سهردێرهكان
- تاوانی ئەنفال بۆ نەوەکانت بگێڕەوە! با گۆپتەپە دووبارە نەبێتەوە… سروە نوری ئەزیز
- عەجاج وەک ئایشمان ………………..سەیوان محەمەد
- لە سێدارەدانی عەجاج و لە گۆڕنانی دۆسێی جێنۆساید ……………………………هۆمەر محەمەد
- خراپەکاریی سادەکردنەوە: ستراتیژی سادەکردنەوەی تاوانەکانی جینۆساید لای دەستەبژێری سیاسی کورد. ……………….. ئیبراهیم سادق مەلازادە
- عجاج التكريتي بين عقوبة الدنيا وحساب الآخرة. د. سەربەست نادرعبدول
لەیادی ئەنفالدا شەرمەزارییەکانمان دەچنینەوە
لەیادی ئەنفالدا شەرمەزارییەکانمان دەچنینەوە
ئەو ئینسانانەی ٢٨ ساڵ پێش ئێستا لە سایەی دیکتاتۆریدا بە ئومێدی ئازادی ودیموکراسیەوە ئەنفالکران و لە بیابابانەکانی عێراقدا مردن، کەچی ئێمە لە (کوردستانی ئازاد..١)و (دەسەڵاتی دیموکراسیدا ..!) بەبێ ئومێدی دەژین و بە دڵساردیەوە یادیان دەکەینەوە .
لەسەرەتای نەوەدەکانەوە هەرزوو سیاسەتمەداری کورد، بە هاری هێنایە چۆکان و بە خۆشخەیاڵیەکی کوشندەوە بەرەو پیری پروپاگەندەی دیموکراسی و بەسەر چونی دنیای دکتاتۆرەکان. چوو، هەرزوو کەوتە بانگەشەکردن بۆ بۆ دیموکراسی بازاری ئازادو سیاسەتەکانی ئەمریکا بەبێ ئەوەی لە چارەنوسی ئەنفالکراوان ببپرسێتەوەو بەدوای (حصانە) پارێزبەندییەوە بێت بۆکوردی جینۆساید کراو، ئاخر لە دنیای دکتاتۆرەکاندا جینۆسایدی ( فەیلیەکان و بارزانیەکان و گازبارانی هەڵەبجەو لە دنیای بەناو دیموکراتیشدا جینۆسایدی ئێزدیەکان وشەنگال بەشی کورد بوو..!
بۆیە ئەگەر ئەمرۆ بمانەوێ گوزارشت لە مێژومان بکەین جگە لە چیرۆکی قوربانیەکان و دۆکۆمێنتی تراژیدیاکانمان چیمان بە جیهانی بڵێین. ؟ بەڵام ئەفسوس ..! لە سایەی دەسەڵاتی خۆماڵیدا لەماوەی چارەکە سەدەیەکدا لەمەشدا فەشەلمان هێناو لهنائومێدی زیاترمان نهچنیهوه. لەشەری ناخۆدا هەموو ئومێدێک کوژراو لە شەرمەزاری زیاتر بۆ کوردی مەینەتبار نەمایەوە .
من لە خستنە ڕوی بەڵگەنامەکانی ئەنفال و گازباراندا ناخوازم ئازارتان بدەم بەڵکو دەمەوێ له مهترسییەک ئاگادارتان بکهمهوه، چونکە بیرکردنەوەو ڕاچەنینێکمان پێویستە ئەگەر دادپەروەری بەدی نەهێنن ژیان وەک رابوردو لە مەترسیدایە.
دەبێت چالاکوانانی ئەنفال هێزوتوانای لێبوردەیی بن،دەزانم ههندێک دۆسێی ئەنفالیان خستووەتە خزمەتی خۆیانەوە و توانای بیرکردنهوه له کەسوکاری قوربانیان زهوت دهکهن و پڕیان دەکەن لە ڕق و دڵپیسی و توڕەیی، بهڵام بێ ئومێدیش نیم لەوەی کەسانێک هەن، خۆیان خستووەتە خزمەتیانەوەو بەدوای خۆشەویستی مرۆڤەوەن.
ئەمرۆ هاواری قوربانیەکان بۆ دادپەروەری و ژیانێکی شەرەفمەندانەیە، نەک بۆموچەو پارە، بایکۆتکردنی یادی ئەنفال واتای گەورە لەخۆدەگرێ و سیاسی کورد لێی تێناگات، هاواری دایکان بۆ بەهاناوە هاتنی ستهم لێکراوانە. بۆ دڵی هەلاهەلای ئەو کچ وکوڕە عاشقانه یە کە دکتاتۆریەت دڵی شکاندون ودیموکراسیەت ئاشتی نەکردونەتەوە، ئێمهش هەر بۆئهوه دەنوسین ولێکۆڵینەوە دهکهین چونکه له ژیان رازی نین، بهدوای ژیانێکی تردا دهگهڕێین، کە سەرۆک وسەرکردەکان جەلاد لە قوربانییان لەلا بەرێزتر نەبێ. کەس خۆی لە سەروی یاساوە نەبینێ و چیدی شکۆمەندی قوربانیان و هاوڵاتیان پێشێل نەکەن.. ئەگەرنا،ناچارین بڵێین هێشتا بەعسیزم و ئەنفال بەردەوامن. ئەمەش لەشەرمەزاریی زیاترمان پێنابەخشێ .
