سهردێرهكان
- تاوانی ئەنفال بۆ نەوەکانت بگێڕەوە! با گۆپتەپە دووبارە نەبێتەوە… سروە نوری ئەزیز
- عەجاج وەک ئایشمان ………………..سەیوان محەمەد
- لە سێدارەدانی عەجاج و لە گۆڕنانی دۆسێی جێنۆساید ……………………………هۆمەر محەمەد
- خراپەکاریی سادەکردنەوە: ستراتیژی سادەکردنەوەی تاوانەکانی جینۆساید لای دەستەبژێری سیاسی کورد. ……………….. ئیبراهیم سادق مەلازادە
- عجاج التكريتي بين عقوبة الدنيا وحساب الآخرة. د. سەربەست نادرعبدول
ئانفال دیدەیەکی تر کۆچی دوایی کرد
ئانفال دیدەیەکی تر کۆچی دوایی کرد
ئەنفالستان : کافیە رەشید ساڵح کە پێش ئەنفال دانیشتوی گوندی قولیجانی ئەمین قارەمان و لەبنەرەتیشدا لەدایکبووی سالی ١٩٢٢ ی گوندی ئاوباریکی سەربەقەزای کفرییە، سالی ١٩٨٨ بەرپەلاماری ئەنفال کەوتن و ١١ کەس لە خێزانەکەی لە کوڕو کچ بەخێزان ومنداڵەکانیانەوە ئەنفالکران وجارێکی تر نەبینرانەوە، خۆشی وەک هەر گوندنشێنیکی گەرمیان بەرپەلامارەکە کەوتووەو لەتۆپزاوا لەپرۆسەی جیاکردنەوەو پۆلێنکردندا رەوانەی نوگرەسەلمان کراوەو ماوەی ٦ مانگ لەوێ لەمەینەتیدا بووە، چیرۆکی ئەم ژنە زۆر تراژیدییە، هەتا ساڵی ٢٠٠٣ بەهیواوە ژیاوەو هەمیشە چاوی لەدەرگاو گەرانەوەی کوروکچە ئەنفالکراوەکانی بووە، تەنانەت جل وبەرگی بۆکریون، بەلام دوای روخانی رژێم و دەرکەوتنی گۆری بەکۆمەڵ ئیدی بەتەواوی بێ هیوا دەمێنێتەوەو بەیەکێک لە خزمەکانی خۆی دەڵێت خۆزگە سەدام نەروخایە بۆئەوەی هەر بەهیوای گەرانەوەی کوڕوکچەکان بومایە .
ئەفسوس رۆژی ٣/٤/٢٠٢٠ کۆچی دوایی کردو بەیەکجاری ماڵئاوایی لەوژیانە کرد کە لەچاوەروانی وئازار زیاتری پێنەبەخشی بوو.
ماوەتە بڵێین کوردەکان، کەمتەرخەم وخەمساردبوون لەنوسینەوەی مێژووی خۆیان، دەنا لەساڵی ١٩٨٨ وە هەتا ئێستا لەگەڵ مردنی هەر گەرمیانیەکی ئەنفال دیدەیان هی هەرناوچەیەکی تر چیرۆکیکیشمان دەمرێ، ئەگەر لەساڵی ١٩٩١ ەوە چیرۆکی ئەم مرۆڤانە بنوسرایەتەوە، ئێستا خاوەنی خەرمانێک چیرۆک بووین، ئەوەی ئەم گەرمیانیانە لە دوای ئەنفال وپێش ئەنفال چەشتیان، مەگەر شیرکۆ یان ڕۆماننوسێکی گەورەو بەئەزمون بتوانن ئازارەکانیان وێنابکات و نەهێڵێت لەبیربچنەوە.
