سهردێرهكان
من ژنێک دەناسم ….ئاسۆ بیارەیی
من ژنێک دەناسم
شوین: دەروونی من ئەوانە، وێنای چاڵێکی بە کۆمەڵە و دەها مرۆڤی تیربارانکراوی تیایە
کات: سەرجەم لە چ
رکەکانی چاوەڕوانی مردنی وان پێکهاتووە.،،
قوربانییەکان، یەک دوو،،دەها،،،هەزارانن..
بەڵام من ژنێکم دەناسم، ئێستەش سۆراخی مێردەکەی دەکا، هەنوکە نازانێ کوێوە براوە، تەنها ئەوەیان پێ وتوە، کە بەهاری ساڵی ١٩٨٨ قەرەداغی بەجێهێشت و کە هات بە دیوی بناری سلێمانی، ئیدی کەس نازانێ لەگەڵ ئەو خەڵکەی، ڕوەو کوێندەرێ، ڕاپێچیان کردوە، ناوی (باریق)ێکیشی لەبیرە، کە سەرۆک سوپا بووە. خۆشم ئەو بنارەم دیوە، لەوێوە لە لوتکەی (میریاسی)*یەوە، سلێمانی، ئەو ڕۆژە،(٢٥-٣-١٩٨٨) خوێنی لێ دەباری..
یەکیکی دی دەزانم، تەنها ڕۆژێک دوای شەوی بوکێنی، چی دیدی دیداری شوەکەی نەدیتوە(گوندی عەبدوڵاوەری خوارو لە زەنگەنەی گەرمیان، مانگی پێنج ١٩٨٨) . ژنێکی تر، هەما چارەنوس، دەستی لە ژیان ششتوە و پێی وایە، مرۆڤایەتی واتە دڕندەیی، لە هەمان کاتدا، کە یاداشتەکانی من دەخوێنێتەوە، دەڵێ با ناوی ئەو دڕندانە ون نەبن، کە لەو دەڤەرەی ئێمە، کە چ گۆڕستانێکی دەروونی و جەستەییان بۆ سەدانی وەک من کردیە، (قادرکەرەم، ١٤ چواری ١٩٨٨)
خۆم
زۆرجار ڕوبارێ پەشیمانی بەمێشکمدا دێ ، کە چیتر یاداشت نەنوسمەوە، ئەوانەشی ههمن، لایان لێ نەکەمەوە، لێ ههموو جارێ، کۆمەڵێ وشەی خوێناوی دەبنە موروی ملوانکەی ئەو یاداشتانەم، ملوانکەیەک کە سەربازەکانی ئەنفال، لە ملی نازادارێکی گەرمێنەکەمیان راپسکاندوە، ئای چەند ههست بە ئازار دەکەم؟ ئازارێک کەجەستەی ئەوان پڕ برینە و بەلام گیانی منی تووشی خوێنبەرونێک کردووە. هەندێک کەس، بگرە زۆری دی، دەڵێن کارێکی دیت نیە، ئەوە رابردوو بوو، ئیدی ناوکی ببڕە و چۆن هاتوە با وا بڕوا..
کە نرکەی ئەو ئازارانە دەنووسمەوە، خۆم پێش، دەهای دی، دەتلێننەوە، حەزناکەم، خەڵکانی دیش، ئازار بکێشن، سەیرە ههندێ کەس، چێژیان لێ دەبینن، دوور نیە ئەوەش شیوازێکی وان بێ، بۆ ئارامکردنەوە و ڕەوانەوەی دەرونییان، کە چەندان ساڵە، وەک کانییەکی بن تلیشە بەردەێکی دوای سوتاندنی خاک، پریشی، لە فشاردا خواردبێتەوە.
تکایە ئەوەی ئازاری پێ دەگا خۆیانی لێ نەدا!
لە سەد هەسارەی یاداشتەکانەوە
١٩٨٨ و ٢٠٠٥
ئاسۆ بیارەیی
وینەکە ژنێکی دۆڵی جافایەتیە: ئەرشیڤ – ئەنفالستان
