سهردێرهكان
- تاوانی ئەنفال بۆ نەوەکانت بگێڕەوە! با گۆپتەپە دووبارە نەبێتەوە… سروە نوری ئەزیز
- عەجاج وەک ئایشمان ………………..سەیوان محەمەد
- لە سێدارەدانی عەجاج و لە گۆڕنانی دۆسێی جێنۆساید ……………………………هۆمەر محەمەد
- خراپەکاریی سادەکردنەوە: ستراتیژی سادەکردنەوەی تاوانەکانی جینۆساید لای دەستەبژێری سیاسی کورد. ……………….. ئیبراهیم سادق مەلازادە
- عجاج التكريتي بين عقوبة الدنيا وحساب الآخرة. د. سەربەست نادرعبدول
ریزلێنان یان گاڵتەجاری مێژوو ؟
ریزلێنان یان گاڵتەجاری مێژوو ؟
هیچ بەلاتەوە سەیر نەبێت سبەی پەیکەرێکت بۆ دروست بکەن و بۆ پەردەلادانەکەی بانگهێشتت نەکەن، بەراستی ئەم گاڵتەجارییە لە هەڵەبجە رویدا، ساڵی پارپاركێك لە هەڵەبجە بەناوی ( كوبرا حەمید پور) ناونرا کوبرا ئەو ژنە بوو کە زمناکۆ هەڵەبجەیی گرتەخۆی و ١٩ ساڵ بەخێوی کرد بەڵام كاتێك كەناڵێكی تەلەفزیۆن پرسیاری ئەوەی لە رێکخەرێکی مەراسیمی کردنەوەی پارکەکە کردبوو، بۆچی ئەو ژنەتان بانگهێشت نەكردووە بۆ ئەوەی ئەم رێزلێنانە ببینێت ؟
لە وەڵامدا وتی : بانگهێشتمان كردووە بەڵام خۆی ئامادە نەبووبێت بۆ هەرێمی کوردستان، لە كاتێكدا (كوبرا حەمید پور) ١٠ ساڵە كۆچی دوایی كردووە ! لەوەش ناخۆشتر بۆ مەراسیمی کردنەوەی پارکەکە زمناکۆ بانگهێشت نەکرا بوو ! بەڵکو ئەویش بەرێکەوت لە تەلەفزیون ئەم پاداشتەی بۆ دایکی دووەمی بینیبوو ؟!
ئەنفال و هۆلۆکۆست و جیاوازییەکانی کوردو جوو .
كەریمە فالح السفاح: ناوی ئەو ژنەیە كە زەحمەتی زۆری بەتەیمورەوە كێشا، بە قاموسێكی كوردی عەرەبییەوە خەریك بوو فێری زمانی عەرەبی كرد.
كوبرا حەمید پور : ناوی ئەو ژنەیەكە زمناكۆ (عەلی هەلەبجەیی) لە لانەیەکی منداڵان وەرگرت و گەورەی كرد. لێرەدا دور لە دیدی پیاوسالاری پێویستمان بە هەڵوەستەیەك هەیە، لەكۆی هەموو ئەو نوسین و قسەو باسانەی دەربارەی تەیمورو زمناكۆ نوسراون وكراون .. ئەوەی فەرامۆش كراوە رۆڵی ژنانە، ئەوەی ستایشی دەكرێت هەر بنەماڵەو پیاوەكانن، ئەوەی وونە رۆڵی گرنگ و میهرەبانی ئەو ژنانەیە كە زەحمەتێكی زۆریان بە منداڵە ونبووەکانمانەوە كێشاوە، كەچی دەبینین سەروەری و شەهامەت وئازایەتی پیاوان بەرچاوەو ژنان فەرامۆشکراون.
لێرەدا باپرسیارێک بكەین، ئایا ڕەوایە خەمی تەیمور خەمی زمناكۆمان لە بیربەرێتەوە ؟ دەبێت چاكەو ئازایەتی ماڵی ئال ئعێشم ئازایەتی یەكێكی تر ون بكات ؟ زۆر باشە كە رێز لە ماڵی ئال ئعیشم نراوەو دیارییان پێشكەش كراوە، بەڵام هەمان ئەو ژنەی كە زمناكۆی گەورە كرد، شایانی رێزلێنانە ئەی بۆچی بۆ ئەویان هەیە و بۆ ئەمیان نییە ؟ ئایا ئەمە دورووی ودەبڵ مۆراڵی نییە ؟ ئەم كاردانەوانە ئەوەمان پێدەڵین كە هێشتا بەدکارو بەد بینین، چونکە دۆسێی ئەم قوربانی گرنگترنیە لەوی تر نە (تەیمور) گرنگترە لە (زمناكۆ) و نە زمناكۆش لەیەكێكی تر؟ بەراست كەس خاتوو كەریمە فاڵح وخاتو كوبرا حەمیدپور دەناسێت ؟ ئەی هەق نیە بیانناسین ؟
ئەم هەڵسوكەوتانەی كورد بەبەراورد لەگەڵ جولەكەكان دەمانخاتە بەردەم نائومێدی یان بەخۆدا چونەوە ؟ لە سەردانیدا بۆ ئیسرائیل . لە لایەن ئەو 220 كەسەی كە ئۆسکار شیندلر ڕزگاری كردبوون پێشوازیەكی گەورەی لێكرا، لە دوای ئەو پێشوازییەوە شیندلر ئەوەندە دڵخۆش بوو زۆربەی كاتەكانی لە نێوان ئەڵمانیاو ئیسرائیل بەسەر برد، لە دوای مردنیشی لە شاری هێلدسهامی ئەڵمانی لە تشرینی یەكەمی ساڵی 1974 رزگاربوانی هوڵوكوست تەرمەكەیان دەرهێناو گواستیانەوە بۆ ئیسرائیل لە گۆرستانی پرۆستاتەكانی ئۆرشەلیم لە قودس ئەسپەردەیان كردەوە. لە 18/7/1967 دەزگای یاد فاشم دانی بەوەدانا كە ئوسكار شیندلر یەكێكە لە پشتیوانانی گەلی جولەكە، لە 24/6/1993 جارێكی تر دامەزراوەكە تاكیدی لە بڕیارەكەی كردەوە ، هەمان بڕیاری رێزلێنانی بۆخێزانەكەشی (خاتوو ئمیلی شیندلر) دەرچوو .
