سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
دوا ئاماری شه‌هیدو برینداره‌كانی كۆبانێ
Anfalistan- sulimany : وه‌زیری ته‌ندروستی كانتۆنی كۆبانێ ژماره‌ی شه‌هیدو برینداره‌كانی كرده‌وه تیرۆرستییەکەی دوێنێی چەتەکانی داعش له‌شاری كۆبانێ ئاشكرا ده‌كات .وڵات عومه‌ر وه‌زیری ته‌ندروستی كانتۆنی كۆبانێ به میدیاکانی راگه‌یاند: هەتا ئێستا له‌سنوری نه‌خۆشخانه‌كانی كانتۆنه‌كه و ئه‌وانه‌ی ره‌وانه‌ی باكوری كوردستان كراون 142 كه‌س شه‌هیدبوون و گیانیان لەدەستداوە، ئەوانیش زۆریان ژن و منداڵن و كۆربه‌شیان تێدایه.وتیشی”تاكو ئێستا زیاتر له 180 بریندار ره‌وانه‌ی نه‌خۆشخانه‌كان كراون و ته‌ندروستی به‌شێكیان زۆر خراپه و پێویستمان به‌هاوكاری زیاتره ، له‌ناو برینداره‌كانیشدا ژن و منداڵ و هاووڵاتی به‌ته‌مه‌ن هه‌ن”.له‌لایه‌كی تریشه‌وه لڤین پرێس رایگەیاندووە، زیاتر لە ٨٠ هاوڵاتی له‌لایه‌ن شه‌ڕڤانانه‌وه رزگاركراون كه له‌لایه‌ن تیرۆرستانی داعشه‌وه به‌دیلگیراون بوون دوای رزگارکردنیان ره‌وانه‌ی نه‌خۆشخانه‌كان كراون بۆ دڵنیابوون له‌ته‌ندروستیان .
کاتژمێر (5) سه‌ر له‌به‌یانی دوێنێ ٢٥ی حوزەیران ٢٠١٥ تیرۆرستانی داعش له رێگای سنوری توركیاوە، له‌سه‌ر خاڵی سنووری مورشد په‌نار له شاری كۆبانێ ئۆتۆمبێلێک کە هاوكاری ده‌وڵه‌تی توركیا ئاماده كرابوو گەیاندیانە ناوشاری کۆبانێ و له نێو خه‌ڵكی مەدەنیدا ته‌قاندیانەوه بەهۆیەوە خەڵکێکی زۆر بوونە قوربانی ئەو هێرشە تیرۆرستیە .
وێنەکە ماتەمینی باوکێکە کە هەموو منداڵەکانی لەو تەقینەوەیەدا گیانیان لەدەستداو خۆی بەتەنیا دەربازبووە .
