سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
من وئەوانی دی
من وئەوانی دی
عومەر مەحەمەد
لە ساڵی ٢٠٠٤ ەوە زۆر کاتی خۆمم بۆلێکۆڵینەوەو بە دواداچونی تاوانی ئەنفال خەرج کردووە، خەرمانێکم لە بەڵگە کۆکردووەتەوەو زۆرم نوسیوە،چاوپیکەوتنم لەگەڵ قوربانیان و تەنانەت لەگەڵ تۆمەتبارانی ئەنفالیش کردووە، چەندین بیرۆکەی نوێم بۆهاتوون و لە رۆژنامەوماڵپەرەکان بلاوم کردوونەتەوە، هەرکەس داوای هاوکاری کردبێ دەستم بە ڕوییەوە نەناوە ،بەتایبەتی ئەوانەی بروانامەو نامەی ماستەرو بەکالۆریس و لێکۆڵینەوەکانیان دەربارەی تاوانی ئەنفال بووە، وەلێ ئەفسوس ! زۆرکەمیان ئەمەکی ئەوەیان هەبووە، بە دێرێکیش ئاماژە بەوهاوکارییانەم بدەن، هێندە ئەمەکیان نەبووە کەمن چۆن بەرەو پیریان چووم ئەوانیش هەر هێندە وەفاداربن زیاتر نا، ئێستا زۆرن دکتۆرن و دکتۆرەن لەبواری ئەنفال .. بەڵام دۆسێی ئەنفال هەر بێکەس وبێ سەواد ماوەتەوە! ماڵی ئەنفال هەروێرانەو مەیدانەکە هەرچۆڵ وهۆڵە، وەک بڵێی ئەم بەرێزانە تەنها بەمەرجی پلە بەرزکردنەوەو بوونە پەرلەمانتار، یان بۆ ناوهۆتێل و ریستۆرانت و کۆنگرە (بەناو زانستیەکان !) بڕوا نامەیان وەرگرتێ ؟! سەیر لەوەدایە هەر ئەوانەی دوێنێ گوێرایەڵی ئێمەومانان بوون ئەمرۆ بەنەخوێندەواروجاهیلمان دەزانن !
ئەفسوس ..! ئەمرۆ کۆی کایەی رۆشنبیری لە قەیرانێكی قوڵدایە بەڵام قەیرانی ئەخلاقی لەهەموویان مەترسیدارترە، كە درۆو خوارفەو ساختەکاری بووەتە هەرەشەیەکی گەورە، سیاسەتی حزبەکان بە (مۆڵەتداروبێ مۆڵەتەوە) زانکۆکانی بێ بەهاکردووەو ناوەندەکانی رۆشنبیری ناشیرینتر‌و ریسواتركردو مەیدانی بۆ خۆپەرست‌و هەلپەرست‌و ساختەكاران فەراهەم کرد. لەلای زانکۆو رۆشنبیران کارکردن بۆ دۆسێی ئەنفال نەک نەبووەتە خەم و خەون، بەڵکو بووەتە جۆرێک بەسوک تەماشاکردنیش، هەر بۆیە مەیدانی کارکردن بۆ (ئەنفال)یش لەو ساختەکاری وتەندەرلێدانە بەدەر نەیە، بەڵکو زۆر مەترسیدارترە .
من کە نەمویستووەو نامەوێ شەرمەندەی بەردەم منداڵەکانم و بەردەم ویژدانی خۆم بم و خۆم لەبەردەم قاپی بەرپرساندا ببینمەوە،هێشتا هەر بەردەوامم و پوش کۆدەکەمەوەو کەمترین کتێبم بەچاپ گەیشتوون، بەڵام بە کۆمەکی دەستەجەمعی هاورێ ودۆست ویارانم بەتایبەتیش کەسوکاری ئەنفالکراون ١١ ژمارەی گۆڤاری ئەنفالستانم بەچاپ گەیاندووەو ژمارەیەکیش وەزارەتی رۆشنبیری چاپی کردووە، من دڵسارد نیم لەوەی مادام ئەو دەرفەتەم بۆ نەرەخساوە یان هەر بۆم ناڕەخسێت تا بەری رەنج‌و شەونخوونیی چەند ساڵەم ببنە کتێب وچاپ بکرێن ئیدی دەستەوسان بم، نا بەدڵنیاییەوە رۆژێک هەردێت ئەو دەرفەتە بۆمنیش برەخسێ خۆ ئەگەر ڕۆژگاریش هەر بەعسیانە بەڕێوەچوو ئەوە چش لە بەری رەنج وشەونخونی منیش .. ئیدی هەتا ئەم بایە لەو کونەوە بێت با وابێت بەڵام پێشمخۆش نیەو ڕەواش نیە، کەس بەبێ ئیزنی خۆم لیرەو لەوێ هەستێ و بابەتم بەرێ و بەناوی خۆی لە ماڵپەڕەکان و لە ناو رۆژنامەو گۆڤاراندا یاخود لەکتێبی خۆیدا چاپ و بڵاویان بکاتەوە، هەتا ئەو رۆژەی منیش دەرفەتم بۆ هەڵدەکەوێ دیمانەو بەسەرکردنەوەکانم بیرۆکەو چیرۆک و نوسینەکانم لە چەند کتێبێکدا پشوویەك دەدەن. هەرکەس بابەت وبیرۆکەکانم دەبا گەردنی ئازاد بێت بەلام کەدەرفەتی چاپ وپلاوکردنەوەیان هەڵکەوت ئەوسا هی رەش وسپی دەردەکەون . کێ ماڵی کێی دزیوە .
