سهردێرهكان
- بۆ هۆمەر محەمەدی گەورە و منەوەر ڕەوا هەژار
- جینۆسایدی گهلی کورد و گهلی توتسی ………………………………….. سروە نوری ئەزیز
- ئایدیاو چەمکسازی لە نێوان داهێنانی فیکری و بەرپرسیارێتیی زانستیدا……………… هۆمەر محەمەد
- کوردە فەیلییەکانی عێراق.. پێکهاتەیەکی ناوازە، کە لەژیر توندوتیژیدا پلیشاونتەوە پڕۆفیسۆر دکتۆر سەیار جەمیل
- لە پێناوی شکۆی پاڵەیی یاخود فەیلیەکاندا هەڵوەستەیەک لە بڕیای (٤٧٤) هۆمەر محەمەد
لە یادی ١٠٠ ساڵەی بەکارهێنانی چەکی کیمیایی لەجیهاندا، گردبونەوەیەک لەبەردەمی قونسوڵخانەی ئەڵمانیا ئەنجامدرا
لە یادی ١٠٠ ساڵەی بەکارهێنانی چەکی کیمیایی لەجیهاندا،
گردبونەوەیەک لەبەردەمی قونسوڵخانەی ئەڵمانیا ئەنجامدرا .
ئەنفالستان – هەولیر : ئەمرۆ ٢٢ی نیسانی ٢٠١٥ لە شاری هەولیریش وەک زۆر وڵاتی تر لە یادی ١٠٠ ساڵەی بەكارهێنانی چەكی كیمیاوی لە جیهاندا برینداران و کەس کاری قوربانیانی کیمیاباران لە زۆربەی ناوچەکیمیابارانکراوەکانی کوردستانەوە لەوانە (هەڵەبجە ، بالیسان ، شێخ وەسان، گۆپتەپە بە لەبەر چاوگرتنی بارۆدۆخی کوردستان لە ئیستادا بە ئامادەکردنی یادداشتنامەیەک کە بە ٧ زمان ئامادە کرا بوو گردبوونەیەکیان لە بەردەم قۆنسولخانەی ئەڵمانیا لەشاری هەولێر ئەنجامدا و لە لایەن قۆنسولی ئەلمانیا پێشوازیان لیکرا.
ئەمرۆ 22-4-2015 ١٠٠ ساڵ بەسەر بەكارهێنانی چەكی كیمیاوی شاری ئیبردا تێدەپەڕێ کە بە ڕۆژی بەکارهێنانی چەکی کیمیایی لە جیهاندا ناسراوە ، هۆکاری بەجیهانی کردنی بەکارهێنانی چەکی کیمیایی بوو لە شاری ئیبری وڵاتی بلجیکا کە ساڵی 1915، کەچی لەسەدەی رابوردودا هەمان ئەو چەكە قەدەغەکراوە بەشێوەیەکی مەترسیدارترو بەرێژەی زۆرتر بەرانبەر بە گەلی كوردیش لە باشورو رۆژهەڵاتی کوردستاندا لە سەرەتای ساڵی ١٩٨٠ هەتا ١٩٨٨لە لایەن رژێمی بەعس بەكارهێنراو بەهۆیەوە هەزاران کەس گیانیان لەدەستداو بەهازارانیش بریندار بوون، کەچێ ئەم تاوانە هێشتا نەبووەتە پەند و لە دوای سەدساڵ لەپەلاماری ئیبری وڵاتی بەلجیکاو ٢٨ ساڵ لەدوای تاوا
نی کیمیابارانی هەڵەبجەوە لە لایەن رژێمی بەعسی سوریاو رژێمی ئەسەدەوە جارێکی تر لە دژی هاۆوڵاتیان بەکاری دەهێنریتەوە!
عەدالەت عومەر صاڵح رێکخەرو بەشداربووی گردبوونەوەکە بە ئەنفالستانی ڕاگەیاند ئەمرۆ لە یادی ١٠٠ سالەی کیمیاباران لەجیهاندا بریندارانی چەکی کیمیایی لە کوردستانی باشور لە شاری هەولیر لە هەڵەبجە و شێخ وەسان و بالیسان و گۆپتەپە لەبەردەمی قونسوڵخانەی ئەڵمانیا کۆبووینەوە بەلام بە لەبەرچاوگرتنی بارۆدۆخی کوردستان تەنها ئەو یاداشتەمان رادەستی قونسوڵکرد کە بە کە بە ٧ زمان ئامادەکرا بوو، بەلام ئێمە هاوکات گردبوونەیەکیشمان لە بەردەم قۆنسولخانەی ئەڵمانیا ئەنجامدا و لە لایەن قۆنسولی ئەلمانیا پێشوازیمان لیکرا ویادداشت نامەکەمان ڕادەستکرد.
هێمن عەبدوڵا کە لە گۆپتەپەوە چووبوو بۆ بەشداری گردبوونەوەکە رای گەیاند بەقونسوڵی ئەڵمانیامان وتووە بۆیە بە ژمارەی کەمەوە هاتووین چونکە هەلومەرجەکەمان لەبەرچاوگرتووەو نەمان ویستووە قەرەباڵغی لەبەردەم قونسوڵخانەکەتان دروست بکەین، بۆیە لەرێگەی ئەم یاداشتەوە داوا لە ئەڵمانیا و کۆمەڵگای نێودەوڵەتی دەکەین کاری جدی تر لەسەر بەگژداچونەوەی چەکی کیمیایی و بەرهەمهێنەران وبەکارهێنەرانی بکرێت بەربەست و رێگری تەواو بکرێت .
مامۆستا هەندرێن بالیسانی کە کوڕی دوو شەهیدی کیمیاباران و خۆشی برینداری چەکی کیمیاییە بە ئەنفالستان راگەیاند: ئەمرۆ کە بەشداربووین، داوامان کردووە کەمتەرخەمی نەنوێنن لە گەیاندنی یارمەتی مرۆیی و تەندروستی بۆ بریندارانی چەکی کیمیایی و لێکۆلینەوە لەسەر کاریگەرییە درێژخایەنەکان لە هەرێمی کوردستان و هەموو ئەو شوێنانەی دوچاری هاتوون بکەن .
کلیک لێرە بکە بۆ خوێندنەوەی یاداشتی دەکەس لەبریندارانی چەکی کیمیایی .
