سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
بادەست پێبکەین
بادەست پێبکەین
پاش ئەوەی لە تۆڕی کۆمەڵایەتی فەیس بووک پۆستێکم دانا لەژێر ناو نیشانی (خۆزگە کەسوکاری ئەنفالکراوان بەگوێیان دەکردم(.
چەند بەرێزێک پشتیوانیان دەربڕی و یەکێک لە تاقانەکانی ئەنفالی گەرمیانیش بەڵێنی ئەوەیدا کە لەگوندەکەیانەوە دەست پێبکات، بەلای کەمەوە لەناوی ئەنفالکراوەکانی خۆیانەوە دەست بکات بە جێبەجێکردنی . بێگومان زۆر کارێکی گرنگ و پربایەخ دەبێت کە هەموو خەڵکی گوندەکان چ ئەوانەی ئێستا لەناو شارو کۆمەڵگاو ناحێکاندا دەژین، چ ئەوانەی لەناو گوندەکاندا دەژین، بەکۆمەکی دەستەجەمعی و بەتایبەتیش بە موچەی ئەنفالکراوەکانیان هەر هیچ نەبێت وەک رێزلێنانێک لە دەروازەی گوندەکانیان دیوار بەندێک بکەن و (ناو ، تەمەن ، ڕەگەز)ی هەموو ئەنفالکراوەکانیانی لەسەر بنوسن.
وەک لە پۆستەکەمدا نوسیوومە پێشتر زۆر هەوڵمداوەو قسەم لەگەڵ خەڵکی زۆر گوندی ئەنفالکراوان کردووە، پێشنیارم بۆ کردبوون کە چیتر چاوەروانی حکومەت نەبن باشترە خۆیان قۆڵی لێهەڵماڵن و دەست پێبکەن .
هەموو ئەنفالکراوێک ئەو مافەی بەسەرمانەوەیە نەهێڵین ناوی ون ببێت، ئەمە دەبێتە زانیارییەکیش بۆ هەر کەسێک کە دەچێتە گوندەکانیان .
ئەم رێزلێنانە پێش هەموو کەس ئەرکی کەسوکاری ئەنفالکراوانە ، هەر هیچ نەبێت لەو برە موچەیەی کە لە بری ئەنفالکراوێک وەری دەگرن، مافی خۆیانە لە موچەی خۆیان و لەهەقی خوێنی بەناهەق رژاویان ناویان بە دەروازەی گوندەکانی خۆیانەوە بنوسن .. هەر وەک چۆن خەلکی نەوجول کردویانە بێگومان نابێت ئەوەش لەیاد بکەین پێش نەوجولیش خەڵکی گوندی کلێسە لەسەر ئەرکی خۆیان مۆنۆمێنتێکیان دروستکردووەو ناوو وێنەی ئەنفالکراوەکانیان لەو مۆبۆمێنتەدا نوسیوە. دەستیان خۆش بێت .
فەرموون هەمووتان دەست پێبکەن هەموو خانەوادەیەک با لەماڵەکانی خۆیانەوە دەست پێبکەن لەسەر بەردێکی مەڕمەڕ یاخود لەسەر هەرشتێک کەخۆیان بەشیاوی دەزانن، لەسەردیواری ماڵەکانتان و بەتەنیشت دەرگای حەوشەی ماڵەکانتانەوە (ناو، رەگەز، تەمەن)ی ئەنفالکراوەکانتان بنوسن، لەم هەنگاوەوە بۆ گوندەکانتان ودواجار بۆ مۆنۆمێنتەکانی ئەنفال و ئینجا کۆی ناوی ئەنفالکراوان وگیانبەختکردوان بەگازی کیمیایی لە دیوارێکی تایبەتدا لەناوچەقی پایتەختەکانی ئاشتی و ڕۆشنبیری و پایتەختی هەرێمی کوردستان . ئینجا بزانین نەوەی نوێ ئەنفالی لەبیر دەچێتەوە ؟
