سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
عەزیزە جەرجیس عەبدللە: مەزنترین وەحشیەت دنا ڤ كەلها (سەلامیێ)دا د دەرحەقا ژنكا دا دهاتە ئەنجام دان
عەزیزە جەرجیس عەبدللە:
مەزنترین وەحشیەت،دنا ڤ كەلها (سەلامیێ)دا د دەرحەقا ژنكا دا دهاتە ئەنجام دان
MEDION Digital Camera
ئەڤ چیرۆكا ژكتیبا ئەنفالا بەهدینان وەرگرتیە ژ نڤیسینا (عەلی بەندی) كا چا (عەزیزە جەرجیس عەبدللە) باسی حالی خۆدكەت ژڕۆژا ئەنفالی‌و ژبندەستێن جەندرمێن بەعسییادا
دەڤەرا بەرێ گارەی ئیك ژوان دەڤەرابوو یێن ب بەر مەزنترین هەوین ئەنفالا (1988)ێ كەفتی‌و مەزنترین تاوان دەرهەقێ خەڵكی دەڤەری دا هاتینە ئەنجام دان.
ل هاڤینا 1988ئیڤارێكا درەنگ,خەڵكی گوندی مە (سپیندارا خەلفو)ب عەرز‌وعەیال ڤەل قەسیلا پەری گوندی خرڤەبون‌وهەمییا چارەنڤیسێ خو كرە ئیك كوژیكڤە نەبن, مان‌ونەمانا وان ب هەڤرابن, دوان دەمادا(محسنێ سالحێ سافیایێ) هەنارتە گوندی مە‌وگووت ب زویترن دەم گوندی بەردەن‌وكەس نەمینیتە تیدا,وژووردا ب خار بكەڤن ئەم یێ‌َ ل هیڤیا وە دا دەرباز بین هێشتا ئەم نەكەفتینە ناڤ دەست ولەپین دوژمنی ,زەلامەك دگەل مەدا هەبو دگوتنێ (غازی شێكی) جلكێ پیشمەرگا ل بەربوون,مال مال گەریا‌وگوت رژیمێ لیبوردنێدای دا خوب ئامیدیێ رابگەهینین وڤێ دەلێڤی ژ دەست نەدەین,هوسا كابرا ب بناڤ كولانا دهات‌ودچو ب خەلكی ڤە دما دا كەس كەس دەربازی سنورا نەبیت ,شەڤ تاریستانە ,تبل چاڤە ,ئەم ژگوندی ب گری‌وزوندك ڤە بخار كەفتین‌وگەهشتینە سەر سبەی دا دەرباز بین‌وبگەهینە بابێ‌َ محمدی ,مخابن هەمی لەمە هاتنە گرتن‌وئەم ژهەمی لاڤە دورپێچ بووین نەچار بووین مە گوتە وان ئەم یێن هاتین مە قەستا لیبوریینیا كری‌وخوتەسلیم بكەین ,ئەم هەمی رێز كری‌و پاشی وەكی پەزی راتەقاندی راهاڤیتینە دبوودیین ئوتومبیلا دا‌وئیناینە(كانێ) ل ویرێ ئەم گیرۆ نەبووین ئیكسەر ڤەگۆهاستینە ئامێدیێ‌ل وێری مەدیت زەلام ژمەجوودا كرن‌ودانە لایەكی وپیش چاڤین مە هلاڤێتنە بەر,ل ویرێ مە دیت (غازی شێخكی)ئەوی ل گوندی مە مال بەمال گەریای یێ راپیچایە چەك‌وساجوورێَن وی ب ملێ ڤەنە ودناڤ مەدا هەرێ‌تێت و دچیت ویێ بمە دكەنی و تەرانین خۆ بمە دكەت ,مەژنوی زانی كو كابرایێ خائینە ودوێڤەلانكێ بەعیسانە ئەوی ئەم مژول دكرین‌و ئێخستینە دڤی تورێَدا.
