سهردێرهكان
- مەترسی ئەنفالکردنەوەی ئەنفال دادگایکردنی عەجاج. …………..ئیبراهیم شێخ وەسانی
- تاوانی ئەنفال بۆ نەوەکانت بگێڕەوە! با گۆپتەپە دووبارە نەبێتەوە… سروە نوری ئەزیز
- عەجاج وەک ئایشمان ………………..سەیوان محەمەد
- لە سێدارەدانی عەجاج و لە گۆڕنانی دۆسێی جێنۆساید ……………………………هۆمەر محەمەد
- خراپەکاریی سادەکردنەوە: ستراتیژی سادەکردنەوەی تاوانەکانی جینۆساید لای دەستەبژێری سیاسی کورد. ……………….. ئیبراهیم سادق مەلازادە
حەجاج دەستگیرکرا.
حەجاج دەستگیرکرا.
ئەنفالستان :لەپاش دڵنیابوون لە ناسنامەو شوێنی نیشتەجێبوونی گەورە تاوانباری ئەنفال (عەجاج ئەحمەد حەردان تکریتی)، (٣)کەس لە رزگاربووانی قەڵای نوگرەسەلمان لە کوردستانەوە چوونە پاریزگای سەماوەوە سکاڵاکاران لە هەردوک قەزای چەمچەماڵ و کەلارەوە چوون و لەڕۆژانی ۲۸و۲۹ی تەموزی ۲٠۲۵ لە دادگای بەرایی پاریزگای سەماوە سکاڵایان لەدژی تۆمەتبار تۆمارکردو دوای کەمتر لە ٤٨ کاتژمێر لەلایەن هێزە ئەمنییەکانەوە دەستگیرکرا.
لەم بارەیەوە: خاتوو پەری نوری عەزیز ڕاوێژکار لەسەرۆکایەتی کۆماری عێراق بە ئەنفاللستانی ڕاگەیاند کە لە ١٠٠% خۆیەتی و هیچ گومان لە ناسینەوەیدا نییە، هەرچەندە جوانکاریی کردووەو خاڵێکی لای برۆیەوە هەبووەو بەجوانکاری لای بردووە بەڵام هێشتا شوێنەکەی دیارەو دەناسرێتەوە.
هەرلەم بارەیەوە عەلی دەروێش کە یەکێکە لەو پێنج کەسەی چون بۆ پارێزگای سەماوەو یاوەری سکاڵاکاران بووە لە واڵی فەیسبوکی خۆیەوە ڕاگەیاندووە: “تیمەکەمان بە هاوکاری نوسینگەی (خاتوو شاناز ئیبراهیم ئەحمەد) خانمی یەکەمی عێراق. بەرەوسەماوە بەرێکەوتین و لەوێ سکاڵامان تۆمارکرد.”
لەم بارەیەوە یەکێک لەو پێنج کەسە عەلی دەروێش بە ئەنفالستانی ڕاگەیاند کەو: تیمەکەمان بە هاوکاری نوسینگەی (خاتوو شاناز ئیبراهیم ئەحمەد) خانمی یەکەمی عێراق. بەرەوسەماوە بەرێکەوتین و لەوێ سکاڵامان تۆمارکرد. سکاڵاکاران بریتین لەم بەرێزان :
۱ـ فەزیلە محەمەد، ڕزگاربووی تاوانی ئەنفال بەندکراوی قەڵای نوگرەسەلمان – دانیشتوی قەزای کەلار.
۲ـ ڕزگار شەمزین، دانیشتوی قەزای چەمچەماڵ و ڕزگاربووی تاوانی ئەنفال و قەڵای نوگرەسەلمان.
۳ـ عەلی ئەبوبکر، دانیشتوی قەزای چەمچەماڵ و ڕزگاربووی تاوانی ئەنفال و قەڵای نوگرەسەلمان.
ـ دوو ئەندامی تیمەکە بەناوی
۱ـ مەحمود محەمەد شەریف(خولەغەدە)
۲ـ خۆشم عەلی حەمەئەمین حەمەحەسەن(عەلی دەروێش)
بەڵام ئێمە ئەم دووکەسە لەبەر ئەوەی زیندانی قەڵای نوگرەسەلمان نەبووین سکاڵایان لێوەرنەگرتین.
پەری نوری عەزیز جەختی کردەوە لەوەی کە دوای لێکۆڵینەوەو دڵنیابوون لەکەسایەتی ئەو تاوانبارە. من دەڵێم نەک لە١٠٠% عەجاج خۆیەتی و هیچ گومانێک هەڵناگرێت ..
لەم بارەیەوە کەسوکاری ئەنفالکراوان بەشیوازی جیاواز دڵخۆشی و شادی خۆیان دەردەبڕن و هیوا دەخوازن لێکۆڵینەوەکان بەریکاری یاسایی و دادپەروەرانەدا برواو تاوانبارانی کەیسی جینۆساید بەسزای خۆیان بگەن عەلی دەروێش داواکارە کەس و کاری ئانفالکراوان و ڕزگاربوانی قەڵای نوگرەسەلمان بتوانن سکاڵای خۆیان لەسەرتاوانباری ناوبراو تۆماربکەن.
وێنەکە کاتی تۆمارکردنی سکاڵاکارانە لەدادگای بەرایی سەماوە.
وێنەی یەکەم : کاتی تۆمارکردنی سکاڵاکارانە لەدادگای بەرایی سەماوە.
وێنەی دووەم : عەجاج جەلادەکەی نوگرەسەلمان .
