سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
عێراق..ئەندامانی فیرقەی حزبی بەعس دەباتەوە سەرکار .
عێراق..ئەندامانی فیرقەی حزبی بەعس دەباتەوە سەرکار .
ماڵپەری خەندان لە هەواڵێکیدا کە رۆژی ٢٤ی ئەیلولی ئەمساڵ بڵاوی کردووەتەوە، دەستەی باڵای نیشتمانی بۆ لێپرسینەوە ودادپەروەری، بە نووسراوی ژمارە ق.س.١٥/ ١٢٣٠٠ لە رێکەوتی ١٥ی ئەیلولی ٢٠١٥ ئاراستەی ئەنجومەنی باڵای دادوەری و نوسینگەی سەرۆکی ئەنجومەن و سەرجەم وەزارەت و نوسینگەکانیان و هەموو لایەن پەیوەندیدارەکان و پارێزگاكان ئەنجومەنی پاریزگاکانی کردووە، داوا دەکات مادەی (٦/ پێنجەم) جێبەجێ بکەن ! کە بریتیە لە گەڕاندنەوەی ئەندامانی فیرقە و سەروتری حزبی بەعسی (قەدەغەكراو!) بۆ سەركارەكانیان لە فەرمانگەكاندا.
نووسراوەکە کە ژمارە ق.س ١٥- ١٢٣٠٠ وەرگرتووەو لە ١٥ی ئەیلوولی ٢٠١٥ دەرچووە و دەستەی باڵای نیشتمانی بۆ لێپرسینەوە ودادپەروەری ئاراستەی ئەنجومەنی باڵای دادوەری عیراق و سەرجەم وەزارەت و پارێزگاكان و ئەنجومەنی پارێزگاكانی كردووە، تیایدا داوا دەكرێت دەقی مادەی (٦ / پێنجەم) لە یاسای لێپرسینەوە و دادپەروەری (المسائلە و العدالە) ژمارە (١٠) ی ساڵی ٢٠٠٨ جێبەجێ بكرێت.
نووسراوەكە ئاماژەی بە دەقی مادەكە كردووەو تیایدا هاتووە : (رێگە بدرێت بەسەرجەم فەرمانبەران جگە لە پلەی تایبەت ئەوانەی كە ئەندامی فیرقە یخود سەروترن، لە حزبی بەعس بگەڕێنەوە بۆ فەرمانگەكانیان و بەردەوام بن لەسەر ئەركەكانیان).
هەرچەندە ئاماژە دراوە كە رەچاوی دەقی مادەی (٧/ دووەم) بكرێت، کە بریتییە لەوەی سەرجەم ئەوانەی دەگەڕێنەوە بۆ سەر كارەكانیان داواكاری پێشكەش بكەن لەماوەی دیاری كراودا.
ئەم فەرمانە هەرچییەک بێت جگەلە بێ حورمەتی کردن بە یاساو مافی قوربانیان بەتایبەتیش کوردو شیعە هیچ خوێندنەوەیەکی تر هەڵناگرێت، راستە لە رابوردووەدا دادگای بالای تاوانەکانی عێراق و حکومەتی عێراق هەلنەستا بە دادگایی کردنی رژێمی سەدام بەڵکو بە دادگایی کردنی کەمینەیەک (چەند کەسێک لەسەرکردایەتی کردنی ئەو رژێمە) کۆتایی بە دۆسێکان هێناو هەموو ئەو پێشێلکاریانەی پیاوانی بەعس پێی هەستابوون فەرامۆش کرد، ئەمەش کۆسپێک بوو لەبەردەم گەشەسەندنی رەوشی مافی مرۆڤ لەعێراقدا، بە پێی ئەو نوسراوەبێت عێراق بەنیازە چاوپۆشی لە هەموو ئەو کەسانە بکات کە پێشتر لە ریزەکانی بەعسدا بوون چ ئەفسەروکارمەندانی ئاسایش و هەواڵگری چ ئەندامانی تیپەکان کە لەناوساوپاو ڕێکخراوەکانی حزبی بەعسدا رۆڵی خراپیان گێراوە لە پێشێلکارییەکانی مافی مرۆڤدا. حاشا هەلنەگرە ئەندامانی پۆل وتیپەکان ( عچو شعبە و فیرقە)ەکانی حزبی بەعس چەندە خراپەکاربوون دەرهەق بە هاوڵاتیان، مەگەر بەدەگمەن دەنا هەموویان دەستیان پیسە بە راپۆرت نوسین و جاسوسی کردن و زیندانی کردنی هاوڵاتیاندا و تۆمەتبارن بە بەشداریکردنی تاوانە گەورەکان “ کوشتنی بەئەنقەست، زیندانی کردن و لەسیدارەدان ، ئەتکردنی ژنان، تاوانی دژی مرۆڤایەتی و کۆمەلکوژی و تاوانی جەنگ) بۆیە ئەم نوسراوە لەگەڵ پەیماننامەی قەدەغەکردنی تاوانی جینۆساید ناکۆکەو دژ بە قوربانیانی تاوانی جینۆسایدو مافی زیانلێکەوتوانی عێراقە، ئەرکی حكومەتی عێراقە ڕێز لەمافی زیانلێکەوتوون بگرێت و پێش ئەوەی بڕیاری گەڕانەوەیان بدات بۆ وەزیفەكانیان، دەبێت لە دادگا دۆسێکانیان یەکلایی کربێتەوە، کە لە تاوانی دژ بەهاوڵاتیاندا بێگوناه دێنە دەرێ لە دوایی دادگایی كردنیان و دەركەوتنی بێتاوانیان مافی گەڕانەوەشیان بۆ سەروەزیفەكانیان رەوایە.
ئەرکی ئەندامانی پەرلەمانی عێراق و کوردستان و سەرۆكایەتیەکانی هەرێمی كوردستانە، بە سەرۆكایەتی پەرلەمانی كوردستان و سەرۆكایەتی ئەنجومەنی وەزیرانەوە، هەروەها ئەرکی رێكخراوەكانی كۆمەڵگای مەدەنی، بەتایبەتیش رێكخراوەكانی بواری بە ئەنفال و جینۆسایدە، لەم هەڵوێستەی دەستەی باڵای نیشتمانی بۆ لێپرسینەوە ودادپەروەری بێدەنگ نەبن و لە دژی ئەم بڕیارەی حكومەتی عێراق بوە
ستنەوەو رێگە نەدەن جێبەجێ بکرێت.