هوسا جحیلێن دەڤەرا بەرێ گارەی دانە رەخەكی‌وئەڤ حەشاماتێ مرۆڤا تێهنی‌وبرسی ستویێ وان ب سەرملادا خویل ببون, ل بەروێ تەعرە تاڤێ, رۆژا پاشتر سپێدێ زیلێن لەشكری ئینان‌وپێشمەرگەوجحێلێن دەڤەرێ دەستێن وان ب شویتكێن وان ڤەگرێدان‌وزەڵامێن سەرەژی جوداكرن, هوسا ئەم هەمی لە ئوتومبیلا سیاركرن وەكی هوڤا بەرێ مەدا دهوكێ, گەهاندینەقەدشێ كولان كولان ئەم گێراندین, خەلك بخورتی ئینیان پێشیامە, ل سەرسنگێ ژی وەكی فلیمێ سینەمایێ ب كولانا دا گێڕاندین‌و خەلك بەچاڤێ‌َ گریی بەرێ خۆ ددنە مە, واڕ واڕا زاروك‌وبچویكێن مەیە دڤان زیلادا, بڤێ ڕەنگی ئەم گەهاندینە دهۆكێ وداگرینە دكەلها نزاركێ دا, هەر دگەل گەهیشتنا مە هەرچوار پێنج سیخوڕ دابەزنە گەنجەكی‌و ل بەژنا وی پالەبن وبەرسینگێن وان گرن‌و پشت‌وپشت دا ل دیوارەكی دەن وسەرێ وان ب دیوارەكی ڤەهیلن, پرچكێن خوێن مەژی ب دەڤ و دفنا دا دهاتە خوار , هەوار هەوارا مە بچوكێن مە بەعەجاندن, ددەلیڤەكێ دا من سەرێ خۆچەماند دا وان دیمەنێن هوڤانە نەبینم من هند دیت حەیزەرانەك ب ناڤ ملێن من كەفت‌و من ئاگەه ژ خۆ نەما, من هند زانی كو كەزیێن من یێ دناڤ دەستێ هندەكادا ویێ من ل سەرپشتێ دخرینن, ئەڤ گەنجە سەر‌وسەر یێ ب ڤێ دیواری دكەڤن وب یێدی ڤە پەچریمە دكەن دەست‌و پێ لێ شكاندن‌و هاڤێتنە دسندوقێن پشتی ترومبیلادا, بەزنە هندەكێن دی‌و كەرێن بلوكاڤەوەشاندنە سەرێ وان‌و شەق شەقكرن‌وخیزە دەكرە ناڤ برینادا‌و گەلەكا گیانێ خۆ ژدەست دان, مەكرە هەوار‌وقیژی‌وبەخت بەختا مەیە, ئینا ل مەزڤرین‌وقەستا ناڤ ژنكا كركورتەكێن مەب دەستێن پیس‌وكوری ژبەر ئێمەدا ئینان خوارێ‌و گەلەك كچێن گەنج هێلانە ب تەنكاكراسی‌وسەركولكرن, پێش چاڤێن زەلاما دەستێ خو درێژ دكرە كچ‌وژنان, ناڤ پاخلێن وان پشتی چەند روژێن ڕەش‌وتەعل مەل ڤێ كەلهێ ب ڕەزالەتێ بوراندین, زیلێن لەشكری ئینان ئەم ژنك‌وعەرزوعەیال زیلا سیاركرین‌و مە نەزانی دێ مە كیڤە بەن, ژ دهۆكێ ئەم دركەفتین قارا قارا زاروكێن مەیە, ژبرسادا, دەیكێن ڕەبەن هشك‌وزوها ببون‌وئاگەه ژبچوكێن خۆنینە, ب وان برینا ڤەبەرێ مەدا باژێرێ مویسلێ وبەرێ مە كەفتە دەشتەكێ پاشی ئەم كرینە دسەربازگەهەكێ ڤە دەگوتنێ (سەلامیێ) جهێ ئێخسیرێن ئێرانی بوو, هەربەرێ سپێدێ دا ب قووتانێ مە ژحەو هشیار كەن وب بوستاڵا‌و حەیزەرانا ل تەنیشتێن ژنكا راوەستن, دابێژن ما ئەڤە ئوتێلە هوین خو درێژ دكەن, دا چاڤ كەنە كچێن جوان‌ونەشویكری ژمە جودا كەن, پرچێن وان ڕادكیشان‌و دڤیا ئێكێ دەنگ ژخۆ نەئینابا, پا چاڤ كربایێ دگەل خۆ دبر, رۆژەكێ كچەكا جوان ولایەق دگوتنێ (پورێ) نوكە ژی بویە دەیك‌وهەر هەیام هەیام ئەز دبینم, دەلێڤەكێ دەرگەهێ هۆلا مە ڤەبوو, ئینا پورێ قەستا من كرو گووت خالەت بۆ خاترا خودێ كا كورێ خۆ بدەف من دابكەمە دكۆشا خۆدا تا ئەڤ بەرازە ژناڤ مە دەركەڤن دا هزربكەن ئەز ژی دایكم, بەلكی بڤێ ڕیكی بەلا خو ژمن ڤەكەن‌و بێمە پاراستن, هوسا نەخۆشترین رۆژ دژیان مەدا مە ل سەلامیێ بوراندن, مەزنترین وەحشیەت دنا ڤ كەلها سەلامیێ دا ددەرحەقی ژنكا دا دهاتە ئەنجام دان, هوسا 18 رۆژ مە بڤی حالی بوراندن و ئەم ڤەگوهاستینە دناڤ ستری مەشكێن جەژنەكان دا.
