ژمارە (١١) و (١٢)ی گۆڤاری ئەنفالستان لە چاپ دەرچوو
ئەمرۆ ٩/٨/٢٠١٥ لە یادی ٢٨ ەمین ئەنفالکردنی هەلەبجەییەکان ژمارە ١١ و ١٢ی گۆڤاری ئەنفالستان لە چاپ دەرچوو.
هەلەبجەییەکان دوای ئەوەی لە گازبارن رزگاریان بوو، لەدوای راگەیاندنی لێبوردنی گشتی و گەرانەوەیان زۆریان هەر لەسەر سنوری تەوێڵەوە گیران و ئەنفالکران و رەوانەی تەوارییەکەی سلێمانی و تۆپزاواو نوگرەسەلمان کران و زۆربەیان هەرگیز نەبینرانەوەو ٥٢ کەسیشیان لە نوگرەسەلمان مردن وهێشتا تەرمەکانیان نەهێنراوەتەوە بۆ کوردستان .
دۆسێی ئەنفالی هەلەبجەییەکان دۆسێیەکی لەبیرکراوەو نەک کۆمەڵگای نێودەولەتی بەڵکو خەلکی کوردستان و زۆرێک لەهەلەبجەییەکانیش ئاگاداری نین ئەنفالستان بۆ رێزگرتن لەقوربانیانی ئەنفالی هەلەبجە لەچاپ دەرچووەو لەم دوو ژمارەیەدا چەندکەسێک لەوانە دیداریان لەگەڵدا سازکراوەوەو باسی ئەو تاوانەمان بۆ دەگێرنەوە.
ژمارە ١٢ وەک رێز لێنانێک لە قوربانیانی کۆمەڵکوژی گوندی کورێمێی ناوچەی بادینان دەردەچێت .
سوپاس بۆ هەموو ئەو بەرێزانەی لەم دوو ژمارەیەدا هاوکارمان بوون .
بەهیواین دوو ژمارەی سودمەندبن بۆتان
