سهردێرهكان
- مفهوم الإبادة الجماعية بين النظرية الأكاديمية والتمييز قراءة نقدية لمنشورات الأمم المتحدة ………..هومر محمد
- مەترسی ئەنفالکردنەوەی ئەنفال دادگایکردنی عەجاج. …………..ئیبراهیم شێخ وەسانی
- تاوانی ئەنفال بۆ نەوەکانت بگێڕەوە! با گۆپتەپە دووبارە نەبێتەوە… سروە نوری ئەزیز
- عەجاج وەک ئایشمان ………………..سەیوان محەمەد
- لە سێدارەدانی عەجاج و لە گۆڕنانی دۆسێی جێنۆساید ……………………………هۆمەر محەمەد
ئەمەیان بۆخۆم
ئەمەیان بۆخۆم
عومەر محەمەد زیاد لەجارێک رێزلێنانی (ڕێکخراوەکان و زانکۆکان) و وەزارەتەکان، کە لە کۆنفرانس وکۆنگرەکاندا پێمبەخشراوە،هەرلەوێ لەسەرمینبەر بەپێشچاوی ئامادەبوانەوە، بەخشیومەتەوە بەکەسانێک کە لەخۆم بەشایستە ترم زانیون، لە ژنانی ئەنفالکراو دەربازبوانی کۆمەلکوژی ئەنفال، ئەمرۆش بەسوپاسێکی زۆرەوە لە یادی ئەنفالی گوندی جەلەمۆردوگوندەکانی دەوروبەری رێزلێنان وسوپاسنامەیەکی کەسوکاری ئەنفالکراوانم پێبەخشرا وبە شانازییەکی زۆرەوە وەرم گرت و بەپێشچاوی کامێراکانەوە خستمەسەر سەرم،بەڵام ئەمەیانم بەکەس نەبەخشی ، وتم نا ئەمەیان بۆخۆم.. چونکە شانازییەکی زیاترە لە هەموو ئەو خەڵات و رێزلێنانەی پێشتر پێمبەخشراوە.
بۆچی ؟ لەوانی تر زیاترە ؟ چونکە (ناسکە کاکە ئەمین محمد ) کە ژنێکی ئەنفالدیدەی جەلەمۆردیی بەنوێنەرایەتی خەڵکەکەی پێیان بەخشیم خەڵکی چی وچۆن (مام مەحمودو مام رەجەب، نەوەکانی مام بەکرو مام ئەفەندی و خەڵکە مەینەتبارەکەی گلناغاج و توتەقەڵ کە ئەنفال گورزی کوشندەی لێداون، کانی هەنجیرو گرد خەبەرو گوندەکانی دی هەریەکەیان بەدەیان مرۆڤیان ئەنفالکراون) بەڵێ ئەوان پێیان بەخشیم.
ئەو مرۆڤانەی لەجەلەمۆرد ماون ئەنفال خۆشەویستەکانی بردن و من خۆشەویستیەکی زۆر تایبەتم بۆیان هەیە، تەنانەت هەستێکی زۆر تایبەتم بۆیان هەیە لەبەرئەوەی ئەو خەڵکە دڵپاک ومیواندۆستە هێشتا کەم کەس و کەم رێکخراو گوێی لە ئازارەکانیان گرتووە.. !
باسی مام رەجەب و مام مەحمودم کرد، ئەوان دوو وێنەن لەستەمکاری رۆژگارو دڵرەقی ئەنفالچی، دوو مرۆڤن لە جەلەمۆرد 
بەقوڵی بەهەست ونەستمدا ڕۆچونەتە خوارەوە، ئەو دوو پیرە مێردەی ٢٨ ساڵە هاوژین ومنداڵەکانیان ئەنفالکراون و بەتەنیا دەژین .. بەڵێ تەنیاو تەنیایی . ئەمرۆ چەندە هەستم بە بونی خۆم کرد کاتێک بینیم جێگەی رەزامەندی ئەوانم .. من تەنها یەک قسەم هەیە هەتا ماوم لەخزمەتی کەسوکاری ئەنفالدا دەبم و هەتا لەخزمەتیشیاندا بم بێ فێڵ وبێ گزی وفزی دەمێنمەوە .. وەرن با یادی ئەنفال بکەینە کلیلی ئینساندۆستی و ژینگە دۆستی . وەرن با راستگۆو دڵپاک بین ویادەوەرییەکی هاوبەش دروست بکەین .
بەقوڵی بەهەست ونەستمدا ڕۆچونەتە خوارەوە، ئەو دوو پیرە مێردەی ٢٨ ساڵە هاوژین ومنداڵەکانیان ئەنفالکراون و بەتەنیا دەژین .. بەڵێ تەنیاو تەنیایی . ئەمرۆ چەندە هەستم بە بونی خۆم کرد کاتێک بینیم جێگەی رەزامەندی ئەوانم .. من تەنها یەک قسەم هەیە هەتا ماوم لەخزمەتی کەسوکاری ئەنفالدا دەبم و هەتا لەخزمەتیشیاندا بم بێ فێڵ وبێ گزی وفزی دەمێنمەوە .. وەرن با یادی ئەنفال بکەینە کلیلی ئینساندۆستی و ژینگە دۆستی . وەرن با راستگۆو دڵپاک بین ویادەوەرییەکی هاوبەش دروست بکەین .ئەمرۆ یادی ٢٨هەمین ساڵیادی تاوانی ئەنفالکردنی گوندی جەلەمۆردو گوندەکانی دەوروبەری بوو، کە لەمرۆدا ١٠ی ئایاری ساڵی ١٩٨٨ خەڵکێکی زۆری گوندەکانی دەوروبەری جەلەمۆرد لە دۆڵێکدا بەناوی بابەروشە لە نزیک گوندی جەلەمۆرد خۆیان شاردبووەوە بەڵام لەلایەن سوپاو جاشەوە گیران وئەنفالکران، کە تەنها لە گوندی جەلەمۆرد زیاتر لە ٤٠٠ کەس ئەنفالکران وجارێکی تر نەبینرانەوە.
سوپاس بۆ هاورێم سمکۆ سابیر کە لە گەرمیانەوە هاتبوو، بەکامێراکەی وێنەکانی گرتووە.
