زمانە هاوردەکان وەدەر دەنێن.
خەڵکی ڕاپەڕیوی ئێزیدیان بەنیاز بوون لە قەرەبووی وێرانکردن و وەدەرنانیان لەسەرعەرد و ماڵ و ژیانیان 
دەست بەسەر کۆمەڵگەکەدا بگرن. بەڵام چەکدارەکانی بەرەی کوردستانی هەر لەیەکەم هەنگاودا (چەتە) ئاسا ڕێگری لە ئێزیدیان دەکەن و پێیان دەڵێن: کە کۆمەڵگەکە موڵکی شۆڕشەو کەس بۆی نیە بچێتە ناوی. لەڕۆژانی دواتردا چەتە ئاسا هەر ڕۆژەی دەکەونە ڕووتانەوەی بەشێکی کۆمەڵگەکەو لەکۆتایی دا تەنها خۆڵ و خاشاک لەکۆمەڵگەکە دەمێنێتەوە. لە25 ساڵی ڕابردوودا جگەلە چەتەیەک شتێکی تر نەبوون .
٭ چەتە بەکۆمەڵێک کەس دەوترێت کە ئامانجیان تاڵانی و ڕوتاندنەوەی ئەو گوندو جێگایانە بووە کەداویانە بەسەراندا. بەرەی کوردستانی لە ڕۆژی ڕاپەڕینی خەڵکی کوردستانەوە تا بەئەمڕۆ دەگات بەهەرچی گەیشتوون تاڵانیان کردوە.هەربۆیە بەچەتە ناوم هێناون. سەرنجێکی تر کە دەبێت لێرەدا باسی بکەم ئەمەیە کە تەواوی چیرۆکەکەم لەزاری یەکێک لە هەڤاڵە ئێزیدیەکانمەوە وەرگرتوە .بەخاتری سەلامەتی گیانی ئەو لێرەدا ناوەکەیم نەنوسیوەو ناوی چەتەشم هەر لەسەر زاری ئەوەوە نوسیوە.
