٢٦ى حوزەیرانى ساڵی ١٩٨٧ یادی بیست وهەشت هەمین ساڵەی گازبارانی شاری سەردەشتە
٢٦ى حوزەیرانى ساڵی ١٩٨٧ یادی بیست وهەشت هەمین ساڵەی گازبارانی شاری سەردەشتە
anfalistan-sulimany : لەو رۆژەدا فڕۆکە جەنگییەکانى هێزی ئاسمانی سوپای عێراق کە سوپاسالار نزار عەبدولکەریم ئەلخەزرەجی سەرۆکی ئەرکانی سوپا بوو، فەرماندەیی گشتی هێزەچەکدارەکانی عێراقیش 
خودی سەدام حوسێنی گەورە دکتاتۆر بوو، جەنگی عێراق حەوت ساڵی تێپەڕ نەکردبوو کە بە بۆمبی کیمیایی پەلاماری شارى سەردەشتیان لە ڕۆژهەڵاتى کوردستان دا و لەئەنجامدا خەڵکێکی زۆری مەدەنی بوونە قوربانی و نزیکەی ٢٠٠ کەس شەهیدو ٨٠٠ کەسیش برینداربوون.
بۆمبارانەکە لە کاتژمێر چوار و ٣٠ خولەکى ئێوارەدا بوو فرۆکەوانە دلرەقەکانی بەعس حەوت بۆمبىیان هەڵدایە ناو شارى سەردەشت و گوندەکانی دەورووبەرى کە هەموویان کیمیایی بوون.
بەداخەوە هە ئێستا وەک رژێمی ئێرانی بەگرنگی بە قوربانیەکانی ئەو تاوانە نەداوە خەڵکی سەردەشت خۆشیان کەمتەرخەمیان نواندووە لەوەی ئامارێکى ورد و راست لە بارەى ژمارەى شەهید و بریندارەکانى سەردەشت بخەنە روو، هەرچەندە زۆربەی سەرچاوەکان باس لە شەهیدکردنى نزیکەی ٢٠٠ هاووڵاتیى کوردى ئەو شارە دەکەن بەڵام ئەوەش زیاتر هەرخەمڵ وگۆترکارییە نەک کارێکی دۆکۆمێنتاری وئامارسازی باوەرپێکراوە کە ئەو مرۆڤانەی بەهۆى بۆردومانى کیمیاوییەوە شەهیدو بریندار بوون مافیان بەسەر زیندووەکانەوە هەیە ناویان تۆماربکرێت و لەمێژوودا وون نەبن .
جێگەی ئاماژەیە فرۆکەکانی هێزی ئاسمانی سوپای عێراق پێش شاری سەردەشتیش شاری پاوەو دەوروبەری بەچەکی کیمیایی بۆردومان کرد بوو، یه‌که‌م بۆمباران شارۆچه‌که‌ی نۆدشه‌ی سەربە پاوەبوو لە به‌رواره 15/4/ 1987 دا. بۆ جاری دووه‌هه‌میش رۆژی 23/3/1988 واته حه‌فته‌یه‌ک دوای پەلامارە درندانەکەی شاری هه‌ڵه‌بجه دیسانه‌وه شارۆچه‌که ی نۆدشه بووه ئامانجی هێرشی کیمیایی باران . ئەمەو هەردوگوندی بالیسان و شێخ وەسان لە رۆژی ١٦ی نیسانی سالی ١٩٨٧ پێش کیمیابارنکردنی سەردەشت ئەنجامدرابوون و لەهەمووشیاندا کۆمەڵکوژییان خستبووەوە کەچی هەموو ئەم تاوانانە لەلایەن ناوەندە پەیوەندیدارەکان و دەولەت و تەنانەت میدیای جیهانی وئێرانی وکوردیشەوە فەرامۆش کراون .
بەپێی ڕاپۆرتى ئاژانسەکانى هەواڵ، کە ئەمرۆ کەناڵی نالیا بڵاوی کردووەتەوە حکومەتى ئێران تەنها دوو هەزار و ٨٠٠ کەس لەبەرکەوتوانى چەکى کیمیایى خستووەتە ژێر چاودیریى تەندروستییەوە.
لە جەنگى هەشت ساڵەى نێوان عێراق وئێڕاندا، شارەکانى سەردەشت و گوندەکانی دەوروبەری لەوانە رەشەهەرمێ، مەریوان، بانە و پاوەو نۆدشەی لە ڕۆژهەڵاتى کوردستان لەلایەن هێزى ئاسمانیى حکومەتى عێراقەوە کیمیابارانکران و کۆمەڵکوژی وتاوانی جەنگ وتاوانی دژەمرۆڤایەتیان خستەوە .
کەچی بیست وهەشت دوای ئەوهەموو یاوانە نێودەولەتیانەی دەرهەق بەگەلی کورد کران، هێشتا هیچ پارێزبەندییەکی بۆدروست نەکراوەو بە پێشچاوی دنیاو کۆمەڵگای نێودەوڵەتی و ئەنجومەنی ئاسایشی نێودەولەتی و رێکخراوی نەتەوە یەکگرتووەکانەوە کورد لە باشورو رۆژئاوا بەتایبەتیش لە شەنگال ولە کۆبانێ جینۆساید دەکرێ و ئەوان هەر تەماشاکارێکی بێدەنگن !
