لە ڕۆژی جیهانی مافەكانی منداڵاندا لە گەرمیان پێشانگایەك بۆ منداڵانی ئەنفالکراودەكرێتەوە.
لە ڕۆژی جیهانی مافەكانی منداڵاندا لە گەرمیان پێشانگایەك بۆ منداڵانی ئەنفالکراودەكرێتەوە.
ئەنفالستان : رۆژی ٢٣ی تشرینی دووەم رۆژی جیهانی جاڕی گەردوونی مافەكانی منداڵان نوسینگەی مافی مرۆڤ لە گەرمیان، لەژێر ناونیشانی (یادی منداڵانی جیهان‌و تابلۆی پەپولە هەڵوەریوەكان لە ئەنفالی گەرمیاندا) پێشانگایەكی دۆکۆمێنتاری بۆ وێنەبەجێماوەکانی منداڵانی ئەنفالکراو دەکاتەوە.
ئامادکاری پێشانگاکە سمكۆ سابیر توێژەری بواری ئەنفال بە ماڵپەری ئەنفالستانی ڕاگەیاند ” لە میانەی گەڕانی بەردەوامدا توانیومە چەندین وێنەی ئەو کەسانە بەدەستبهێنم كە خۆیان ئەنفالكراون وتەنها وێنەکانیان بۆ مێژوو بەجێماوە، لەناو وێنەکاندا ژمارەیەكیان وێنەی ئەومنداڵانانەن كە ئەنفالكراون”. بۆیە بڕیارمدا لە ڕۆژی جاری گەردوونی مافەكانی منداڵ پێشانگایەك بۆ وێنەی ئەو منداڵانە بكەمەوە کە ئەنفالکراون ئامانجم ئەوەیە بیری نەوەی ئێستای بێنمەوە كە ئێمە نەك گەورەكانمان، بەڵكو مناڵە بێتاوانەكانیشمان ئەنفالکراون و لە بیابان زیندە بەچاڵكران”.
جێگەی ئاماژەیە کە سمکۆسابیر لەژمارەی ١١ی ئەنفالستاندا ئەم وێنەیەی بڵاوکردووەتەوە، کە لە گوندی وارانی لەلایەن (مامۆستا قادر)ی گوندی وارانییەوە بەردەستی کەوتووە، وێنەکە ساڵی 1986 گیراوە مامۆستا قادر سوێندی بۆ خواردووە كە چەندین دەزگاو رێكخراو داوای ئەو وێنەیەیان كردووە بەڵام پێیان نەداون، بەڵام پێشكەش بەخۆشەویستی وكاری خۆبەخشانەی ئێوەو گۆڤاری ئەنفالستان بێت..
