سه‌ردێره‌كان

ئەنفال‌و خەیاڵەكانی ژنێک

نیسان 23, 2015 ئه‌نفال لێدوان نووسین ناچالاککراوە لە ئەنفال‌و خەیاڵەكانی ژنێک

ئەنفال‌و خەیاڵەكانی ژنێک

عاصی فرود:كفری

 ئافتاوچیرۆکی (ئافتاو) چەندە کورتە هێندە کاریگەرو راچڵکێنەرە، لەکاتی نەخشەسازی ژمارە (٤)ی گۆڤاری ئەنفالستاندا بووین . کەکاک عاصی فرود بەتەلەفۆن پێی ڕاگەیاندم چیرۆکی پور ئافتاو بڵاوبکەینەوە. من لەوکاتەدا لەوپەڕی سەرقاڵیدا بووم، وەڵامم دایەوە کە بەزوترین کات چیرۆکەکەیی و وێنەیەکیم بۆبنێرێت بەلام ئەفسوس هیچ کاتم بەدەستەوە نەمابوو، هەتا بەدواداچوون بۆ وردەکاری ژیانی بکەم، کاتێک چیرۆک و وێنەی ئەو ژنە ستەم لێکراوەم بەدەست گەیشت، کاری نەخشەسازی لەتەواوبوندا بوو، بۆیە شوێنێکم لەدامێنی لاپەڕەیەکی ژمارە(٤) دا بۆ دۆزییەوەو وەک خۆی ئەوەی عاصی ناردبووی بڵاوم کردەوە.

خەون وخەیالەکانی ئافتاو

ئافتاو دانیشتوی گوندی (بیرەمۆن)ی یەو سەرجەم خێزانەكەی ئەنفالكراون، ئێستاش ئەم ژنە لەتاو ئازارەكانی ڕۆژانە گۆچانەكەی دەخاتە سەرشانی‌و بەخەیاڵێكەوە دەژی كە هەتا بڵیێت بێهودەیە، ئەو ئەو ژنەی لە وێنەكەدا دەیبنی لە دەم‌و چاویدا هەزاران زوڵمی ئەنفال‌ودڵڕەقی رۆژگار‌ودرۆی دیموكراسی دەخوێنیتەوە.. ئەو هەتا ئەمرۆ لە نێوخەیالێكدا وونە..خەیاڵی گەرانەوەی كور‌وكچەكانی، بۆ گوندەكەیان‌و دواتر بۆ ئامێزی گەرمی دایكیان، لە رۆژانی جەبەرووتی بەعس و ئەنفال‌و سەدامیەكانەوە. ئافتاو هەتا ئێستا چاوی لەو ڕێچکەو رێگایانەیە كە پێش پەلاماری ئەنفال‌و هەڵمەتی سوپاو جاشی تاڵانچی بۆسەرگوندەكەیان، رێگای چوون و هاتنەوەی كورەكانی بوون، ئەو رێگایانەی لە گوندەوە دەردەچوون‌ ولە دەشت‌و جەوەڵەكانەوە دەهاتنەوە نێوگوند، ئەوانەی ڕۆژانە پێیدا تێدەپەڕین بۆ لە وەرگا‌و مەزرا‌و ‌وپیایدا دەهاتنەوە بۆماڵ، ئیدی ئیستاش هەربەو خەیاڵانەوە رۆژانە پورە ئافتاو قازەكانی بەو رێگایانەدا دەبات‌و دەهێنێتەوە كە كورەكانی پیایدا رۆیشتوون‌و پیایدا هاتوونەتەوە بۆماڵ خۆی ووتەنی : (چی بكەم ڕۆڵە سوكانایم بەڕێگەكەیاندێت).

تێبینی : بەداخەوە ساڵێ ٢٠١١ چووم بۆ رزگاری بەنیازی ئەوەی سەردانی ئەم ژنەبکەم ودیدارێکی درێژی لەگەڵدا بکەم بۆئەوەی وردەکاری ژیانی وناوی کوڕوکچاکانیشی یاداشت بکەم بەڵام کاتێک کەوتمە سۆراخی وتیان ئافتاو کۆچی دوایی کردووەو لەژیاندا نەماوە.

سه‌رنجه‌كان

ڤیدیۆكان

ئێمه‌ له‌ فه‌یسبوك

دیدار