سهردێرهكان
- تاوانی ئەنفال بۆ نەوەکانت بگێڕەوە! با گۆپتەپە دووبارە نەبێتەوە… سروە نوری ئەزیز
- عەجاج وەک ئایشمان ………………..سەیوان محەمەد
- لە سێدارەدانی عەجاج و لە گۆڕنانی دۆسێی جێنۆساید ……………………………هۆمەر محەمەد
- خراپەکاریی سادەکردنەوە: ستراتیژی سادەکردنەوەی تاوانەکانی جینۆساید لای دەستەبژێری سیاسی کورد. ……………….. ئیبراهیم سادق مەلازادە
- عجاج التكريتي بين عقوبة الدنيا وحساب الآخرة. د. سەربەست نادرعبدول
مامۆستا فەخرەدین تەوێڵەیی گیانی لەدەستدا .
مامۆستا فەخرەدین تەوێڵەیی گیانی لەدەستدا .
هەورامان عەلی .
دوێنێ ١١ مانگ ئێوارەکەی هەواڵی مەرگی لەناکاوی مامۆستا فەخرەدینی حاجی سلیمی تەوێڵەیی لە ناخەوە خەمباری کردم . ئەو جگە لەوەی مامۆستایەکی ئازادیخواز و کەسایەتیەکی چەپ و مرۆڤێکی سادە و پاك و ڕاستگۆ بوو ، هاوکات خزم و هاوڕێشم بوو . ئەو لە تاوانی کیمابارانەکەی هەڵەبجەدا دوو منداڵی گیانیان لەدەستدا و دوانی تریشی ون بوون.
دوو مانگ دوای خنکانی هەلەبجە ، لە ئۆردوگایی سنقری نزیك هەمەدان ، هات بۆ لامان و بەچاوی فرمێسکاویەوە بەشوێن منداڵەکانیدا دەگەڕا… بیست و حەوت ساڵ تێپەری و مامۆستا هەمیشە دەرگاکەی لەسەر گازەرەی پشبوو تا بەشکم ( ئاوین و ڕەنج ) بگەڕێنەوە … ساڵان تێپەرین و تەمی سپی سەراپایی ڕوخساری مامۆستایی تەنی و ئازیزان نەهاتنەوە!
دوێنی بەحەسرەتی گەڕانەوەی ئەوانەوە سەری نایەوە و ئاواتەکەی بردە ژێر گلی پیرۆزی ” باوا سەرەنگ”
مامۆستا ئەگەر ئازیزانت هاتنەوە، باسی گەورەیی تۆیان بۆ دەکەین و پێیان دەڵێن:
سەرتان بەرزە و شانازیەکی گەورەیە مامۆستا فەخرەدین باوکتان بوو….
یادت بەخێر مامۆستا گیان.
بەناوی ماڵپەرو گۆڤاری ئەنفالستانەوە هاوخەمی خۆمان بۆ خانەوادەو خزم وکەسوکاری مامۆستای کۆچ کردوو دەردەبرین .
