سهردێرهكان
سكاڵای تاقانەیەکی ئەنفال (انور حمەلاو )
سكاڵای تاقانەیەکی ئەنفال
(انور حمەلاو )
مەگەربەس خوا فریامان بکەویت، ئیتر هیچ یاسایەک نامانگرێتەوە لەم کوردستانەدا وەختی خۆی داوام لە باوکی ئەنفالدیدەم دە کرد بچمە لای ڕانی شەوەکەژ، باوکم ئەی وت تۆ منداڵی ناتوانیت شەولای ئاژەڵەکان بیت ، کاتێک چوم بۆ پێشمەرگایەتی پێیان دەووتم تۆ منداڵی و بەکەڵکی پێشمەرگایەتی نایەیت برۆ ساڵیکی تروەرەوە، کاتێک موچە بۆ کەسوکاری ئەنفالکراوەکان بڕایەوە هەموو کەسوکارم ئەنفال بوون، پیان دەووتم تۆ تەمەندت لە ١٨ساڵ بەسەروەیە موچەی کەسوکارە ئەنفالکراوەکانت تۆ ناگرێتەوە ، کاتێک خانەنشینی بۆ پێشمەرگە بڕایەوە ئەیانووت تۆ ساڵی لەدایک بوونت منداڵە و خانە نشینی ناتگرێتەوە لەکاتێکدا پێشمەرگەی دێرینیش بووم، کاتێک مامەڵە بۆ زیندانیانی ئەنفال هاتە پێشەوە مامەڵەم کرد بۆ زیندانی بوونم وتیان تۆ لەکاتی ئەنفالدا لە سلێمانی زیندان بویت و نە جویتەتە نوگرەسەلمان ! راستە من نەچوومە نوگرە سەلمان بەڵام زیندانی سیاسیم، ئێستاش کە پرۆژە یاسای تاقانەکانی ئەنفال لە پەرلەمانی کوردستان پەسەند دەکرێت و سبەی یاسای بۆ دەردەچیت، دەڵێن تۆ باوکت لەنوگرە سەلمان گەڕاوەتەوە دوای دووساڵ لەدوای گەرانەوە بە نەخۆشی مردووەو ناتگرێتەوە بەڵام هەرگیز ناڵێن بە نەخۆشی و ئازارەکانی ناو بەندینخانەی نوگرە سەلمان مرد؟ ناڵێن دەردو فیراق و چاوەڕوانی کوشتی ئەوەندە دەزانن کە بڵێن : تۆ نا بیتە تاقانەی ئەنفال ! لە کاتێک دا نەباوک و نە دایک و نەخوشک و نە برام هیچیان نەماون و هەموویان پێکەوە ئەنفالکراون، من تێ ناگەم کێن ئەوانەی یاسا بۆ ئەنفال دادەنێن گوێ لەکێ دەگرن ؟ لەکاتێکدا سەرنوسەری گۆڤاری ئەنفالستان پۆلینکارییەکی باشی کردووە، باوەرناکەم نەپرستان پێکردبێ و نە توێژینەوەکەیتان خوێندبێتەوە.
ئیتر بۆ شێت نەبم کە لەم وڵاتەدا خوێنم بۆ داوەو کەسوکارم هەمووی ئەنفال بوون هیچ یاسایەک لە بەرژەوەندی من دەرناچیت کە تەواوی لاشەی خۆموو خانەوادە کەشم کردووە بەقوربانی بۆ نیشتیمانێکی ئازاد ! هەر بەراست یاسا ناسان و ئازادیخوازان، ئازادی لە هەموو وڵاتێک ولەهەموو شوێنێک ئاوایە ؟ ئاوا مرۆڤ ومافەکانی و خەمەکانی بەسوک تەماشا دەکات ؟
