سهردێرهكان
- بۆ هۆمەر محەمەدی گەورە و منەوەر ڕەوا هەژار
- جینۆسایدی گهلی کورد و گهلی توتسی ………………………………….. سروە نوری ئەزیز
- ئایدیاو چەمکسازی لە نێوان داهێنانی فیکری و بەرپرسیارێتیی زانستیدا……………… هۆمەر محەمەد
- کوردە فەیلییەکانی عێراق.. پێکهاتەیەکی ناوازە، کە لەژیر توندوتیژیدا پلیشاونتەوە پڕۆفیسۆر دکتۆر سەیار جەمیل
- لە پێناوی شکۆی پاڵەیی یاخود فەیلیەکاندا هەڵوەستەیەک لە بڕیای (٤٧٤) هۆمەر محەمەد
ڕێگریدەكرێت كچە وون بووە دۆزراوەكەی هەڵەبجە بگەرێتەوە كورستان
ڕێگریدەكرێت كچە وون بووە دۆزراوەكەی هەڵەبجە بگەرێتەوە كورستان
چیا تەیب یەكێكە لەمناڵە وون بوەكانی جینۆسایدی هەڵەبجە
وێستگە- كامەران كەریم
جێگری سەرۆكی كۆمەڵەی قوربانیانی كیمیابارانی هەڵەبجە ئاشكرایكرد “چیا تەیب یەكێك لەمناڵە وون بوەكانی جینۆسایدی هەڵەبجە كە لە 16 ی 3ی 2016، بەخێزانەكەی ئاشنا كرایەوە لە ئێستا سەردانی وڵاتی ئێرانی كردووە بۆتەواو كردنی كارەكانی، بەڵام لەلایەن مێردەكەیەوە رێگری لەگەرانەوەی دەكرێت بۆهەرێمی كوردستان”.
ئاراس عابید، جێگری سەرۆكی كۆمەڵەی قوربانیانی كیمیابارانی هەڵەبجە بە وێستگەی وت “دوای ئەوەی چیا تەیب لە 16ی 3ی 2016 بەخانەوادەكەی شاد كرایەوە و هەموومانی دڵخۆش كرد, ئێستا بەمەبەستی تەواوكردنی كارەكانی خۆی وگەڕانەوەی بۆ هەرێمی كوردستان سەردانی ئێرانی كردووە”.
وتیشی “بەڵام بەداخەوە لە گەرانەوەیان لە سنوری ئێران پێی ڕاگەیەنراوە كە ناوبراو لەلایەن مێردەكەیەوە سكاڵای لەسەر تۆماركراوەو ناتوانێت تا ساڵێكی تر بچێتەوە هەرێمی كوردستان”.
ئاماژەی بۆئەوەشكرد “هەرچەندە ئەمە زۆر هەڵدەگرێت، داواكارین هەرچی زووە هەموولایەك بێنە سەرخەت بەتایبەت ئەندامانی پەرلەمانی عێراق و لایەنی پەیوەندیدار بۆگەرانەوەی ئەم كچە بۆ زیدی باوباپیرانی بەرپرسیاریەتی ژیانی ئەم كچە لەئەستۆی بنەماڵەو حكومەتی ئێرانیەو دڵنیاین حكومەتی ئێران بەتەنگ ئەم كێشەیەوە دەچێت”.
رۆژی 16ی ئاداری 2016، لەمۆنۆمێنتی شەهیدان بەئامادەبونی وەزیری كاروباری شەهیدان و ئەنفالكراوانی حكومەتی هەرێم وبەرپرسانی حكومی وحیزبی و هاوڵاتیان و كەسوكاری شەهیدان، مەراسیمی ئاشكراكردنی ناسنامەی دوو منداڵی هەڵەبجە بەڕێوەچوو كە لە خانەوادەكانیان دابڕاون.
ئەو دوو منداڵە بەناوی بەرزان و ئەعزەم بوون،لە مەراسیمەكەدا ئالان تۆفیق حەمە عەلی ناسراو بە “بەرزان” بە خانەوادەكەی شادكرایەوە وناسنامەكەی ئاشكرا كرا، دواتریش چیا تەیب عەلی ناسراو بە “ئەعزەم” بە خانەوادەكەی شادبووەوە.
لە پەیجی کۆمەڵەی قوربانیانی کیمیابارانی هەڵەبجە وەرگیراوە
