سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
سەرئەنجام مریەم کەسوکاری دۆزییەوە
ئەنفالستان – سلێمانی : دوای پشکنین و گەران سەرئەنجام مریەم کەسوکاری دۆزییەوە، لە بەرنامەکانی ئەمشەویدا کەناڵی ئاسمانی کوردسات لەمیانەی بەرنامەی سۆمادا لە رێورەسمێکدا کە لە مۆنۆمێنتی ھەڵەبجە ڕێکخرابوو، دوای ٢٧ ساڵ لە دابڕان، ئەنجامی پکشنینی D.N.A بۆ (مریەم باروتچیان) بۆ خەڵک و خانەوادەکەی ئاشکرا کرا، دوای گەرانەوەو چاوەروانییەکی زۆرو هەندێک دودڵی وبێتاقەتی سەرئەنجام لە رێگەی تاقیگەی پزیشکییەوە دەرکەوت مریەم کوردەو خەڵکی هەلەبجەیەو ناوی (ھاوناز)ەو دایک و خوشک و برای لە ژیاندا ماون، بەڵام بەداخەوە باوکی (ئەحمەد قادر) لە تاوانی کیمیابارانی شاری هەڵەبجەدا گیانی لەدەستداوەو لەژیاندا نەماوە، ئەنجامی شیکاری و راگەیاندنەکەی سەرباری شەوێکی ئاڵۆزو قەیراناوی هەرێمی کوردستان، خۆشی و شادی تێکەڵ بەفرمێسکی کەسوکارو ئامادەبووان و ھاونیشتیمانان بوو.
بەرنامەی سۆمای کەناڵی کوردسات کە بە دواداچوونی بۆکردبوو کەسوکاری منداڵە ونبووکانی ھەڵەبجەی بەسەرکردەوەو خەون و خەیاڵی دایکان وباوکانی دەگواستەوەو زانیاری لە بارەی ھەوڵەکان و پشکنییەکانەوە خستەروو. سەرئەنجام (هاوناز ئەحمەد قادر بە (گێلاس)ی دایکی شادبووەوە .
